VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© 2016 VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Aruba ta anfitrion p’e di dos “German-Caribbean Energy Conference�
Source:  AWEMainta
woensdag 16 oktober 2019 19:03

E di dos Conferencia Anual riba Energia ta un colaboracion entre Gobierno Aleman y Gobierno di Aruba, y lo tuma lugar na Aruba riba diamars dia 5 di november, 2019 na Renaissance Convention Center.

E enfoke principal di e Conferencia lo ta riba Renewable Island Solutions and Energy Efficiency.

Den e cuadro di e temanan aki lo tin un discusion entre participantenan Aleman y participantenan di Caribe cu e obhetivo pa logra un transicion di energia sostenibel den e region di Caribe.

 

Alemania ta un di e economianan mas grandi di mundo y un lider den transicion general di energia pa energia renobabel. E sosten y promocion relaciona cu Smart and Sustainable Energy Solutions a resulta na Alemania den un industria cu ta ofrece conocemento y tecnologia mundialmente renombra. Y esakinan ta netamente loke ta bay presenta durante e di dos “German-Caribbean Energy Conference� na Aruba.

 

E apertura di e conferencia lo tuma lugar dor di Prome Minister sra. Evelyn Wever-Croes. E programa ta sigui cu un presentacion di e prestigioso Instituto Aleman di Investigacion “Fraunhofer�, cu lo presenta solucionnan den cuadro di Regional Energy Production and Consumption on Islands and Off-grid Regions.

Ademas di esaki prof. dr. Manfred Norbert Fisch lo enfoka riba eficiencia di energia den edificionan y na nivel di ciudad.

 

E momento culminante di e conferencia lo t’e parti di e panel di discusion, consistiendo di expertonan riba e tema di energia cu lo elabora riba un vision riba transicion di energia na nos islanan den Caribe.

Banda di esaki empresarionan Aleman lo presenta nan productonan inovativo y tecnologianan riba Sustainable Energy Generation, Energy Efficiency, Consulting and Project Financing cu lo por realisa na Aruba y den resto di Caribe.

 

E di dos “German-Caribbean Energy Conference� lo tuma lugar den cuadro di un mision comercial di Alemania organisa pa Camara di Comercio Aleman-Hulandes representa dor di sra. Alexandra Sierra y sra. Elisa Gentzsch.

Despues di un mision exitoso na 2018, e interes di empresarionan Aleman ta grandi pa t’ey un biaha mas na Aruba.

 

E biaha aki e empresarionan lo introduci solucionnan inovativo ‘made in Germany’. E delegacion Aleman e aña ki lo ta mas diversifica cu esun di 2018, extendiendo di turbinanan di biento chikito pa sistema di bateria, verf cu por zorg pa eficiencia den uzo di energia y solucionnan pa trata “brown algea� den Biogas.

Banda di e conferencia lo tin oportunidad pa reuni cu e companianan Aleman den e transcurso di dianan 4, 5 y 6 november na Aruba y 7 -8 november na Corsou.

 

Pa mas informacion y pa registra n’e di dos “German-Caribbean Energy Conference� cu lo tuma lugar na Renaissance Convention Center, diamars 5 november por acudi n’e website di e Duits-Nederlandse Handelskamer: www.dnhk.org/germanenergyconference .

Pa otro preguntanan por acudi cerca sra. Elisa Gentzsch na tel. +31 70 3114 170, e-mail: e.gentzsch@dnhk.org

website: www.dnhk.org/germanenergyconference

 

 

 


Chauffeur no a regula su velocidad ni a mantene distancia a bay dal tras di un pick-up na rotonde Tanki Flip
Source:  Awe24
woensdag 16 oktober 2019 18:58

Diaranzon atardi a drenta informe di un accidente cu hende herida pazuid di e rotonde Tanki Flip, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio atendiendo e victima. Locual a sosode ta cu aki trata di un accidente unda e chauffeur di un vehiculo s.u.v. no a regula su velocidad ni a mantene distancia a bay dal tras di un pick-up, E impacto tabata fuerte y un persona den e pick-up aparentemente lo a haya un whiplash. E personal di ambulans a atende y a transporte pa hospital.


Herido den un explosion di un bancomatico na Amsterdam
Source:  Masnoticia
woensdag 16 oktober 2019 18:53

Un persona a keda herida despues di explosion di un bancomatico na Haarlemmermeerstraat na Amsterdam, e victima a keda herida cu glas cu a cai. A duna e victima tratamento na e sitio segun AT5 e ruina despues di explosion ta grandi. E bancomatico ta completamente destrui, parti di e edificio tambe y e impacto […]

Despues di accidente, ta kibra cura di cas pa despues chauffeur a baha y cana bay
Source:  AWEMainta
woensdag 16 oktober 2019 18:53

Diamars atardi laat Polis a bay Pos Chikito pa un auto cu a dal contra un cura di cas, y despues e chauffeur manera nada no a pasa ta move.

Na yegada di Polis, nan a topa cu BMW color shinishi. Durante cu e vehiculo aki tabata bayendo direccion pariba pa un of otro motibo lo a baha caminda, bayendo na su robes.

 

Esaki a causa cu el a bay dal contra un cura di cas, destruyendo dos meter di awa y un bari di sushi. Manera nada no a pasa e chauffeur, aparentemente no local a kita ambos plachi number cu no ta cuadra tampoco cu e auto y a cana bay.

 

Polis a tira bista p’e chauffeur, pero sin resultado. E auto a wordo confisca y hiba Warda di Polis, unda cu si e doño kier e lo pasa reclama esaki, pero lo tin cu cubri e dañonan haci.

 

 


Mala suerte a compaña dama despues di a caba di cumpra un auto
Source:  AWEMainta
woensdag 16 oktober 2019 18:52

Diamars atardi mala suerte a compaña un dama chauffeur. T’asina cu algun minuut despues cu el a caba di cumpra un Hyundai Accent a haye den un accidente.

Tabata diamars atardi na altura di dam na Moko, e dama lo a bay dal den un buraco riba e caminda di tera, y despues a perde control, kita bay dal den banda di un pick up.

Pa colmo hera bay cay den e dam hundo di Moko.

 

E auto debi cu el a caba di wordo cumpra no tabatin su documentonan na ordo. Loke ta mas importa cu ningun hende a resulta herida.

 

 


Fayo den sissema di UPS A pone cu alarma a bay na Aeropuerto
Source:  AWEMainta
woensdag 16 oktober 2019 18:51

Awe mainta, dado momento Aeropuerto Reina Beatrix a bati alarma di evacuacion. Loke a resulta, cu e sistema di UPS (Uninterrpuptible Power Supply) tabatin manera un kortsluitig cu a pone alarma bay on.

E momento ey, tabata vuelo ta sali pa Miami y otro pa Colombia, pa cual a cuminsa na ehecuta e protocol di evacua e terminal.

Mester bisa cu e tabata un bon training, si mira con liher Cuerpo di Bombero, e unidadnan di INSAM a presenta, y asina tambe ambulance.

 

No tabata conoci exactamente kico e embergadura di e problema tabata exactamente. Cuerpo di Bombero a presenta pa atende cu e situacion, mientras no a permiti pasaheronan cu a yega, pa no baha, te ora cu una ok.

Finalmente cu e situacion a resulta di no tabata nada serio. Segun un vocero, t’e board di e computer a kima y no e baterianan, a bay den alarma. Mientrastanto tur empleado a bay bek paden di e edificio pa sigui cu nan trabao.

 


Den Dakota team BCI a logra kita 3 autowrak for di caminda publico
Source:  AWEMainta
woensdag 16 oktober 2019 18:51

Segun vocero di BCI, sr.Robby Rosel durante di siman cu a pasa nan a haci peticion n’e Bario di Dakota pa por kita e autowrakken cu ta para riba caminda publico.

Mirando cu esaki ta contra ley y ta stroba e peatonan pa por cana.  Mirando cu ya ta hopi biaha a pidi pa kita y no ta haya oido nos a papia cu e doñonan di e autonan pa ultimo biaha y laga nan firma un carta pa nos por kita e autonan aki.

Nan ta gradici e doñonan p’e cooperacion ricibi. Por sigi yama na BCI 582-9777 y nan lo percura pa laga kita esakinan .

 


Bishita di ‘Expertise France’ cu t’e Management Team p’e proyecto regional di e di 11 EDF (European Development Fund)
Source:  AWEMainta
woensdag 16 oktober 2019 18:51

Fondo di 40 miyon euro p’e 12 paisnan OCT den Caribe un aña pasa, 25 di october 2018, durante Caribbean OCT’s Resilience Summit na Sint Maarten, Prome Minister Evelyn Wever-Croes hunto cu 11 otro representante di Islanan di Caribe, a firma un convenio cu Union Europeo cu ta pone 40 miyon euro disponible pa 12 pais OCT (Overseas Countries and Territories) di Caribe por uza e fondo aki pa traha riba 3 area.

 

E siman aki, e Management Team, ‘Expertise France’, cu ta encarga cu ehecuta e proyecto regional di e di 11 EDF, (European Development Fund), a cuminsa cu bishitanan na Aruba y nan a cuminsa cerca Prome Minister. Durante e dianan aki nos teamnan local lo presenta proyectonan riba e tres area aki.

 

E PROME AREA: ENERGIA Y EFICIENCIA DEN UZO DI ENERGIA

Aki kier enfoca mas riba e eficiencia, pues con pa gasta menos energia, locual ta pas den e vision di Gabinete Wever-Croes.

Gobierno di Aruba no ta enfoca riba visionnan cu no ta realistico manera tabatin den pasado. Nos ta recalibrando e vision cu e meta pa yega n’e punto cu Aruba por ta completamente independiente di crudo, y bay over na un combinacion di gas y diferente fuente di energia alternativo.

Y mientrastanto, Aruba lo enfoca riba eficiencia, nos enfasis ta bay mas pa enfoca riba haci energia mas barata y baha e gastonan na Aruba.

 

E DI DOS AREA: CONSERVACION DI NOS AREA MARINO

Esaki ta encera e atencion duna na nos bida marino, cu ta sumamente importante pa Aruba mirando cu turismo ta nos unico pilar economico. Hopi di nos turistanan ta bin Aruba dor di nos area di beach sumamente bunita y tambe dor cu nos tin un area marino.

Nos mester proteha e area aki pa cua tin fondo den e 40 miyon euro.

 

E DI TRES AREA: MIHOR PREPARACION PA CALAMIDAD

Con ta preveni disaster y con pa prepara mihor pa disaster ta un tema di importancia y hopi actual tambe na Aruba.

Bou di e tema aki, Aruba lo atende cu e efecto cu e crisis migratorio Venezolano tin riba nos pais, mirando cu nos ta considera esaki un calamidad na Venezuela cu tin un impacto grandi na Aruba.

 

“Mi ta hopi contento y satisfecho cu Aruba por tin e fondo aki disponibel pa cubri diferente maneho di Gobierno den e 3 areanan menciona.

Den e temponan aki financieramente dificil, tur ayudo cu nos por haya ta bon bini�, Prome Minister Evelyn Wever-Croes a expresa.

 


Hyatt Place Aruba Airport a habri su portanan
Source:  AWEMainta
woensdag 16 oktober 2019 18:49

Diarazon mainta 16 di october a tuma lugar e cortamento di cinta na Hyatt Place Aruba Airport, inaugurando asina e di dos hotel di e marca Hyatt na Aruba.  E hotel mas nobo na Aruba ta situa pariba di Aeropuerto y ta ser maneha pa Pelca Development Company.

Hyatt Place Aruba Airport ta specialmente diseña p’e biahero ehecutivo, cu ta bishita nos isla pa haci negoshi, y ta busca un experiencia hotelero cu un estilo contemporaneo, comodo y cu ta adapta na su estilo di bida y rutina.

 

E concepto di Hyatt Place lo ofrece e biahero aki tur e facilidad, cu un servicio atento y personalisa y sigur lo brind’e tambe un amber comodo y silencioso –danki n’e diseño ultra moderno y sofistica- p’e por descansa, despues di su dia largo di trabou.

E proyecto di Hyatt Place Aruba Airport ta inaugura na un momento ideal, y casi por bisa cu e ta bay man den man cu e proyecto di expansion di Aeropuerto.

 

E expansion di Aeropuerto lo trece un fluho mas grandi di tursimo pa nos isla, y lo expande Aruba su potencial como hub den region. Hyatt Place Aruba Airport t’e concepto perfecto pa ofrece acomodacion n’e biahero aki.

Hyatt Place Aruba Airport ta consisti di 116 kamber, den diferente tamaño, cu un diseño contemporaneo y espacioso. Cada kamber tin un bentana grandi cu un bista fabuloso riba varios parti di nos isla, haciendo esaki mustra manera un cuadra bibo, cu lo garantisa un experiencia unico pa nos huesped.

 

Cada kamber ta diseña pa brinda comfort maximo n’e bishitante. E ballroom y varios area di reunion ta situa na di dos piso di e hotel.

“Nos salanan di reunion ta bin ekipa cu e tecnologia di mas moderno di den region, p’asina eleva e experiencia di nos clientela y huesped.

Den e lobby area nos huesped lo por aprecia un bista bunita riba nos aeropuerto, mientras nan ta disfruta di un sabroso desayuno of un lunch ehecutivo�. Asina Marta Raven, Gerente General di Hyatt Place a bisa durante e ceremonia di inauguracion.

 

E area di lobby na di tres piso ta ofrece un ambiente pa cada gusto y expectativa. Na Hyatt Place Aruba Airport bo por sinta n’e lobby bar of poolbar y disfruta di un cocktail, sinta relaha den un di e varios loungenan, pero tambe e t’e espacio ideal pa cualkier empresario reuni cu su clientenan,  den un ambiente ehecutivo y exclusivo durante un lunch of dinner.

Hyatt Place Aruba Airport lo ofrece cada huesped y bishitante local e oportunidad pa explora un variedad culinario unico, consistiendo di platonan local y internacional, creando asina un experiencia y ambiente diferente pa complace cada gusto.

 

E hotel ta conta cu un team di staf permanente y management completamente local, cu ta wordo asisti, asesora y getrain dor di representantenan corporativo di Hyatt International y tambe di diferente Hyatt Place di den region, e.o. for di Mexico y Costa Rica. Hyatt Place Aruba Airport ta prueba asina cu Aruba tin talento, e experticio y hendenan capacita pa maneha un hotel di renombre internacional manera Hyatt Place.

P’e usuarionan di e World of Hyatt Loyalty Program e inauguracion di Hyatt Place Aruba Airport  ta ofrece mas opcion, unda cu banda di spaar punto cu cada estadia,  nan lo por tambe disfruta di diferente promocion atractivo.

Den cuadro di nan sentido di responsabilidad social, y pa contribui cu e comunidad, Hyatt Place Aruba Airport a inicia su operacion apoyando Stichting Trampolin Pa Trabou, cu a brinda algun servicio special na e empleadonan.

 

Hyatt Place Aruba Airport lo mantene y expande su compromiso cu e comunidad di Aruba dor di sigui traha cu Trampolin y tambe cu otro organisacionnan social.

Pa mas informacion of pa haci reservacion por bishita e pagina web www.HyattPlaceArubaAirport.com,  e paginanan social riba Facebook y Instagram @HyattPlaceArubaAirport of por yama na number di telefon 523-1234.

Hyatt Place Aruba Airport ta posiciona su mes riba mercado di Aruba como e hotel pa un estadia comodo y confortabel, di encuentro ehecutivo exitoso y eventonan social inolvidabel.

 

 

 


City Inspectors a descubri Otro garage den Noord Cura Cabay cu resto di auto para riba caminda publico
Source:  AWEMainta
woensdag 16 oktober 2019 18:49

Bureacu City Inspectors, cu ta bin ta haci un bon trabao, a haya melding cu den Noord Cura Cabay tin un mecanico cu ta traha y cu ta yenando hopi resto di auto dilanti di e cas cu ta caminda publico.

Mesora team di BCI a bay n’e sitio y berdad a bin haya basta resto di auto para dilanti di un cas masha bunita. Hechonan asina ta baha balor di e cas.

BCI a logra papia cu un trahador dor cu e doño no tabata ne sitio, pa nan kita esakinan for di riba caminda publico. Nan a cumpli cu e peticion haci. Ariba e combinacion di potret por mira con tur a ser kita .

 


<< < Vorige 1 2 3 4 5 6 7 8 9 10 Volgende > >>