VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© 2016 VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Ramon Todd Dandaré no ta lubida su klas 4B na Colegio cu studiantenan cu pensamento critico
Source:  Diario Online
donderdag 22 augustus 2019 01:17

Den su prome aña di docente cu e ta considera esun miho:

ORANJESTAD (AAN) – Manera por a lesa den dos articulo anterior, DIARIO a trece dilanti den un recorido corto, parti di e trayectoria largo di e docentenan drs. Joyce Pereira y drs. Ramon Todd Dandaré, cu ta cumpliendo 50 aña como docente di Idioma.

Ramon Todd-Dandaré a sigui conta cu el a caba su estudio di Spaño basta lihe. El a cuminza na October aña 1965 y caba su MO-B na Februari 1969.

El a relata cu ora el a yega Aruba bek, el a bin topa su docente di Spaño tempo cu e tabata studiante na Colegio, Meneer Sjef Tjon-En-Fa, cu ta e persona cu a cuminza guie na Colegio, y cu ora nan a bira colega e tabata tin te examen klas, mientras cu Todd Dandaré a haya di eerste te 4de Klas.  E tempo ey tabata tin te 5de Klas, kiermen no tabata tin te 6de klas manera awo.

El a comenta cu nunca e lo por lubida cu su prome aña como docente, tabata esun mihor pa semper den su bida  den enseñanza.

E ta corda di su klas 4 B, un klas di HBS e tempo ey, cu tabata esun specializa pa Enseñanzanan BETA (matematica, fisica, quimica, biologia).

Esaki tabata den e añanan 60 cu tabata un periodo di hopi turbulencia, revolucion di tur sorto: cultural, economico, politico (manera e revolucion Cubano); e paisnan Africano a cuminza lucha pa nan independencia. Y a surgi e gran pensador naci na Martinique Frants Fanon, ken a pensa pa tur hende color scur; tambe Paulo Freire na Brasil. Nan tabata figuranan cu a genera hopi idea den e añanan 60.

Den e klas 4 B na studiantenan cu a bira profesionalnan reconoci, manera Fabio Moreta, Jaime Falconi, Richard Goeloe (den feliz memoria), Victor Loeftook, entre otronan. Nan tabata studiantenan hopi inteligente y cu un sentido critico.

“Anto den mi lesnan di Spaño, mi tabata discuti cu nan tocante politica den e ambiente di e momento ey. Sin lubida cu dia 15 di Augustus, cu nos a cuminza duna les, tabata tin na e Estado di New York e Festival di Woodstock. Un festival pa libertad, amor y paz, pasobra nan tabata contra e guera di Vietnam. Y esaki ta temanan cu mi tabata discuti cu e studiantenan aki den mi lesnan di Spaño. E tabata e cuminzamento di duna les pa mi, pero tambe un encuentro unda mi a mira cu nos tin hende cu por pensa critico�, Ramon Todd-Dandaré a expresa.

Despues el a ripara cu poco, poco den transcurso di tempo  e sentido critico a bay perdi y na dado momento e no tabata sinti su mes feliz cu como docente el a haci su best pa crea un pensamento critico den e studiantenan, pero nan no tabata tine. Na 1973, Ramon Todd Dandaré a kita for di Colegio.

Den e tempo aki su pensamento tabata riba Papiamento, y el a dicidi di bay specializa den Linguistica pa e siña conoce y studia Papiamento miho. El a haci un estudio di Master den Linguistica, na Universidad del Valle na Cali, Colombia. Ora el a bolbe Aruba na 1975, el a bolbe haya trabao na Colegio.

E tempo ey tambe Colegio a amplia cu HAVO y VWO, y diripiente e scol a bira demasiado grandi, pero Ramon a keda cu e pensamento di e falta di un sentido critico.

El a keda traha na Colegio te aña 1977 y, mientras tanto, el a haya nombramento na Departamento di Enseñanza como Linguista, y el a set up e Instituto Linguistico cu tabata un Instituto di Antiyas. Na 1986, ora Aruba a sali for di e Constelacion Antiyano y haya su Status Apart e Instituto a bira INDILA. Despues Frans Martinus a bin aden y tambe Pedro Velasquez, entre otro.


Salida di regimen Maduro por bira un sorpresa
Source:  Diario Online
donderdag 22 augustus 2019 01:15

Analisis Regional

*Fin di era Duvalier na Haiti lo ta modelo pa Venezuela? 

Falta di educacion di un gran parti di e poblacion, ta uno di e motibonan cu hopi pais na entre otro America Latino y Caribe, a conoce sistemanan dictatorial. Den nan ansha pa trece cambio, e pueblonan di e paisnan ta dicidi pa lidernan cu ta papia bunita y ta parce di ta “hende di pueblo”.

Historia ta mustra riba e gran cantidad di dictadura cu ta y a manifesta su mes na paisnan cu un nivel di educacion abou loke ta stroba desaroyo di ciudadanonan.
Na e momentonan aki, mundo ta observa loke ta pasa na Venezuela, cu na final di 2018 a duna indicacion di por bira e zona caminda hasta Guera Mundial lo por a nace dor di e conflicto entre Merca y Rusia cu a surgi.

Rusia a menasa cu base militar entre otro. Inmediatamente a wordo papia di e posibel intervencion militar di parti di Merca. China a laga su bos resona.

Di otro banda un accion mas importante a cuminsa. DIARIO na hopi ocasion a mustra riba pasonan diplomatico cu no ta bisto pa publico.

Nos splicacion di loke por pasa a haya ilustracion den e actitud di mundo liber, cu a tuma medida cu ta un forma diplomatico pa bay guera.

Si mira bon, paso a paso, uzo a wordo haci di e Constitucion Venezolano pa Juan Guaidó surgi y a base di loke diplomacia ta permiti, avansa.

Actualmente hopi hende a cansa di warda riba un solucion pa loke tin henter region den suspenso. Pero nos a keda alerta.

Cu Guaidó mundo liber por a crea pafo di Venezuela apertura pa un epoca nobo pa e pais, cu lo cuminsa ora Maduro sali.

Rusia lo stroba Maduro pa bay? China lo bisa cu Maduro no ta bay? Den bista di publico nan lo haci esaki. Di otro banda nan sa cu eleccionnan por pone otro socialista na poder. Nan ta na haltura tambe cu cualkier gobierno cu sinta, mester honra nan acuerdonan?

Hopi bes mundo no ta mira e situacion real tras di cortina. Regimen Maduro ta consciente cu e no por keda mas na poder. Pero con e ta sali?

DIARIO a busca diferente modelo di salida di regimennan dictatorial. Nos kier presenta e modelo cu Haiti a conoce. Un pais sumamente pober cu a conoce e regimen Duvalier, cu a pasa di tata pa yiu.

Jean Claude Devalier, Baby Doc, a hiba un bida similar na Nicolas Maduro cu excepcion di e parti Socialista. Na 1985 pueblo a lanta contra Duvalier. Na e momento menos spera, Duvalier a laga su poder atras y a bula bay Francia, caminda el a biba den exilio.

Despues di dos decada el a bolbe su pais pero a wordo deteni y a muri na edad relativamente hoben.

Si analisa e situacion actual por mira cu regimen Maduro a perde su forsa. Por duda si China y Rusia lo dicidi pa un guera mundial si nan por regla nan asuntonan financiero. Merca ta drenta temporada di eleccion.

Sector petrolero ta yegando su fin na Venezuela. E embargo di Trump tabata un miho hit cu militarismo.

Regimen Maduro por dicidi pa establece su mes na un pais amigo. Kico lo pasa cu Venezuela ta otro pregunta. Haiti nunca a bandona problema pasobra loke ta causa problema no a disparce.

Na Venezuela no ta conoci si Juan Guaido ta bay gana. Ta eleccion ta dicidi. Cu salida di Regimen Maduro Venezuela lo conoce un era nobo, cu e mester crea a base di su experencia horibel.

Nos lo sigui observa y analisa e situacion Venezolano y sigur tur movecion diplomatico, cu hopi bes no ta bini dilanti.


Acuerdo Citgo y e pregunta kico ta un crimen contra un pais
Source:  Diario Online
donderdag 22 augustus 2019 01:13

Analisis 

Na e prome momento cu un persona wordo confronta cu un crisis, e no ta sinti e peso total.  Generalmente na cuminsamento e tin e resistencia of recurso pa pasa den e problemanan. E mester ahusta, bolbe ahusta y den e proceso e ta bay realisa e seriedad real di loke a pasa.

Aruba for di prome cu eleccion di 2017, a nota cu algo tabata completamente robes. Si esaki no tabata e caso, pueblo di Aruba lo no a pone un fin na e mandato cu den confiansa el a entrega na gobierno di Mike Eman pa dirigi e pais.

Aruba originalmente a biba cu e speransa cu e lo sali for di e problema mientras berdad di e situacion a sigui presenta su mes.

Na 2018 e momento cu Mike Eman y su gobierno a priminti Aruba, mester a anuncia su mes. Un economia di oro cu a crece na forma barbaro.

Na momento cu e gobierno di Mike Eman a haci e promesa, el a scapa su mes di e desastre financiero cu el a crea y a gara na Nicolas Maduro pa trece un proyecto cu e mester tabata sa cu lo fracasa.

Awe Aruba ta conoce e realidad di loke Mike Eman a laga atras y nos mester haci nos mes e pregunta, kico ta un crimen contra un pais y kico un pais mester haci enfrente personanan cu conscientemente a hiba e pais na un desaster.

Ora lesa rapport oficial tras di rapport oficial, por mira con instancianan clave a bay contra loke Mike Eman y su grupo tabata haci.

Ora lesa conseho di instancianan oficial cu mester guia e pais na forma independiente, ta topa cu rechaso di baha BBO.

Ora lesa conseho di instancianan oficial ta topa cu advertencia y rechaso pa e maneho economico y financiero cu tabata wordo hiba.

Ora lesa conseho y observacionnan di tur instancia oficial ta mira con Mike Eman a haya guia contra e acuerdo di Citgo, cu tabata contra interes di Aruba.

Awe Aruba ta biba cu resultado di un gobierno cu no tabata tin piedad cu pueblo di Aruba. Un gobierno cu a bay contra bienestar di e pueblo y a destrui hasta futuro cu e generacion actual a habri pa muchanan.

Con bo ta yama un persona cu ta drenta cas di un persona y bay cu su propiedad? Con bo ta yama un persona cu ta asalta un inocente cu ta cay den un trampa?

Con mester yama un dokter cu ta practica mentira pa entrega un pashent un remedi robes?

Con bo ta yama un abogado cu ta laga su cliente na caya?

Con bo ta yama un gobierno, un mayoria den Parlamento, cu ta kibra ley, ignora reglanan cu instancianan oficial ta trece dilanti y ta destrui bienestar di un pueblo?

Ki nomber y titulo mester duna gobierno Eman pa loke el a haci conscientemente cu pueblo di Aruba?

Democracia, cu ta exigi pa bienestar di un pueblo wordo sirbi dor di politico, a wordo mata dor di gobierno Eman cu a trapa riba tur regla pa garantisa bienestar di Aruba.

Awe e mes gobernantenan ey por sigui despista un pueblo digno manera Aruba y riba baricada di caya instiga pueblo?

Awe e gobernantenan cu a destrui Aruba por bin crea mas tension pa e pueblo?

Ki nomber mester duna gobierno Mike Eman?

Nos a habri diccionario. Nos a busca e palabra crimen, delito, accion contra bienestar di otro.

Nos ta hisa nos cara pa mira un homber ta cana ta brasa y nos ta cera e diccionario despues di a tuma nota di e splicacion.

 

 


“Mike Eman mester realisa cu e no por sigui gaña pueblo mas”
Source:  Diario Online
donderdag 22 augustus 2019 01:12

Parlamentario Shailiny Tromp-Lee (MEP):

ORANJESTAD (AAN):  Segun Parlamentario Tromp-Lee ora leu leu Mike Eman lanta for di soño y duna un rueda di prensa, ta pasobra ‘su yiunan’ di un manera of otro ta fayando. Mirando cu e no a asumi su responsabilidad pa drenta parlamento, e mester acudi na ruedanan di prensa y cay cada biaha den ripiticion.  Pasobra si enberdad e kier a representa su votadornan e lo ta sinta actualmente den Parlamento.

Mike Eman mester realisa cu e no por sigui gaña pueblo mas! En berdad Mike Eman no tin cuer’i cara. Awe e tin e corahe pa bin papia cu tin crisis ariba tur tereno aki na Aruba, cual ta un hipocrecia di marca mayor. Tur crisis aki na Aruba tin nomber y fam: AVP y Mike Eman.

Banda di e crisis financiero y Mega debe laga atras, e crisis cu mas ta haci dolor ta e crisis social. Cada biaha cu Parlamento ricibi un reportahe encuanto e Crisis Plan Social no tin ningun otro conclusion cu por ser saca cu ta e tristo realidad cu Gabinete Mike Eman a faya barbaramente ariba tereno social. Creando un crisis cu no ta un dos tres nos ta bay sali di dje.

Tin biaha ta bon pa refresca su memoria kico nan a ocasiona y a laga atras ariba tereno social:

Un lista di espera di 2 pa 6 luna na Sociale Zaken, otro di mas cu 1 aña na Bureau Sostenemi, di 120 persona na Voogdijraad y mas cu 100 persona na SVGA y asina mi por keda menciona.

Alrededor di 150 caso di violencia domestico pa luna a keda registra pa KPA na aña 2016 sin cu Gobierno un dia a atende cu e situacion aki debidamente. Segun Sociale Zaken un di cada 5 famia aki na Aruba ta biba den pobresa. Un realidad tristo y cu nunca a haya e atencion di Gabinete Mike Eman.

Ora cu Parlamento tabata prepara pa trata  presupuesto 2018 nos Fraccion a sinta cu diferente instancia, departamento y fundacionnan cu ta traha den e veld social y nan tabata grita pa atencion, nan tabata grita pa inversion. Mas cu tur cos nan tabata grita pa nos mucha y hobennan, pa nos famianan, pa e decadencia cu nos pais ta aden.

Den diferente rapport di e veld social e crisis social ta keda constata. Awe nos ta cosechando e falta di inversion y atencion den e area social di parti di AVP y Mike Eman. Nan a bay laga atras un keten social tur mal tranca!

P’esey mes durante reunion publico di dia 19 di augustus 2019 mi a enfatisa e echo cu nos no mester lubida nunca loke e gobierno actual a hereda. Nos no por y no mag di lubida e situacion di crisis cu nos pais ta aden. Pasobra contrario na deseo general, deseo di mi y di tur otro persona sinta den Parlamento, den 20 luna di tempo – bou di e condicion financiero conoci – bo no por soluciona e situacion di crisis aki.

Na mes momento mi a enfatisa e realidad cu pueblo ta consciente di e desaster cu Mike Eman y AVP a ocasiona, pero na mes momento mas y mas nan kier tende di zonidonan positivo cu perspectiva pa mehoracion. Y esey ta netamente loke Gabinete Wever-Croes kier logra cu implementacion di e Crisis Plan Social y poniendo e ser humano central.

 

 


Awe pueblo lo haya sa kendenan di berdad ta “Golos pa Cos�
Source:  Diario Online
donderdag 22 augustus 2019 01:11

Segun Endy Croes:  lo aprecia cu Baba Herde por bin dilanti y desmenti

ORANJESTAD (AAN): Parlamentario Endy Croes a reacciona bastante fuerte riba un articulo cu Baba Herde a skirbi recientemente den prensa. Mike Eman no a keda contento cu Sasakiweg a haya e nomber di Avenida Nelson Orlando Oduber y a activa mesora su “sapatonan bieu� entre otro manera Baba Herde pa cuminsa critica e hecho aki den prensa.

Baba Herde a expresa su mes cu e decision pa yama e avenida Nelson Orlando Oduber ta un decision di mal smaak. Tambe Baba a splica cu ningun politico mester spera reconocemento y un politico no t’ey pa sirbi interes propio. Ademas e chikitin Baba Herde a expresa cu no mester honra politiconan controversial manera Nel Oduber. Mi ta sigur cu Nel Oduber mes lo por defende su mes y lo sa di contesta Baba Herde pero como Parlamentario nos t’ey pa controla na un manera hopi skerpi nos gobierno y lo sa di defende tur bon decision y bon maneho.

Ki dia MEP a opone?

Awe pueblo lo haya sa kendenan di berdad ta “Golos pa Cosâ€�. Pa cuminsa pober Baba mes ta controversial como cu e ta skirbi algo cu e no por para pe. Mike Eman y gobierno di Baba a nombra edificio di Finansas – edificio cu MEP a traha – na nomber di Manchi Engelbrecht (dfm). E propio Baba su gobierno a nombra tambe MFK Paradera na nomber di e politico Mito Croes. Ki dia MEP a opone esakinan? Nunca toch?

Casa di Baba a strica bay gol

Baba Herde su casa, Lucy Herde Peterson, abogado a strica 8 aña largo placa como abogado pa e proyecto di molinanan di biento na Vader Piet, cual ta un proyecto ehecuta durante gobierno di Nel Oduber. Mesun casa di Baba aki a strica tambe den proyecto di Hospital. Baba su casa Lucy aki a strica tambe den casonan di Lotto unda den Lotto su jaarrekening 2011 ta para cu a paga na abogado mas di 1.5 Miyon florin. Cuanto casa di Baba a strica di e suma aki, lag’e mes bin conta. Golos pa cos?

Baba y Ruman tambe a strica bay gol

Parlamentario Endy Croes a splica cu el a sigui busca y a dal den e nomber di un pensionado Emile Andre Ignatius Herde riba e “bobbolist�. A bin resulta cu e cabayero pensionado aki ta ruman di Baba Herde. Wel Emile a traha como coordinador di Benny “tereno gate� Sevinger. Emile Herde a cobra pa ta exacto Afl. 997.991,65 esta casi casi 1 MIYON florin di placa di pueblo. Baba Herde por splica ken ta “Golos pa Cos�, esta casa a biba lekker y awor ta resulta ruman tambe a biba lekker.

Baba mes tabatin 2 pensioen y a cobra 1.2 MIYON den 8 aña como Parlamentario. Parlamentario Endy Croes kier a pone Baba Herde para straight un rato y asina promer cu Mike Eman pone pasa berguensa y skirbi coy loco e wak den su propio cura promer ken ta “Golos pa Cos�.

Parlamentario Endy Croes ta termina bisando cu e lo aprecia cu Baba Herde por bin dilanti y desmenti esakinan. Nos sa cu e no por pasobra  Baba hunto cu su casa y su ruman a forma parti di tur e bagamunderianan di AVP y tur a djo djo aportando asina na e Mega Debe cual awe segun Mike Eman e ta orguyoso y pueblo lo bay pag’e cu orguyo. AVP manera nan mes a bisa den Parlamento, nan ‘No ta give a damn!’


Aña academico nobo di IPA a cuminza cu studiantenan yen motivacion
Source:  Diario Online
donderdag 22 augustus 2019 01:09

ORANJESTAD (AAN): Dialuna ultimo IPA a cuminsa oficialmente cu su aña academico 2019-2020 pa su studiantenan. Un total di 43 studiante nobo a cuminsa e aña academico aki cu nan estudio na IPA.

Ta trata di studiantenan cu a scohe pa haci e estudio di maestro pa Enseñansa Primario y Bachelor Hulandes. E instituto ta sumamente contento pa e interes cu e hobennan y adulto di Aruba tin pa sigui un estudio den ramo di educacion.

E programa di siman di introduccion a inicia cu un discurso di directora general señora drs. Marilyn Richardson. El a yama henter e comunidad di IPA bonbini y alavez desea tur presente un aña exitoso. Den su discurso el a dirigi palabra na e studiantenan di prome aña di Bachelor Hulandes como Idioma Stranhero y di Estudio di Maestro pa Enseñansa Primario.

El a bisa nan cu esaki ta e prome dia di e miho decision cu nan por a tuma. “Boso a scohe e miho profesion cu ta existi den mundo pasobra tur hende cu ta yega na cualkier profesion den nan bida a pasa den man di maestro di scol di chikito te na grandi. E profesion aki ta netamente e profesion pa inspira, forma y cu por haci un diferencia grandi den bida di un mucha of hoben.�

Alavez el a elabora riba e tema Let learning Light Your Way cu ta tema di e evento pa ricibi nos sudiantenan y yama nan bonbini. Den su discurso drs. Richardson a bisa cu e tema ta inspirativo, pasobra bida ta ofrece nos diariamente oportunidad pa siña.

Segun drs. Richardson aunke cu e studiantenan ta bin IPA pa studia pa bira maestro di scol, e ta kere cu tin hopi mas conocemento cu nan por adkiri si nan ta habri pa siña di e experiencia cu lo crusa nan caminda. “Siñamento no ta sosode solamente via les, buki of training. Corda cu tur diabo ta siña door diexperienciabida y door di comparti cu otro. Sea humilde y para habri pa locual un otro tin di ofrece. Wak turoportunidadcomo un regalo pa siña y laga e siñamento ey lusa bo caminda.�

E culminacion di e mainta tabata na momento cua elogia y reconoce e studiantenan cu durante e aña academico anterior cu a cumpli cu e actitud profesional ideal cu e profesion di maestro ta rekeri.

E studiantenan ta: Maestro di Enseñansa Primario:klas 1 Jordaine Dirksz, Isabel Santana Cruz y Samantha Setrodjemino. Klas 2 Adaeynah Bohorquez, Deanna Fingal y Michelle Mendes. Bachelor Papiamento: Roxienne Brete y Elliënne Riatiga. Movecion y Salud: Anna-Celia Proveyer y Lilianne Saladin. A clausura e parti oficial cu un icebreaker pa studiante cera conoci cu otrona un forma recreativo.

Despues di esaki e studiantenan a sigui cu nan mentor cu un programa di introduccion special. E siman di introduccion ta finalisa cu e asina yama IPA-Kamp cu ya a bira un tradicion den e prome siman na IPA. Esaki lo tuma luga diahuebs y diabierna binidero.

Nos ta desea e comunidad di IPA y tambe tur maestro y tur nos muchanan den nos enseñansa na Aruba hopi sabiduria, bon motivacion, gran perseverancia y hopi creatividad y inspiracion p’asina 2019 -2020 ta un aña escolar exitoso


Wever-Croes: “Mi deseo ta pa hunto nos traha den e direccion pa crea oportunidad na y pa San Nicolas”
Source:  Diario Online
donderdag 22 augustus 2019 01:03

E ‘1st San Nicolas Business Summit’ organiza pa SNBA tabata exitoso:

ORANJESTAD (AAN): Diaranson mainta, Prome Minister Evelyn Wever-Croes tabata presente na e ‘1st San Nicolas Business Summit’ organisa pa San Nicolas Business Association (SNBA) na unda cu prome Minister a entrega un discurso hopi elabora di e vision cu Gabinete Wever-Croes tin pa San Nicolas.

“Den e vision di nos gobierno, nos ta pone e ser humano central, nos ta aplica un ‘human centered approach’, den cual nos no kier laga ningun hende keda atras. Para aki, den curason di San Nicolas, realmente e concepto di pone e ser humano central, ta bin padilanti�, Prome Minister a expresa na apertura di su discurso.

Prome Minister a duna di conoce cu pa demasiado tempo San Nicolas no a mira e mesun desaroyo cu e resto di nos pais. Pa genera e desaroyo den San Nicolas Gabinete Wever-Croes a institui e plataforma AREA, di cual ta fungi e director, sr. Eugene Wilson, kende ta tabata presente tambe na e prome Business Summit na San Nicolas.

E meta di AREA ta pa trece hunto stakeholders y hunto crea un vision con pa hiba un centro di ciudad padilanti. Nos a cuminsa cu crea dos taskforce. Un pa Playa y un pa San Nicolas. SNBA tambe ta participa na e taskforce aki. E intencion ta pa crea Taskforce pa demas ciudadnan na Aruba, pa crea desaroyo.

Mesora e taskforce di San Nicolas a cuminsa cu hopi entusiasmo. E Taskforce di AREA San Nicolas ta consisti di un grupo di comerciante di San Nicolas, cu voluntariamente a duna nan tempo liber y nan recursonan pa yuda sondea e necesidadnan den centro di San Nicolas, y con pa trece bida bek den centro di ciudad.

Den poco tempo e plataforma di Area a logra crea momentum y catalisa colaboracion entre instancianan manera SNBA, entre departamentonan di gobierno, stakeholders y cu awe nos por mira cu e oficina di Turismo a habri bek, cu obra di arte di Changa a wordo inaugura, a organisa evento pa comunidad, entre otro e open air movie night, y pronto lo resolve e tema di wifi den caya grandi. Y cu hopi alegria nos a mira cu Minister di Turismo a trece Island Fest na San Nicolas, y nos a mira sector priva cuminsa demostra e confiansa bek den San Nicolas ora cu teatro Principal habri su portanan bek.

“Mi deseo ta pa hunto nos traha den e direccion pa crea oportunidad na San Nicolas pero especialmente PA San Nicolas. Mi ta invita boso pa HUNTO nos crea un miho ARUBA, cuminsando na San Nicolas�, Prome Minister Evelyn Wever-Croes a expresa.

Presente na e ‘1st San Nicolas Business Summit’ organsa pa San Nicolas Business Association (SNBA) tawata señor Gobernador Alfonso Boekhoudt, Presidente di Parlamento señor Ady Thijsen, Colega Ministernan y Parlamentarionan.


Parlamentario Vrolijk mustrando cu pueblo ta wardando e prueba di Richard Arends cu e no a acepta contrato miyonario
Source:  Diario Online
donderdag 22 augustus 2019 01:00

ORANJESTAD (AAN):   Segun Parlamentario Edgard Vrolijk, “ayera mi por a scucha un periodista hopi liga na AVP ta trata na hustifica e contracto di e parlamentario di AVP, Richard Arends.

Echo ta cu mas nan papia mas nan ta compromete e parlamentario aki. E periodista liga na AVP kier a hustifica e contrato di tempo indefini cu Richard Arends tin. El a compara esaki cu nos cu ta den parlamento bisando cu nos no a laga nos trabao y cu ora nos periodo caba nos lo bay bek nos trabao cual enberdad ta corecto. Esaki ta pasobra nos tur tin un contrato di tempo indefini cu gobierno of fundacion (stichting) y cu pa e periodo di 4 aña nos a pone nos trabao riba inactivo y tambe nos salario. Dia nos bay bek nos lo cobra nos mesun salario cu nos a laga atras.

Ora Richard bay bek RDA…….

Pero Richard Arends ta den mesun posicion cu nos pasobra e tambe tin un contracto indefini y ora su periodo di parlamentario termina e tin di bay bek RDA. E diferencia ta cu nos si a traha y tin cu ya tin 20 aña of mas aña trahando sea pa gobierno of un stichting, mientras cu Richard Arends nunca a eherce e trabao ey. Ora e bay bek RDA como director financiero – sin cu nunca el a traha den e posicion ey pero a fix su mes – el lo bay cobra un dushi salario di Af. 22.375 pa luna, vakantieuitkering tambe di Af. 22.375, Voor en Najaarspremie cada un di Af. 3000, pensioen paga, Af. 1050 na toelage y un auto balora na Af. 80.000 y si e no kier e trabao, mientras cu e no a traha ni un dia, esaki lo costa RDA y Aruba Af. 2.6 miyon florin.

Y manera con e periodista a grita cu nos no lo ta bek mas den parlamento, cu pa mi sigur no ta nada, pasobra mi ta orguyoso di mi trabao y mi salario di docente y ora mi bay bek mi tin di sigui paga e debe crea pa Mike Eman te ora mi baha cu pensioen cu 65 aña, cu Mike Eman hunto cu sindicatonan a cambia. Tambe cu un pensioen miserabel door di e Middelloonregeling y Franchise cu  Richard Arends a yuda traha riba esaki, mientras e mes ta baha cu pensioen bon gordo, un pensioen cu RDA (pueblo) a paga pe tin y cu lo ta den careda di 22.375 pa luna.

Comparacion cu Arends su proceso di contratacion

Nos tur pa por a yega nos trabao nos a studia, bay sollicitatiegesprekken, y despues traha a base di contrato defini pa dos aña y tin cu a traha mas aña, y despues pa duna un ehempel, ami como docente e tempo aya mester a solicita pa por haya un contrato pa tempo indefini y directora di SKOA mester a bin observa mi duna les y pa e ora ey mi por a bira vast. Richard Arends al contrario a explota e compania cu su propio consultancy y a saca casi Af. 600.000 den un tempo record y finalmente dia 1 di november 2016 a sinta cu minister Mike de Meza cu e ta traha pe como consultancy, a haya un Golden Handshake pa bira e director financiero di RDA cu un contrato di Af. 22.375 pa luna yena cu beneficionan. Pa e funcion aki no tabatin ningun openbare sollicitatie pero a ser duna di biaha na Richard Arends un contrato indefini cu di biaha Arends a firma y acepta. Tur esnan cu el a menciona ta bay bek nan trabao cu e salario y beneficionan cu nan tabatin y no tin e bunita clausula ey di haya 2.6 miyon florin of e mihor beneficionan cu nunca e tabatin.

Wardando e Prueba

Pueblo completo ta wardando e prueba di Richard Arends cu e no a acepta e contrato aki manera el a expresa. Pero e expresion ey mes ta gañamento pasobra el a firma e contrato y cu esey el a a acepta e funcion. Awo si e kier a sali di e trabao aki, tin un ontslag procedure y Richard Arends mester demostra si el a haci uso di esaki. Si e por trece esaki e storia aki ta caba y nos tur por conclui cu el a kita di trabao pero ta keda e hecho si di con sinberguensa Richard Arends ta di por regla su contrato miyonario. Durante rueda di prensa di AVP mi a kere cu e lo trece padilanti su prueba cu el a kita di trabao pero no a haci esaki y p’esey mi ta laga pa pueblo wak e aanhef cu a cay den mi postbus di notulen di reunion di accionistanan di dia 17 di oktober 2017 y cu mi a manda RDA pa por haci investigacion forensico riba esaki y mi ta laga e aanhef pa pueblo mes les’e cu mi ta cita:

“Het buitengewoon en bijzonder verlof alsmede de ontheffing van verantwoordelijkheden zal duren tot de dag dat het lidmaatschap van de heer mr. Drs Richard A. Arends tot de Staten van Aruba eindigt.�  Pues pueblo, saca bo som!


Polis a kima basta droga confisca y mas cos den oranan di marduga escolta pa Team di Arresto fuertemente arma
Source:  Awe24
woensdag 21 augustus 2019 23:56


Nobo awor na Wendy’s “Made to Crave� Barbecue Chicken of e Avocado BLT Chicken sandwich of combo
Source:  Awe24
woensdag 21 augustus 2019 18:59


<< < Vorige 1 2 3 4 5 6 7 8 9 10 Volgende > >>