VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© 2016 VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Situacion na aeropuerto Reina Beatrix a normalisa despues di evacuacion
Source:  NoticiaCla
woensdag 16 oktober 2019 10:56

ORANJESTAD – Un ora despues cu aeropuerto Reina Beatrix a bati alarma di evacuacion awe mainta, e situacion a normalisa atrobe. Manera cu noticiacla.com a raporta inicialmente, a evacua tur persona den e terminal di yegada den careda di 9:30am debi na un problema cu e sistema di UPS (Uninterruptible Power Supply ) den e centro di comunicacion. Asina representante di aeropuerto Barbara Brown a comunica e momento ey. No tabata conoci exactamente kico e embergadura di e problema tabata exactamente. A busca cuerpo di bombero pa atende e situacion y evalua si ta kita e sistema UPS of no. Mientrastanto buelonan por a sigui opera, pero pasaheronan cu tabata yega Aruba, no por a baha di avion ainda.  A resulta finalmente cu e situacion no tabata asina grave. Segun vocero di aeropuerto, e  board di e computer a kima y no e baterianan, manera cu a kere inicialmente, cu por tabata mas grave. Mientrastanto tur empleado ta bayendo bek paden di e edificio. 

Polis lo a detene persona cu tabata cerca di Compleho di Cel na Shaba
Source:  AWEMainta
woensdag 16 oktober 2019 10:27

Diamars merdia agentenan den Warda di Polis na Shaba lo a haya sa cu tin hende cerca di e Compleho di Cel. Mesora algun agente a sali, y a subi dak.

Algun rato despues lo a topa cu e persona aki y a detene. No sa si ta trata di un persona local of no.

A tira bista rond pa mira kico te por a trece cune pa entrega na un of mas detenido, niun hende ta yega cerca di celnan por nada.


Hyatt Place Aruba Airport oficialmente inaugural awe mainta
Source:  NoticiaCla
woensdag 16 oktober 2019 10:16

ORANJESTAD - Awe mainta a tuma luga cortamento di cinta na Hyatt Place Aruba Airport, un proyecto hotelero di 50 miyon dollar. E apertura a keda efectua pa prome minister di Aruba Evelyn Wever. Esaki ta e prome espacio den Aruba Airport Hotel & Business Center, un centro di negoshi cu manera nan mes ta bisa, lo inclui banda di e hotel varios otro facilidad pa e huesped cu ta bishita Aruba pa trabou pero tambe e empresario local. E compania desaroyado di e proyecto, Pelca Development Comany, ta consisti di e gruponan inversionista Pellizzari y Cano.   E COMIENSO E proyecto a inicia den su fase di planificacion y desaroyo den tur disciplina den aña 2016 y na januari 2017 e acto protocolar a tuma luga caminda a eleva e prome columna di e edificio. Den un tempo   di 2 aña y mey e Pelca a completa e proyecto, y segun e compania, cumpliendo cu tur rekisitonan di siguridad,  tecnico y estetico. E compania ta admiti cu e no tabata un tarea facil. “Pero sin duda Pelca Development Company ta sumamente orguyoso di por a entrega e prome fase di e edificio pa asina haci e inauguracion di Hyatt Place Aruba Airport posibel� e compania ta finalisa bisando . DETAYES Hyatt Place Airport tin 116 camber, 43 empleado di cual 42 ta Arubiano, incluyendo e gerente general. Di e 116 camber, tin un variacion di camber standard y e cambernan completamente ekipa. Tin un piscina, ballroom y espacio pa haci reunion.  

Pa 10’or net Hyatt Place Airport Hotel a keda oficialmente inaugura pa Minister Dangui Oduber
Source:  Awe24
woensdag 16 oktober 2019 10:07

Diaranzon mainta pa exactamente 10’or Minister Dangui Oduber a inaugura Hyatt Place Airport Hotel, esaki den presencia di e.o. dignatarionan Minister President sra. Wever Croes, Minister O. Oduber y Minister G. Croes dilanti di e gerencia, empleadonan y demas invitadonan di honor. Nos lo sigui informa


A evacua personal den terminal di yegada di Aeropuerto Reina Beatrix
Source:  NoticiaCla
woensdag 16 oktober 2019 09:58

ORANJESTAD – Awe mainta aeropuerto Reina Beatrix a evacua tur persona den e terminal di yegada, debi na un problema cu e sistema di UPS (Uninterruptible Power Supply )den e centro di comunicacion. Asina representante di aeropeurto Barbara Brown a comunica awe mainta. No ta conoci exactamente kico e embergadura di e problema ta exactamente. A busca cuerpo di bombero pa atende e situacion y evalua si ta kita e sistema UPS of no. MIentrastanto buelonan por a sigui opera, pero pasaheronan cu tabata yega Aruba, no por a baha di avion ainda. Keda pendiente pa mas informacion. 

Aruba Bank Lady Tigers ta derota Jaguars Vitamin Water 10-9 y ta sweep e serie pasando pa final
Source:  Awe24
woensdag 16 oktober 2019 09:51

Campeonato fast pitch femenino a continua

Aruba Band Lady Tigers ta derota Jaguars Vitamin Water 10-9 y ta sweep e serie pasando pa final

Campeonato Fast pitch femenino AA den su recta final. Aruba Bank a gana su di dos wega den e serie semi final best out of 3 y automaticamente ta pasa pa e gran final cual lo inicia diabierna awor 715pm y diasabra 5 pm na Pos Chiquito. Aruba Bank ta anota 3 careda den promer inning pero mesora den bom di mesun inning Jaguars ta empata e wega. Aruba Bank ta piki 2 careda mas den cabez di 3 inning pero Jaguars no kier entrega y ta rally pa 3 careda den bom di mesun inning pa bay ariba 6-5. Aruba Bank ta rally pa dos careda den cabezs di 4 inning y 1 mas den cabez di 6 inning pa bay ariba 8-6 pero den bom di 6 inning Jaguars no kier baha cabez ta empata e wega 8-8. Aruba Bank den parti ariba di 7 inning ta anota 2 careda mas mientras Jaguars ta menasa den bom di 7 cu un careda pa finalmente Aruba Bank gana cu score di 10-9. Boxscore final Aruba Bank Lady Tigers 10 careda,9 hit, 1 eror y ta laga 7 coredor na base. Jaguars Vitamin Water 9 careda, 12 hit, 5 error y ta laga 8 coredor den circulacion. Mihor bateadornan pa Aruba Bank ta Shakeena Croes di 3-2 cu un doblete y un triple anotando 3 careda, Nikkaela Jacobs di 4-2 cu 2 triple cu dos careda anota, Carienne Bretey Rudlyn Ras ambos di 3-1, Anshellie Feliciano di 2-1. Pa Jaguars Vitamin Water a destaca na plato Milvienne Henriquez di 3-2, Zulaika Peña 4-2 cu 2 rbi mas dos careda anota, Ludmila Geerman 4-2 cu un doblete mas 3 rbi, Rachelle Henriquez 2-1 y Kathleen Emerenciana aportando na su propio causa di 4-2. Rudlyn Ras ta cubri henter e ruta seyando e victoria riba su nomber enfrentando 38 bateador tirando 37 bola, 77 strike pa un total di 114 pitch permitiendo 9 careda limpi tras di 12 hit regalando 2 base por bola hibanmdo asina su equipo pa e gran final. Kathleen Emerenciana tambe a bay completo enfrentando 38 bateador lansando 50 bola, 63 strike pa un total di 113 lansamento permitiedno 10 careda di cual 6 ta limpi tras di 9 hit regalando 3 base por bola. Asina Aruba Bank ta elimina Jaguars den 2 wega sigui den nan serie di best out of 3 y ta inicia nan serie nobo di best out of 3 den e gran final contra Eagles diabierna awor 715pm na Pos Chiquito.Exiti na ambos equipo den final.    


Alarma di evacuacion atrobe na airport debi na leakmento di quimico for di e baterianan di e centro di comunicacion
Source:  Awe24
woensdag 16 oktober 2019 09:31

Alarma di evacuacion atrobe na airport debi na leakmento di quimico for di e baterianan di e centro di comunicacion no ta prome biaha cu esaki ta sosode. Nos lo sigui informa cu mas imagen y detaye…..


Wever: Reunion Serlimar cancela pa motibo di tempo y nada mas
Source:  NoticiaCla
dinsdag 15 oktober 2019 21:52

ORANJESTAD – E cancelacion ‘abrupto’ diamars anochi di e reunion cu a trata e ley di Serlimar, tabatin su motibo. E forma sinembargo cu el a sosode, a crea suficiente caminda pa speculacion. ‘Ta suspende e reunion te proximo aviso’, tabata e unico loke cu e presidente di Parlamento Ady Thijsen a bisa diamars anochi. Esaki a laga hasta parlamentarionan cu preguntanan grandi. Pero mas informacion despues, a resulta cu tabatin motibonan pa e cancelacion. Prome minister Evelyn Wever a confirma esaki pa e portal aki.  KICO A PASA Segun Wever, e reunion tabata bayendo pa 10 ora caba, y tabata uno largo. Segun Wever, e mes a pidi e presidente pa pospone e reunion. Ademas  tabata obvio cu e oranan largo di reunion a afecta comportacion di esnan den publico cu tabatey ainda. Segun Wever, tabatin 20 orador programa pa papia, pero ora cu a suspende e reunion, tabata apenas 5 of 6 cu a haya chens pa papia. Como tal, e reunion lo no a termina toch diamars anochi. Como tal a pidi pa suspende e reunion y cumins’e pa un otro dia den oranan di mainta.  CANCELACION DI REUNION CAFT Loke a crea aun mas speculacion ta cu ora cu un rato despues a bin notificacion official cu e reunion di diaranson mainta 9’or pa trata e motibo di gobierno pa no ratifica e cambio di ley di LAFT, tambe a keda cancela ‘te proximo aviso’, sin ningun otro splicacion. Pero aki tambe tabatin motibo segun Wever. El a bisa e portal aki cu mayan mainta (diaranson) tin apertura di e hotel Hyatt na aeropuerto, pa cual e mester corta e cinta. Pues tabatin conflicto di schedule. Y pesey a pidi pa cambia e fecha aki. E fecha nobo no a wordo duna ainda.  SPECULACION Pa loke ta e speculacion, mesora a cuminsa pensa cu tabatin problema den gabinete Wever Croes, esta un crisis pasobra lo no tin suficiente voto pa coalicion logra pasa e ley. Rumornan cu si e ley no pasa, cu esey lo nifica caida di gobierno ya cu POR lo kita sosten di e gabinete como ‘protesta’. Tur esaki a haya mas bida. Pero segun Wever, esaki no ta berdad y ta puro speculacion sin base. No tin fecha pa e reunion di diaranson tuma lugar ni esun di diamars anochi.   

Tratamento di conseho pa aanwijzing den RMR a keda posponi pa otro luna
Source:  NoticiaCla
dinsdag 15 oktober 2019 21:46

ORANJESTAD/ DEN HAAG – E tratamento di e conseho di e colegio di supervision financiero CAFT pa duna Aruba un aanwijzing basa riba e sociaal crisis plan, a keda oficialmente posponi te e proximo reunion di conseho di minister di Reino (RMR), esta dia 22 di November proximo. Asina prome minister Evelyn Wever a confirma pa noticiacla.com diamars anochi. Manera a keda raporta anteriormente, Wever a anuncia dialuna caba cu el a haci e peticion pa pospone e reunion, mirando cu un ‘menasa pa un aanwijzing’, den menos cu 3 siman no ta corecto y mester duna mas tempo. Esaki a keda concedi tambe awor.  AGENDA PUNT Manera ta conoci, siman pasa dialuna, Wever a ricibi un carta di secretario di estado Hulandes Raymond Knops, cu ta confirma cu a pone e cambio di LAFt y tambe e conseho di CAFT pa un aanwijzing riba agenda pa RMR di dia 18 di October. Wever a argumenta cu segun regla, mester duna 3 siman di tempo pa un cos asina sosode (trayectoria cu CAFT a cuminsa pa duna aanwijzing) y no por pone un punto asina di un dia pa otro, of por lo menos menos cu 3 siman. Hulanda a concede y e tratamento ta bira despues. Wever no ta por a confirma si e tratamento di cambio di ley  LAFt tambe ta posponi pa dia 22 di november of cu si esaki si ta keda trata diabierna awor. 

E konvenshon benidero di Dutch Caribbean Nature Alliance lo ta un simposio organisá pa i dor di ekspertonan di naturalesa, investigadónan sientífiko, managernan i hubentut
Source:  Awe24
dinsdag 15 oktober 2019 21:42


Kralendijk – E konvenshon benidero di Dutch Caribbean Nature Alliance (DCNA) ta tuma lugá na Boneiru e aña aki i lo enfoká riba partisipashon di hubentut, maneho di parkenan marino, restourashon di koral, investigashon sientífiko i planifikashon. Tur seis organisashon pa maneho di parke nashonal di e islanan ku ta forma parti di Reino Hulandes den Karibe, aktornan klave i otro gruponan di interes lokal ta uniendo forsa pa huntu fortifiká polítikanan pa maneho stratégiko di naturalesa pa e añanan ku ta bini. Tambe lo asistí na e simposio World Wildlife Fund Hulanda (WWF- NL), Vogelbescherming Nederland, International Union for Conservation of Nature (IUCN-NL), Nederlandse Organisatie voor Wetenschappelijk Onderzoek i sientífikonan eksperto den restourashon di koral di Wageningen University & Research i Reef Renewal Foundation Bonaire. Di otro banda lo trese diferente hóben di e islanan huntu pa siña tokante otro su aktividatnan pa konservashon di naturalesa riba kada un su respektivo isla. Ademas lo tin un charla grátis pa públiko tokante refnan di koral dia 28 di òktober pa 7:30 pm na Captain Don’s Hotel, Bonaire.

Kolaborashon ta esensial
Un aserkamentu konhunto pa atendé ku retonan di konservashon komun na e seis islanan lo benefisiá protekshon di naturalesa den e área Karibense di Reino Hulandes en grande. E organisashonnan pa maneho di parke di tur seis isla ta mas fuerte ora nan ta huntu, ku ora nan ta riba nan mes. Ademas, diferente organisashon Hulandes ta indiká ku nan mester di e parkenan pa alkansá nan metanan i pa implementá plannan konhunto pa mehora aktividatnan dirigí riba konservashon di naturalesa riba tur seis isla den Karibe ku ta forma parti di Reino Hulandes. Dutch Caribbean Nature Alliance (DCNA), huntu ku e organisashonnan invitá ke ekspandé, profeshonalisá i fortifiká e konosementu i eksperensia ku e parkenan tin aktualmente. Naturalmente tur loke ta bayendo bon por i mester bai mihó, ku bista riba e konsekuensianan serio di kambio di klima. Hopi desafio ku tur isla ta dal den dje por keda solushoná mihó den kolaborashon ku otro. Huntu nos por alkansá mas.
Partisipashon di hubentut
Maneho di naturalesa na promé lugá ta enfoká riba benefisio i maneho di rekursonan natural pa futuro generashonnan. Durante e konvenshon di DCNA, ku lo keda organisá tur aña, lo dediká atenshon special na e programanan di naturalesa pa hubentut di e seis islanan. Di e programanan di Fundacion Parke Nashonal Aruba, STINAPA Bonaire, CARMABI na Kòrsou, Saba Conservation Foundation, Sint Maarten Nature Foundation i STENAPA na Sint Eustatius, a selektá kuater hoben pa kada isla i huntu nan lo asistí e konvenshon. Danki na kofinansiamentu di World Wide Fund for Nature, Rabobank i STINAPA, a prepará un programa ku ta dura henter un fin di siman i ku ta inkluí ekskurshon i workshop na Parke Nashonal Washington Slagbaai, kaminda e hóbennan lo pasa anochi. Lo ta un eksperensia úniko, kaminda nan lo tin e oportunidat pa siña tokante otro su naturalesa i asina logra un eksperensia memorabel. Nan lo kompletá nan programa ku un presentashon. E embahadornan hóben di naturalesa lo presentá nan propio konosementu i eksperensia i kon nan lo ke duna inisio na sierto akshonnan huntu ku nan respektivo organisashon lokal na e isla ku nan kada un ta representá.
Planifikashon stratégiko
E partnernan i otro stakeholdernan di DCNA den Karibe hopi biaha tin metanan similar of metanan ku ta konektá ku otro. Durante e diferente workshopnan bou di e tema planifikashon stratégiko, e organisashonnan partisipante lo traha riba plannan konkreto i repartishon di tarea spesífiko pa asina hasi máksimo uzo di e sosten pa esfuersonan pa konservashon dirigí. WWF-NL, Vogelbescherming Nederland, IUCN-NL i DCNA lo bini huntu pues den e konteksto aki.
Workshop tokante koral pa biólogo
Komo parti di un plan di akshon ku pronto lo keda publiká i e trabou pa restourashon di koral ku aktualmente e seis islanan ta hasiendo, lo tin un dia spesial ku charla, workshop, ekskurshon pa e biólogonan asosiá ku e áreanan protehá na e islanan. Ademas, e Organisashon Hulandes pa Investigashon Sientífiko lo tei presente i lo fasilitá un workshop tokante proposishonnan pa investigashon sientífiko ku próksimamente lo keda solisitá.

Charla grátis tokante ref di koral
Pa kualke persona ku ta interesá den i komprometé ku status di refnan di koral na Bonaire i ku lo ke topa ku e ekspertonan regional personalmente, lo tin un charla grátis duna pa dr. Erik Meesters di Wageningen University & Research riba djaluna 28 di òktober di 7:30 PM pa 8:30 PM na Captain Don’s hotel, Bonaire.
Kuater tema, un konvenshon
E kuater temanan menshoná ta forma e liña kòrá di e konvenshon. Huntu nos lo hasi di e konvenshon aki un éksito grandi, loke na su turno lo representá e punto di salida pa un fase nobo den maneho di naturalesa den Karibe.
Potrèt:
E naturalesa úniko di nos region.
Fotógrafo: Jannie Koning


<< < Vorige 1 2 3 4 5 6 7 8 9 10 Volgende > >>