VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© 2016 VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Problema di pareha na Paramira a bay te na agression y polis no por a haci mucho ya cu e dama no kier entrega keho!
Source:  Awe24
dinsdag 15 oktober 2019 20:03

Diamars anochi a drenta informe di un caso di problema di pareha cu a escala bayendo na maltrato na un adres na Paramira, mesora a dirigi un patruya na e sitio. Na yegada di e patruya a bin compronde cu aki ta trata di un problema di pareha unda ya cosnan a cuminsa bay fey man y maltrato a sosode. Polis a intermedia den e asunto pero e dama no kier a entrega keho asina ta polis atrobe cu man cruza a sigui cu su patruya. Cu hopi fanfaria inisterio publico a emiti un boletin indicando cu polis por haci detencion si acaso nota e agression cometi pero nos no por compronde pakiko no a haci detencion.


Reunion di Parlamento pa trata ley di LAFT diaranson tambe posponi
Source:  NoticiaCla
dinsdag 15 oktober 2019 19:52

ORANJESTAD – E reunion di Parlamento poni pa diaranson mainta (mayan) pa trata e decision di Gabinete Wever Croes pa no ratifica e cambio di LAFt, tambe a keda cancel ate proximo aviso. Un nota official cu ta den man di noticiacla.com ta confirma esey. E motibo pa cual a suspende e reunion ey tambe, despues cu a cancela esun di Serlimar diamars anochi, no ta conoci. 

Reunion riba Serlimar a keda suspendi te proximo aviso!
Source:  NoticiaCla
dinsdag 15 oktober 2019 19:40

ORANJESTAD – Den un acto di sorpresa pa hopi, presidente di Parlamento algo despues di 7’or, a dicidi di suspende e reunion tratando e ley di Serlimar, te proximo aviso. Informacion cu noticiacla.com a haya como motibo, ta e horario cu lo a bira laat y cu e publico a cuminsa haci fastioso. Esaki por lo menos, segun e presidente di Parlamento Ady Thijsen. Pero, si esey lo tabata e caso mes, ta bisa cu lo por a suspende e reunion te mayan, of saca e publico pafo. Pues tin duda riba e motibonan duna pa cual e reunion realmente a keda posponi asina abrupto. Algun parlamentario a informa e portal aki cu nan mes a keda sorprendi. Tabata parlamentario Mike de Meza cu tabata e ultimo pa hiba palabra, y despues diripiente, e presidente, Ady Thijsen a informa cu ta schors e reunion ‘tot nader order’. No ta conoci ki dia e reunion ta continua. Mientrastanto ta keda e tension pa cu e continuidad di e companianan di MetaCorp y Serlimar su futuro. E reunion mes a cuminsa algo despues di 9’or y mei di mainta, y a conoce varios schorsing durante curso di dia. Mayoria di nan tabata ,-segun e presidente Thijsen-, pa motibo ‘tecnico’.

Chauffeur latino posiblemente illegal a perde control bay dal muraya y meternan di awa kibra na Pos Chikito djey cana bay pariba.
Source:  Awe24
dinsdag 15 oktober 2019 19:13

Diamars atardi laat a drenta informe di un accidente na Pos Chikito, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un B.M.W. rhd. bayendo pariba a perde control baha caminda na man robez dal un cura di cas, kibra 2 meter di awa y destrui un bari di sushi di Serlimar. E chauffeur a baha kita e plachinan di number cu no ta cuadra cu e auto y a cana bay cu esakinan for di e sitio direccion pariba. Polis a sali bay controla si por hay’e pero sin resultado. Polis a confisca e vehiculo aki pa asina e donjo pasa reclama esaki na warda di polis na Balashi y pone e donjo paga pa e gastonanan envolvi.


Auto cumpra un rato prome a hera bay cay den dam na Salinja
Source:  Awe24
dinsdag 15 oktober 2019 17:53

Diamars atardi a drenta informe di un accidente na e dam di Salinja, mesora a dirigi un patruya na e sitio. Na yegada di e patruya a bin compronde cu e dama chauffeur di e Hyundai Accent cumpra net un rato prome bayendo pabao pazuid di e dam cu e auto sin documento na ordo e momentonan ey a dal den un buraco y a bay subi bek pero e maniobra aki a pone e auto perde control y a bay dal den banda di un pick-up sigui bay otro banda casi bay cay den e dam. Adortunadamente ningun hende a resulta herida.


Cruz Cora Aruba a colecta mas di 35 mil florin pa damnificadonan di horcan na Bahamas
Source:  NoticiaCla
dinsdag 15 oktober 2019 15:08

ORANJESTAD – Cruz Cora Aruba a colecta 35.604 mil florin y a manda esaki pa yuda damnificadonan na Bahamas pa daño cu horcan Dorian a causa recientemente eynan. Cruz Cora a informa esaki recientemente despues di tur e colectanan cu a tuma lugar recientemente. Ta custumber cu ora cu tin situacionan asina, cu Cruz Cora ta haci colecta pa asina yuda bisiñanan den necesidad.

Minister Oduber no ta esun pa determina cu Ecogas mester cera pasobra el lo a fracasa
Source:  NoticiaCla
dinsdag 15 oktober 2019 13:04

ORANJESTAD – Minister Otmar Oduber no ta esun cu por determina cu Ecological  (awor Ecogas) mester cera pasobra e lo a fracasa.  Asina e compania Ecogas ta bisa, alegando cu e mandatario ta ‘un gañado professional’ debi na tur e ponencianan cu el a bin ta haci ultimo tempo riba e tema aki. Ecogas y ,  contrario na ponencia di Otmar Oduber, Ecogas a duna bon resultado segun e compania y te ainda ta funciona hopi bon. A refresca memoria di e mandatario cu contrario na loke Oduber ta sigui bisa, Ecogas a wordo funda 13 aña pasa cu nomber di Ecological Technologies Freezone N. V. (Ecological) hopi prome cu a pensa pa produci gas.  E tempo ey e tipping fee na Parkietenbos lo a subí di F.60 pa F.160 pa ton pa cubri e costo real pero Gobierno e tempo ey a dicidi di subsidia e diferencia toch, lagando e tipping fee na Parkietenbos na 60 florin. Ningún cliente di Ecotech tabata dispuesto pa paga más  y e planta a start 9 aña pasa cobrando 60 florin y sacando recyclables manera cartón, papel, aluminum, hero etc. y sobrá tabata hiba Parkietenbos.  Ya caba e tempo ey Ecological a negocia cu Argos pa manda e sobrá di desperdicio (RDF) pa nan planta di cement pa wordo uza como fuel na luga di carbón. Económicamente esaki no tabata posibel cu un tipping fee di 60 florin y e projecto pa exporta a keda pendiente. No tabata tin ningun plan pa produci gas e tempo ey tampoco. Mas of menos 6 aña pasa American Combustión di California a convense Ecological y WEB cu por convertí e sobra di desperdicio den RDF y traha gas pa genera electricidad. Ecological a cumpra e planta di American Combustión y WEB invertí den su propio instalación pa ricibi e gas di Ecological. Lamentablemente, e technologia cu American Combustión a demonstra cu un pilot plant y cu tanto Ecological como WEB a kere aden te cu ambos empresa a hasi nan inversion, no a resulta den un tamaño industrial. Ecological (cu a cambia su nomber e tempo ey pa Ecogas) a sigui invertí den mehoracion y modificación di e planta te ora a logra pone tur cos funciona debidamente.  Pues, Otmar no ta esun cu por determina cu Ecological mester será pasobra e lo a fracasa, contrario na su ponencia, Ecogas a duna bon resultado y te ainda ta funciona hopi bon.  E contract entre Ecogas y WEB tabata stipula varios condición di calidad di e gas, den nan cu H2S no por ta mas cu 10 parts per million (10 PPM) pasobra e motor-generator lo no por a traha cu PPM mas halto. Como cu WEB a cumpra un motor-generator cu si por traha te cu 1,200 PPM Ecológicas (Ecogas) a pensa cu e gas cu a jega solamente 250 PPM lo no ta un problema pa WEB y pa tres luna a produci gas di bon calidad y cantidad te cu a pasa tur test cu excepción cu e H2S tabata más cu 10 PPM pero sin problema pa e motor. WEB a propone pa muda e motor pa tereno di Ecogas pa evita e problema di H2S pero después a hala atrás y a cancela e contract na 2018 aparentemente , pasobra na 2017 WEB a cuminsa traha riba e opcion di incinerator di Otmar. WEB no kier papia más cu Ecogas pa busca un solucion y aparentemente ta corte di justicia lo mester dicidi si WEB debe Ecogas of Ecogas debe WEB. No ta Otmar lo dicidi esaki. E berdad segun Ecogas ta cu, ora cu Oduber a sinta como Minister na 2017 ela aserca Ecogas pa procesa tur desperdicio residencial (MSW) mescos cu Ecogas tabata bin ta hasi cu e MSW di Ecotech. A jega na un contract después cu su accountant a verifica e costo real pa procesa e MSW. Esaki a resulta den un tipping fee di 180 florin di cual 60 florin ta pa dera RDF den envirobales na Sero Teishi. Cu e tarifa aki a bira posibel pa manda e RDF pa Argos na Cartagena. Esaki lo ta un gran logro pa Aruba sin costo adicional, pero si ta asina mes cu den futuro no por exporta e RDF más, derando esaki den pit nan habri manera Butucu lo ta hopi mas económico y mehor pa medio ambiente cu kima tur sushi den un incinerator. Na e pit di Butucu so por dera 30 anja di RDF di henter Aruba.  Si Otmar kier pretende lo contrario,  lague bin cu un estudio di impacto ambiental y económico di un empresa multinacional y experto den e materia aki pa refuta loke Arcadis a concluí den su raport . Si Otmar kier stop e contract pa Ecogas procesa MSW di Serlimar esei si ta su pleno derecho pero Ecogas por sigui funciona cu e MSW di Ecotech cu ta representa 60 % di tur desperdicio residencial y comercial di Aruba. Pero, Otmar kier será Ecogas door di prohibi pa Ecotech di hiba su desperdicio (MSW) pa Ecogas. E kier será Ecotech tambe door di cobra tur cliente di Ecotech dobbel maske cu Serlimar no ta recoge nan desperdicio.  Obviamente cu ningún hende kier paga dobbel y  Ecotech lo mester será y atrobe Otmar y su voseronan lo kier grita cu ta pa mal manejo mientras cu tur esaki ta parti di su plan pa sera Ecogas y Ecotech for di 2017.   Pero su mal manejo di Serlimar cu ta core pa cuenta di pueblo no ta wordo debidamente questiona. E compania madre MetaCorp ta sigura cu den 100 aña  semper a cumplí cu su obligación y a paga tur su debenan. Si juez dicidi cu mester paga WEB algo, MetaCorp lo cumplí y si juez dicidi cu WEB mester paga MetaCorp, sigur cu nan lo cumpli. “No ta Otmar ta dicidi. Mientrastanto Otmar no por acusa MetaCorp di nada� e compania ta finalisa bisando.  

Oduber den Parlamento: Por reduci subsidio na Serlimar cu 12 miyon aki 5 aña
Source:  NoticiaCla
dinsdag 15 oktober 2019 11:22

ORANJESTAD – E intencion ta pa 5 aña despues cu Parlamento pasa e ley di Serlimar, cu e compania ta suficientemente solido financieramente. Esey ta nifica e.o. cu gobierno por reduci e subsidio actual di 22 miyon, pa menos cu 10 miyon florin. Asina minister encarga cu Serlimar, Otmar Oduber a bisa e.o, diamars mainta ora cu e reunion aki a continua. E tabata posponi dos siman pasa pa motibo di vacacion di algun mandatario, entre nan e propio Otmar Oduber.  CONTINUACION Despues di un retraso di mei ora (e reunion tabata poni pa cuminsa 9’or awe mainta) Parlamento a inicia cu e continuacion di e reunion pa trata e ley di Serlimar. Tabata pues na turno minister   Oduber cu a cuminsa contesta pregunta, keto bay den e prome tanda. Mas of menos un ora y algo mas despues, a suspende e reunion ‘pa motibo tecnico’. “Awe nos ta den Parlamento pa atende e ley di Serlimar. Un ley cu lo fortifica Serlimar pa asina sera e dump di Parkietenbos definitivamente� ta loke cu prome minister Evelyn Wever a post riba facebook, riba e reunion.� Nos compromiso ta cu bienestar di e habitantenan di e vecindario di Parkietenbos y di medio ambiente y bienestar di comunidad en general�. Pa loke ta Parkietenbos, Oduber a mustra cu e ta na altura di e dos gruponan, di cual uno e tin bon combersacion y comunicacion cu ne, mientras cu e otro cu tin como vocero ‘un tal Henriquez’, a haya contesta tambe riba nan preocupacion, y esaki tabata primordialmente riba e asunto di incinerador, cu mientrastanto a wordo saca for di e ley. A admiti cu inicialmente esaki tabata parti di e ley, pero a opta (despues di pregunta y reclamo di cierto parlamentarionan) pa saca esaki afor mientrastanto.  VOTAMENTO E intencion tabata pa e ley aki keda trata pa despues tin votacion. E compania  priva Ecotech ta argumenta cu si e ley pasa, esaki por nifica fin di e compania su existencia, basa riba e ley, cu lo ‘no tin competencia husto’. Oduber a refuta e pensamento di e compania Ecotech, y ta lamenta e mal informacion cu e compania ta dunando. El a mustra cu e no ta kere cu e compania mester bay retira hende, pa e 10% di e clientenan priva cu nan tin. E hecho cu tin un contracto aworaki cu gobierno cu EcoGas pa 5.4 miyon florin, no ta motibo pa kita hende for di trabou. Segun Oduber, ta fondo cu anteriormente nan no tabatin. Pues si nan no tabatin e placa ey antes y no tabata kita hende for di trabou, awor cu nan ta haya 5.4 miyon, no por bay kita hende, e mandatario ta sigui bisa. 

Wever: Aanwijzing no kier men cu ta hala gobierno di Aruba un banda
Source:  NoticiaCla
dinsdag 15 oktober 2019 11:00

ORANJESTAD – Si gobierno di Aruba haya un aanwijzing, esey no ta nifica cu Hulanda ta hala prome minister di Aruba for di su stul, y ta cuminsa goberna. Asina prome minister Evelyn Wever a bisa den e programa Noticiacla LIVE. Segun Wever, pa esey sosode,  e situacion mester ta hopi mas pio cu e ta awor. “Esey no ta bay pasa na Aruba� Wever a sigura e portal aki. “E no a pasa tempo di gobierno anterior ora cu tabatin hopi mas motibo� Wever a sigui bisa, argumentando cu si e tempo ey no a hacie, e lo no sosode awor. Ademas, Hulanda no por haci esey segun constitucion.  PERCEPCION E pregunta a bin a base di e percepcion cu tin den comunidad cu ta pensa cu ora cu bin un aanwijzing, Hulanda ta tuma gobierno over. El a pasa si na p.e. St Eustatius, unda cu nan a hala e gobierno elegi y a pone un hende apunta pa Hulanda. Pa loke ta na Aruba, Hulanda no por haci esey tampoco constitucionalmente segun Wever. Di otro banda, Wever a admiti cu no obstante constitucionalmente algo no por, experiencia cu Hulanda ta bisa otro si y no a stroba Hulanda di actua no segun constitucion. “Esey bo tin razon�, Wever a bisa noticiacla riba e ponencia cu no obstante algo ta mara den ley, cu cosnan por bay otro.  AANWIJZING Segun e concepto di e aanwijzing cu Hulanda a manda pa Aruba, ta mustra cu si Aruba haya e aanwijzing, e lo ta pa gobierno di Aruba haya un ‘orden’, of un ‘instruccion’ pa hinca e sociaal crisis plan den e presupuesto. “Si bin e aanwijzing pa hacie, mi ta hacie, pero e sociaal crisis plan ta keda existi. Mi mester atende cu e crisis� Wever a bisa. Problema ta bira e ora cu e acto ey ta hinca Aruba den un otro problema, unda cu Aruba e ora por haya un otro aanwijzing pasobra e ora no ta cumpliendo cu e protocol.  cu gobierno di Hulanda a manda A mustra como ehempel, e forza y e peso di un aanwijzing compara esun di Corsou recientemente. Segun Wever, e aanwijzing di Corsou ta uno ‘light’ compara cu nan a haya na 2012. Esey di 2012 a mara e gobierno di turno na Corsou e tempo ey. Di Aruba tambe lo ta uno ‘light’ den pensamento di Wever. Esey ta, si Aruba haya e aanwijzing. E ta riba agenda pa diabierna awor, aunke cu gobierno di Aruba a haci peticion pa pospone e tratamento te e proximo RMR cu ta 22 di November proximo. 

Na Corsou a detene ex polis pa caso di robo di 600 kilo di coca den warda di polis
Source:  NoticiaCla
dinsdag 15 oktober 2019 10:11

WILLEMSTAD – Hustamente riba e fecha cu a cumpli un aña di e robo miyonario na warda di Recherche na Garipitoweg, e autoridadnan a realisa e prome dos detencionnan. Conforme e informacionnan veridico, pero no oficial, e aresto ta di un ex agente policial cu djis despues di e robo di 600 kilo di coca for di Warda di Recherche na Garipitoweg a tuma su retiro y a bay traha pa un compania di utilidad. Cu e aresto aki, tur cos ta indica cu e investigacion ta den ful swing. Tabata den e oranan di ayera mainta un team grandi forma pa Team di Aresto, TBO y tambe Landsrecherche a realisa dos entrada hudicial na respectivamente Seri Kandela y tambe Salsbachweg. Ambos entrada hudicial ta relaciona cu e caso di robo di 600 kilo di coca. Na e adres na Seri Kandela a detene e ex agente policial di inicial M.M.M di 30 aña di edad, cu ta keda considera como un di e sospechosonan mayor. Manera ya EXTRA a informa den su edicionnan anteriormente, djis algun siman despues di e caso aki, e ex agente a tuma su retiro y a bay labora na un compania di utilidad. Seguidamente a bay na Salsbachweg caminda eynan tambe a tene un entrada hudicial relaciona cu e caso aki. Na e adres aki a detene un otro homber, como e di dos sospechoso. Na ambos adres a confisca basta cos cu ta di sumo importancia pa e investigacion. Pues ayera 1 aña despues di e robo, e team investigado a realisa dos detencion importante relaciona cu e robo ariba menciona. Despues di nan detencion a bay cu ambos sospechoso na oficina di Landsrecherche caminda interogacion a tuma luga. Remarcabel ta, cu a pesar cu tin tur indicacion cu e arestonan aki ta relaciona cu e robo di 600 kilo di coca, Ministerio Publico no kier confirma detencion di e ex agente ni tampoco duna identidad di forma oficial di e dos sospechosonan. Cu detencion di e dos sospechosonan aki por considera cu e investigacion ta avansando y cu un ora pa otro, por spera mas detencion relaciona cu e caso aki. Specialmente mirando cu tin indicacion fuerte cu tin varios persona meti cu e robo aki, incluyendo un grupo di agente policial, cu ya nan nomber ta circula den e seno di investigacion. Cortesia Extra.  

<< < Vorige 1 2 3 4 5 6 7 8 9 10 Volgende > >>