VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© 2016 VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Detenido Dominicano agresivo a huy for di Prison na Dakota
Source:  Awe24
woensdag 16 oktober 2019 18:24

Diaranson den careda di 6 ‘or di atardi, alarma a wordo bati na Guarda Nos Costa ( Ex Huis van Bewaring) pa motibo cu un ilegal a huy. Ta trata di un homber di nacionalidad Dominicano cu recientemente a sali for di K.I.A.despues di a caba di sinta su castigo y lo ta, wardando riba su deportacion.Homber color bruin, cabey rasta, cu barba, tshirt blanco, short blauw, ela core bay direccion dakota ultimo ela ser mira banda di Bohama. Un patruya di polis a presenta na Guarda Nos Costa pa asina mas haya mas informacion di e persona cu a huy. Aparentemente e fugitivo di nacionalidad Dominicano ta hopi agresivo y polis lo cuminsa cu un buskeda.


Declaracion di Sr. Rudy Croes riba entrega di su condecoracion real bek na Hulanda
Source:  Masnoticia
woensdag 16 oktober 2019 17:30

Den medionan di comunicacion a sali un articulo caminda e ex-Minister di Husticia Sr. Rudy Croes ta declara cu e ta bai entrega su condecoracion royal bek na Hulanda. Riba esaki nos a tuma contacto cu Sr. Croes, kende ta den exterior, p’asina e duna su declaracion riba loke a sali publica aki. Sr. Croes […]

Red Machine C.C.B.S buscando muchanan cu kier hunga baseball
Source:  Masnoticia
woensdag 16 oktober 2019 16:45

Red Machine C.C.B.S ta buscando mucha nan edad 7 pa 10 aña cu tin gana pa practica y forma parti di un team di baseball. Red Machine C.C.B.S ta para ariba cu deporte ta contribui na guia y forma un mucha den un persona ehemplar den nos comunidad. Red Machine C.C.B.S ta train den Don […]

Seleccion nacional di futbol di Aruba ta perde 6-0 di Jamaica na Corsou
Source:  NoticiaCla
woensdag 16 oktober 2019 16:29

WILLEMSTAD – E seleccion nacional di futbol di Aruba a perde contra Jamaica cu e score di 6-0 diamars anochi. Diasabra caba nan a topa Aruba, pero e wega ultimo aki a bay mucho miho pa e ekipo cu ta bay cu e nomber ‘Reggae Boyz. 

Miles di cunukero Hulandes rabia a mobilisa pa Den Haag pa protesta
Source:  NoticiaCla
woensdag 16 oktober 2019 16:26

DEN HAAG – Miles di cunukero Hulandes diaranson a mobilisa pa Den Haag, pa asina atende cu e politiconan di e pais Hulandes. E motibo di nan preocupacion y rabia, ta e declaracionan di varios politico pa minimalisa e uso di Ganado pa reduci asina e cantidad di nitrogen cu esaki ta produci. Nan tin varios dia ta protesta, pero diaranson a dicidi di ataca e curason di e pais, por lo menos e parti politico pa haya atencion. Politica di Den Haag a spanta y a mobilisa militarnan cu tanki pa proteccion. Cos no a bay asina leu, y ta apenas 4 cunukero a keda deteni. Nan ta bolbe diahuebs atrobe, a wordo bisa. Nan a bin cu nan tractor pa asina blokea tereno, caminda y cualkier otro lugar cu tabata por. Pa anochi, nan a bolbe nan respectivo ciudad atrobe. 

Dutch Caribbean Nature Alliance ta tene convencion na Bonaire
Source:  NoticiaCla
woensdag 16 oktober 2019 15:39

KRALENDIJK - E convencion benidero di Dutch Caribbean Nature Alliance (DCNA) ta tuma luga na Bonaire e an?a aki y lo enfoca riba participacion di hubentud, maneho di parkenan marino, restauracion di coral, investigacion cientifico y planificacion. Tur seis organisacion pa maneho di parke nacional di e islanan cu ta forma parti di Reino Hulandes den Caribe, actornan clave y otro stakeholdernan local ta uniendo forsa pa hunto fortifica politicanan pa maneho strategico di naturalesa pa e an?anan cu ta bini. Tambe lo asisti na e simposio World Wildlife Fund Hulanda (WWF- NL), Vogelbescherming Nederland, International Union for Conservation of Nature (IUCN-NL), Nederlandse Organisatie voor Wetenschappelijk Onderzoek y cientificonan experto den restauracion di coral di Wageningen University & Research y Reef Renewal Foundation Bonaire. Di otro banda lo trese diferente hoben di e islanan hunto pa sin?a tocante otro su actividadnan pa conservacion di naturalesa riba cada un su respectivo isla. Ademas lo tin un charla gratis pa publico tocante rifnan di coral dia 28 di october pa 7:30 pm na Captain Don’s Hotel, Bonaire. Un asercamento conhunto pa atende cu retonan di conservacion comun na e seis islanan lo beneficia proteccion di naturalesa den e area Caribense di Reino Hulandes en grande. E organisacionnan pa maneho di parke di tur seis isla ta mas fuerte ora nan ta hunto, cu ora nan ta riba nan mes. Ademas, diferente organisacion Hulandes ta indica cu nan mester di e parkenan pa alcansa nan metanan y pa implementa plannan conhunto pa mehora actividadnan dirigi riba conservacion di naturalesa riba tur seis isla den Caribe cu ta forma parti di Reino Hulandes. Dutch Caribbean Nature Alliance (DCNA), hunto cu e organisacionnan invita ke expande, profesionalisa y fortifica e experticio cu e parkenan tin actualmente. Naturalmente tur loke ta bayendo bon por y mester bai miho, cu bista riba e consecuencianan serio di cambio di clima. Hopi desafio cu tur isla ta encontra por keda soluciona miho den colaboracion cu otro. Hunto nos por alcansa mas. Participacion di hubentud Maneho di naturalesa na prome luga ta enfoca riba beneficio y maneho di recursonan natural pa futuro generacionnan. Durante e convencion di DCNA, cu lo keda organisa tur an?a, lo dedica atencion special na e programanan di naturalesa pa hubentud di e seis islanan. Di e programanan di Fundacion Parke Nacional Aruba, STINAPA Bonaire, CARMABI na Corsou, Saba Conservation Foundation, Sint Maarten Nature Foundation y STENAPA na Sint Eustatius, a selecta cuater hoben pa cada isla y hunto nan lo asisti e convencion. Danki na cofinanciamento di World Wide Fund for Nature, Rabobank y STINAPA, a prepara un programa cu ta dura henter weekend y cu ta inclui excurcion y workshop na Parke Nacional Washington Slagbaai, unda e hobennan lo pasa anochi. Lo ta un experiencia unico unda nan lo tin e oportunidad pa sin?a tocante otro su naturalesa y asina logra un experiencia memorabel. Nan lo completa nan programa cu un presentacion. E embahadonan hoben di naturalesa lo presenta nan propio conocemento y experiencia y con nan lo ke duna inicio na cierto accionnan hunto cu nan respectivo organisacion local na e isla cu nan cada un ta representa.  

Opinion: Persecusion politico?
Source:  NoticiaCla
woensdag 16 oktober 2019 15:34

Pa Armand Hessels Den e prome siman di oktober 2019, tawatin entrada hudicial na cas di e ministro anterior di Infrastructura (2009-2017) y algun ‘colaborador’. Posiblemente e entradanan aki tawata consecuencia di e serie di denuncia di parti di fundashon ‘Nos ta Aruba’ na 2017. E denuncianan aki cu un descripshon detaya di e modus operandi a encera un petishon pa “investigashon penal di e ministro di Infrastructura, Desaroyo espacial y Integrashon di e tempo ey, encuanto  otorgamento di tereno di gobierno. Den esaki iregularidad serio y penal a tuma luga, entre cual negoshi y manipulashon cu tereno di gobierno, otorgamento di tereno contra pago ilegal, pago ilegal di funcionario di gobierno, corupshon, engaño intenshonal, falsificashon di documento, faborecimiento ilegal, fraude fiscal y labamento di placa�. E denuncianan tawata un representashon di e impreshon general den comunidad di Aruba cu tawata trata di negoshi na gran escala cu tereno di gobierno.   E prome reacshon di e ex-ministro concerni y su ‘colaboradornan’ tawata cu aki ta trata di persecushon politico. Den su prome reacshon riba e asunto aki, lider di partido di AVP a comparti mesun opinion. El a mustra entre otro na absolushon di su ruman y prome ministro di e tempo ey cu, segun e, tambe tawata victima di persecushon politico. Asina e ta demostra di ta ignora (?) algun echo importante. Desorden financiero intenshonal? A entama e investigashon cu e tempo ey (Caso Fondo Desaroyo Nobo San Nicolas na comienso di e siglo aki) a conduci na persecushon Y (!) sentencia di ocho persona bou di preshon grandi di comunidad. Esaki tawatin e impreshon fuerte cu durante e gobernashon di AVP (1994-2001), corupshon na gran escala a tuma luga. Segun e analisis di documento di parti di “Comishon di Berdad’, e impreshon aki a resulta di ta corecto. Den e comishon aki, specialmente e director di Servicio Central di Accountant y Secretaria di Conseho Consultativo di e tempo ey a hunga un papel importante. Ya caba a base di apenas un solo proyecto a entrega denuncia contra ocho persona. Despues di investigashon penal, corte a haya tur ocho (incluso un ministro) culpabel. Prome ministro no tawata forma parti di e grupo ey. A base di testimonio di esnan ‘sentencia’, Ministerio Publico mes a hay’e culpabel di practica malicioso. Sinembargo, a absolv’e, entre otro pasobra “no tawatin cuenta anual cu por a uza pa verifica� y “cu no por compara presupuesto y cuenta anual drechi�. No por spera di corte cu “e mes lo calcula y compara tur cifra�. E administrashon financiero deficiente di gobierno, cu aña aden, aña afo sa haya critica di parti di Servicio Central di Accountant y Controlaria General, a resulta di ta un motibo perfecto pa abstene di persecushon. No ta por nada cu ningun di e dos partidonan a tuma iniciativa for di nan propio boluntad pa drecha e administrashon financiero efectivamente. Un silencio hermetico E caso di Ibis cu a conduci na investigashon y sentencia di un ministro di AVP pa motibo di practica coruptivo, a tuma luga bou di e ultimo gobernashon di AVP. E partido a mantene un silencio hermetico. Tambe ora cu Procurador General a declara den un entrevista cu for di e investigashon ey a sali asina hopi informashon, cu tin suficiente material pa 12 caso similar. Sinembargo, e falta di suficiente personal capacita tawata e obstaculo principal pa trata tur e casonan riba termino corto. Pero den comunidad di Aruba tawata reina e impreshon cu e gobierno di e tempo ey tawata eherce preshon fuerte riba Ministerio Publico pa no cuminsa otro investigashon penal pa un di dos (y di tres?) ministro di AVP. Capacidad adishonal di investigashon En realidad AVP ta abusa di e echo cu investigashon di posibel acto coruptivo di un di su ex-ministronan ta tuma hopi tempo y ta duna resultado apenas durante gobernashon di un otro gabinete. Pero e pregunta si aki ta trata di persecushon politico ta completamente irelevante. Si realmente AVP tuma e interes di pueblo na pecho, e lo mester enfoca riba e pregunta si di berdad ta trata di acto penal. Riba dje, e lo mester aspira, preferiblemente den coperashon cu e gobierno di coalishon, na expande e capacidad investigativo di Landsrecherche y RST. Finalmente e lo mester pone preshon riba ministro di Husticia pa cambia su resistencia pa Team Bestrijding Ondermijning (TBO) investiga corupshon na Aruba, den un coperashon completo. Si no, tur dos ta carga e sospecho legitimo cu nan tin hopi cos di sconde! 

“Kere den bo soñonan y haci nan realidad den bo bida�
Source:  Awe24
woensdag 16 oktober 2019 11:32

Un grupo grandi di autor di buki pa mucha y ilustrador ta bay duna contenido na e Festival di Buki pa Mucha 2019. Nan ta bishita scolnan rond Aruba den prome siman di november 2019. Biblioteca a invita autor di Hulanda, Corsou y Boneiro, Colombia y e grupo mas grandi ta nos talentonan local.

Di Aruba ta participa un grupo bon conoci den mundo di buki pa mucha; Richard Dabian, Sergio Tjie-A-Loi, Olga Buckley, Shaila Vrolijk y Emerita Emerencia.

E grupo aki ta bishita diferente scol for di dia 5 pa dia 9 di november.

Photo 1 Sergio Tjie A Loi

Sergio ta un musico, e ta compone cantica pa mucha y ta guia coro di mucha. E ta gusta lesa, skirbi stria y conta storia. Ta pesey e ta participa pa di 4 biaha den Festival di Buki pa Mucha. Su mensahe ta ‘Kere den bo soñonan y haci nan realidad den bo bida’ manera e mes ta haci ora cu su talento, un soño y oportunidad ta bini hunto. Sergio ta wak bishita pa scol como un dushi oportunidad pa comparti su musica, canto, storia y comedia cu mucha. E ta gusta combersa cu mucha y cera amistad. Sergio su medio di transporte ta burico, ta pesey e ta bishita e parke di burico hopi, hasta ela hiba e fotografo di biblioteca eynan pa saca su potret!


RDK :A pone beslag unicamente riba e fondonan di aqualectra destina pa pago na refineria isla
Source:  NoticiaCla
woensdag 16 oktober 2019 11:03

WILLEMSTAD – Den un declaracion  ayera anochi laat,  Refineria di Kòrsou (RdK) a duna di conoce cu nan a tuma nota di e carta habri cu Refineria Isla a publica encuanto beslag cu RdK lo a pone riba crudo, producto refina, mobilario y inventario. RdK ta desmenti categoricamente di e pone un tipo di un beslag asin’aki. RdK a pone beslag unicamente riba e fondonan di Aqualectra, cu ta destina pa pago na Refineria Isla. RdK semper a y ta para pa un solucion di e disputa entre RdK y Refineria Isla tocante e debenan cu tin entre Refineria Isla y CRU, sin cu esaki ta perhudica Refineria Isla su cumplimento cu su obligacion ante e.o. su trahadonan y demas credito.  RdK, den cooperacion cu Gobierno di Corsou, todo lo contrario, ta haciendo lo maximo pa netamente garantisa cu Refineria Isla por tin espacio pa por cumpli cu su debernan, manera p.e. door di pidi exoneracion riba sancion Mericano di tal forma cu Refineria Isla por cumpli cu su debernan. RdK ta bon consciente di efecto di cualkier tipo di accion manera a keda señalá pa Refineria Isla.  Ta pa e motibo aki tambe RdK ta lamenta e ponencia incorecto aki publica y ta urgi Refineria  Isla pa continua cu su operacion, cumplimento cu e creditonan e empleadonan, mientras e partidonan ta yega na acuerdo tocante di e disputa na mesa. Cortesia Extra. 

E trahadonan di Isla na Corsou a blokea caya caminda director di RDK ta biba
Source:  NoticiaCla
woensdag 16 oktober 2019 11:01

WILLEMSTAD - E trahadonan di Refineria Isla ayera nochi den careda di 10 or a basha bay entrada di Isla Post 7 y a blokia esaki. Niun hende por drenta of sali. Despues nan a bay na cas di director di Refineria di Corsou, Chonky de Lannoy, y a blokea e caya pa oranan largo, pendiente un prueba di e veredicto di corte cu ta indica cu e beslag ta solamente riba e fondonan di Aqualectra destina pa  pago na Refineria Isla. Despues cu e trahadonan a haya un copia di e veredicto, pa aclareacion nan ta desea pa un abogado studia e veredicto. Ayera anochi e reaccion di e trahadonan ta riba e beslag cu ayera Refineria di Corsou a pone riba Refineria isla y nan tabata kier pa lanta e beslag. Refineria Isla mes ta lamenta e situacion aki y ta stroba nan di por traha, mirando cu hasta petroli nan a caba di haya. E trahadonan ta rabia, pasobra e beslag ta pone nan salario di fin di e luna aki na peliger. Lider sindical a papia na e sitio y a papia di sorpresa desagradabel pa e trahadonan. El a bisa cu no por permiti un cos y ta haci otro cos. A pone beslag riba tur tur cos riba e refineria. E trahadonan ta exigi pa kita e beslag y bay sinta na mesa cu otro, pa yega na un solucion. E beslag tin efecto riba nan salario segun e lider sindical.  E lider sindical ta preocupa, cu si un hende bira malo, con por atende si hende bira malo na nan policlinica. E lider sindical no kier a bisa kico lo bay sosode y kico ta e accion. Pero nan ta papia si di reaccion cu ta bay haci dolor. Na Post 7 tabatin lider di PWFC y tambe APRI, pa por dirigi e trahadonan, cu ta basta rabia. Loke tambe ta masha interesante awor aki ta, cu tin e representantenan di e compania Klesch na Corsou.Cortesia Extra. 

<< < Vorige 1 2 3 4 5 6 7 8 9 10 Volgende > >>