VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© 2016 VicksWeb Inc.

Over | Privacy | Hulp | Voorwaarden | Feedback | Beveiliging | Diensten

VicksWeb says:
Source:  VicksWeb's Profile
dinsdag 16 mei 2017 09:30

A new video will be posted every 30 minutes starting Monday.

VicksWeb says:
Source:  VicksWeb's Profile
zaterdag 25 maart 2017 02:25

Send a private message to this profile if you have any questions about VicksWeb.

VicksWeb says:
Source:  VicksWeb's Profile
zaterdag 25 maart 2017 02:12

Broadcasting live from VicksWeb's headquarters in Zagreb, Croatia...the country of many seas and beaches.

VicksWeb says:
Source:  VicksWeb's Profile
zaterdag 25 maart 2017 02:10

Get more information about VicksWeb, please visit https://vickswe.bz/about

VicksWeb says:
Source:  VicksWeb's Profile
zaterdag 25 maart 2017 02:08

Good morning Europe and Africa, good afternoon Asia, goodnight Americas.

VicksWeb says:
Source:  VicksWeb's Profile
vrijdag 24 maart 2017 18:29

Connect with us

VicksWeb says:
Source:  VicksWeb's Profile
vrijdag 24 maart 2017 18:28

The official profile for VicksWeb.

Prome Minister Eman A Presencia Inicio Trabou Di Reconstruccion Caminda Di Pos Chiquito Pa Sabana Basora
Source:  Caribseek News - Aruba
dinsdag 07 maart 2017 10:19

Prome Minister Eman A Presencia Inicio Trabou Di Reconstruccion Caminda Di Pos Chiquito Pa Sabana Basora

ORANJESTAD -- “Mi ta hopi contento cu inicio di e Proyecto importanteaki pa bario di Pos Chiquito y Sabana Basora y mi kier felicita Minister Sevinger cu esaki.

Pero tambe Marlon Croes (hefe di DOW) y nos Parlamentarionan di Pos Chiquito, kendenan semper ta pone hopi enfasis riba e necesidad pa mehoracion di e caretera cu ta core di Pos Chiquito, pasa door di Sabana Basora y yega te Santa Cruz,”Prome Minister Mike Eman a bisa na momento cu e baricada a wordo poni pa desvia trafico.

“Nos ta contento,”Prome Minister Eman a bisa, “di por informa comunidad cu e trabounan a cuminsa awe hunto cu BIC NV, p’asina e caminda aki, cuminsando for di rotonde di Pos Chiquito, pasando den Rooi Frances, Rooi Taki, wordo drecha. Un parti grandi ta bay wordo haci door di BIC NV (Thiel Corp)  y un otro parti door di DOW. Mi ta sigur cu tur e famianan cu ta biba banda di e caminda aki y tur esnan cu ta uza esaki pa yega Santa Cruz of PosChiquito, lo keda hopi contento cu e cambio aki.”

Mehoracion di caminda den barionan, manera esun di Pos Chiquito pa Sabana Basora, e mandatario a bisa ta un prioridad den e lista di proyectonan, cu ta nifica un mehoracion di calidad di bida di e ciudadanonan. Cada mehoracion di infrastructura ta nifica tambe cu balor di e casnan ta subi, e ambiente rond di cas ta drecha y tur ta na fabor di desaroyo den e pais. Ademas, Minister Eman a bisa, inversionnan asina ta yuda economia di Aruba. Mirando rond, por constata con hopi persona tin trahando por ehempel den e proyectonan di Green Corridor. Pues ta crea trabou pa e ciudadanonan. “E impacto ta diverso, mehoracion den calidad di bida di e bario, riba e calidad di infrastructura pa e vehiculonan y tambe e ta un impulso pa e economia, ya cu hopi hende ta participa den proyectonan asina. Nos ta contento cu Gobierno por realisa un deseo di un otro bario y sigur e bario di PosChiquito / Sabana Basora, unda cu si mira tur e desaroyocu tin den e area relaciona cu e Proyecto di Green Corridor y acopla e Proyecto di restructuracion di e caminda na dje, e ta complementa e desaroyo bunita cu tin.”

Prome Minister Eman a expresa cu e ta consciente cu e caminda di Sabana Basora ta un arteria importante pa trafico, y cu e caminda cera lo causa incomodidad, pa esnan cu ta biba eybanda of ta uza e caminda. El a pidi e ciudadanonan hopi pasenshi durante e casi 4 lunanan cu e trabou aki lo tuma pa realisa, pero na final e caminda lo keda bunita. Ta bay trata di acomoda e habitantenan mas tanto, habriendo cierto areanan pa nan por yega nan cas.  

News Category:

Language:


Trabou A Cuminsa Pa Drecha 1 Kilometer Di Caminda Na Sabana Basora
Source:  Caribseek News - Aruba
dinsdag 07 maart 2017 10:17

Den Presencia Di Prome Minister Eman Y Minister Sevinger
Trabou A Cuminsa Pa Drecha 1 Kilometer Di Caminda Na Sabana Basora

ORANJESTAD -- Dialuna mainta Prome Minister Mike Eman hunto cu su colega di Infrastructura Minister Benny Sevinger tabata na Sabana Basora pa presencia inicio di e trabounan pa drecha henter e caminda di rotonde di PosChiquito direccion di Sabana Basora.

“Minister Sevinger a priminti cu e trabounan lo cuminsa na inicio di Maart, despues di temporada di carnaval, y el a cumpli cu su promesa,”Prome Minister Eman a bisa.

Ayeramainta a cuminsa kibra e caminda na e bahada di Sabana Basora, pa cuminsa cu e trabou di reconstruccion di mas o menos un 1 kilometer di caminda cual a rekeri un inversion di 1.1 miyon florin. Trabou ta wordo realisa pa e compania bon conoci den e sector aki, esta BIC Aruba NV.

Segun a wordo splica door di tanto supervisor di BIC, David Britten, como director di DOW, ing. Marlon Croes, e trabou aki tin un duracion di maximalmente 4 luna. Ta bay usa un sistema unda cu den oranan di atardi, e automobilistanan por haci uzo di e caretera y den oranan di mainta e ta wordo cera bek. Ademas, lo traha den fase, pa cera cierto parti y finalisa esaki pa e por wordo uza di biaha ora e ta cla.

Door di e yobida intenso cu Aruba a keda confronta cune na final y inicio di aña, e awa cu ta core a causa hopi daño na e ader aki cu ta conecta e trafico di pariba y pabou cu otro. No solamente e caminda a wordo afecta pero tambe e yobida a causa cu e parti na banda a wordo coba, causando daño na mas cu un auto. “Porfin nos caminda ta bay wordo drecha,”tabata varios comentario cu por a lesa riba Facebook despues cu a informa e bario cu e trabounan ta bay start.

Na e ceremonia den oranan di mainta tambe tabata presente Parlamentarionan Desiree de Sousa-Croes y Clarisca Velasquez. Ambos a expresa alegria y a felicita Minister Sevinger pa cumpli cu su promesa pa duna Sabana Basora un bunita caminda, no solamente pa e habitantenan pero tambe pa otro automobilistanan cu ta uza e caminda aki pa yega Playa, Santa Cruz y Noord. Nan a  menciona na mesun momento e cambionan bunita den e bario di PosChiquito, danki na e trabounan cu ta wordo  realisa den cuadro di Green Corridor, y cu a inclui mehoracion di varios caminda chikito den e bario.

Ademas cu lo pone un fundeshi nobo pa e caminda, tambe e lo tin su banchi na banda y un poco extra di asfalt tambe pa ora di yobida e no coba e parti na banda.

News Category:

Language:


Aruba Kier Un Minister Di Husticia Cu Ta Trese Orden Y Respet Bek
Source:  Caribseek News - Aruba
dinsdag 07 maart 2017 10:15

Evelyn Wever-Croes:
Aruba Kier Un Minister Di Husticia Cu Ta Trese Orden Y Respet Bek
Y No Un Mininster Di Husticia Cu Ta Fiesta Cu Criminalnan

STA. CRUZ (MEP) -- Den conferencia di prensa di MEP lider di MEP Evelyn Wever-Croes a reacciona brevemente riba e hecho insolito cu mientras e ta hasi su trabou di controla y cuestiona gobierno, un preso a sali ataca su persona hasiendo su trabou.

“Esaki a pasa 10 dia pasa caminda un preso desde KIA atraves di Telearuba a sali ataca ami y mi coleganan ora nos ta hasi nos trabou. Manera mi a bisa caba, ami no ta reacciona riba e preso. Pero e tema a haya un buelta interesante ora e minister di husticia Dowers, en bes di bin parlamento manera cu nos a yame, ta manda comunicadonan masha infantil den prensa, bisando cu ta MEP mes a provoca e preso”, segun lider di MEP.

Esaki no ta corecto tampoco, pasobra MEP a hasi preguntanan por escrito na gobierno cu NO a wordo contesta, y MEP a pidi e minister bin duna cuenta den Parlamento, cual tampoco a socede. Pero pa e minister sali e defende un criminal, ta mustra cu e minister aki no ta para na banda di pueblo. Y ta pesey e bagamunderianan y ilegalidadnan ta socediendo na Aruba.

E caso a haya otro vuelta mas ora un otro cuidadano Danies siman pasa a basha abou riba e preso, pero no solamente e preso, sino den esey a involcura henter e top di partido AVP. Segun su declaracion Mike Eman, Arthur Dowers, Otmar Oduber y Benny Sievinger ta involcura den negosacion pa e entrega di un preso peligroso envolvi den asesinato; tambe a papia di pago di placa bou mesa.

En todo caso loke si a keda hopi cla ta e papel sumamente dudoso di e minister di husticia den sconde y tapa pa un criminal. Tambe e papel sumamente dudoso di Mike Eman pa acepta esaki den su propio seno y den su cas di partido. Tambe e papel dudoso di parlamentarionan di AVP.

“Ami no sa si tur locual sr Danies a trese padilanti ta berdad, mi no tabata conose tur e detayes ey, y e storia a laga ami den shock, mescos cu mayoria otro hende, pero un cos si mi ta bisa: si 10% di locual ela bisa SO ta berdad mes, anto aki na Aruba nos tin un problema hopi serio y partido AVP ta hinca den hopi bagamunderia y ilegalidad.

Pa nos e caso ta yega te akinan. Awe mi tin un cita cu Procurador General y mi lo pone tur esaki den su man. Pa manda un señal cla cu locual a pasa no ta normal. Ora e homber chikitop comete cualquier infraccion mesora ta baha riba dje cu tur peso di ley, pero awor cu e top di partido AVP ta involcura den e bagamunderianan aki, no ta tuma accion? Ta wordo hasta papia di asesinato! Si ni asina husticia no actua, nos pais berdad na man di gabinete Mike Eman ta den decadencia total.

Mientras tanto nos lo sigi exigi di e minister cu e ta bin duna cuenta den Parlamento, y nos ta sigi cu nos trabou di conbensze esnan cu nos falta di conbense pa sostene nos pa e cambio. Pa hunto nos trese bek orden y respet.  Aruba no kier un minister di husticia cu ta fiesta cu criminalnan, ni cu tin miedo di criminalnan. Aruba kier un minister di husticia cu ta actua cu man duro contra criminalidad y lo trese e biento fresco di siguridad riba nos pais” lider di MEP Evelyn Wever-Croes a duna di conose.

Language:

Tag:


<< < Vorige 1 2 3 4 5 6 7 8 9 10 Volgende > >>