VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Horcan Ian ta casi categoria 5 mientras e ta yegando Florida
Source:  NoticiaCla
woensdag 28 september 2022 09:26

MIAMI – Horcan Ian tabata yegando categoria 5 diaranson mainta preparando pa subi tera na e parti west di Florida. National Hurricane Center ta considera e horcan categoria 4 (casi 5) como uno extremadamente peligroso. E horcan a cuminsa bati e costa caba cu biento feroz y awacero torencial, cu chens pa causa daño catastrofico sin presendencia ora cu e subi tera. E horcan ta 2 miya di forza leu d ta un horcan categoria 5 cu ta esun di mas grandi y peligroso.  

ATA a organisa conferencia di Dia Mundial di Turismo
Source:  NoticiaCla
woensdag 28 september 2022 09:16

ORANJESTAD - Dia Mundial di Turismo ta wordo celebra riba 27 di september tur aña y en conexion cu esaki, A.T.A. a organisa su conferencia anual un biaha mas, e biaha aki den persona, den presencia di mas di 300 persona, despues di 2 aña cu el a ser efectua den forma virtual.  Dia Mundial di Turismo ta un ocasion special unda Aruba Tourism Authority ta tuma e oportunidad pa conscientisa comunidad riba e importancia di e industria pa nos pais y celebra e individuonan cu ta traha den turismo. ‘Rethinking tourism’, ta e tema cu Organisacion Mundial di Turismo a scoge e aña aki, considerando cu e sector ta recuperando mundialmente y mester bay anilisa den ki direccion kier bay como destino turistico.  E conferencia a conta cu presencia di varios miembro di Parlamento di Aruba, Minister President, Minister di Turismo y Salud Publico y Minister di Educacion y Deporte como tambe miembronan di Hunta di directiva di A.T.A., CEO di AHATA, CEO di AAA, CEO di APA, Presidente di ATSA y socionan den e industria. Adicionalmente, e conferencia tawata e sesion di apertura oficial pa e Conferencia di ‘Aruba Meets Europe’, cu a trece tur socio clave y hopi nobo na nos isla e siman aki, pa cual A.T.A. tin un programa completo prepara pa nan. Manera custumber studiantenan di e unidad di Hospitalidad di EPI y di e facultad di Turismo di Universidad di Aruba tambe tawata presente. Tur acompaña pa e ekipo di A.T.A. Aruba. Edjean Semeleer a fungi como Maestro di Ceremonia y a deleita e participantenan cu musica di Aruba, acompaña pa Chris Kross. Mester bisa cu durante di e dia di celebracion, A.T.A. a dedica atencion separa na e industria di turismo crucero pa medio di otro edicion di “Cruise Symposium Aruba” cual a tuma lugar despues di e celebracion ariba menciona.  Durante e transcurso di e mainta Minister Oduber y Ronella Croes CEO di A.T.A. a hiba palabra, sigui pa Max Pinas y Julius van Leeuwen di ‘DEPT Agency’, un di e agencianan internacional cu A.T.A. ta traha cu n’e. Bunita pa menciona ta cu Max a nace na Aruba y Julius a crece kinan, pues ambos tin un conexion cu nos isla, y pesey mes a wordo scogi pa comparti nan expertisio y inspira.  Como parti di su presentacion, Ronella a menciona cu un di e elementonan cu mas a resalta durante e pandemia como tambe den periodo di recuperacion ta e resiliencia cu nos tin como un nacion. Esaki ta un elemento di Aruba su DNA y esaki tawata e compas cu a guia nos durante e crisis. Nos recuperacion tawata posibel a traves di e resiliencia ey combina cu trabao duro y esfuerso di socionan den sector publico y sector priva y sigur tambe e apoyo di nos comunidad.

Wendell Bennett a cumpli 50 aña di servicio den MetaCorp
Source:  NoticiaCla
woensdag 28 september 2022 09:14

ORANJESTAD - Awendia empleadonan no sa keda traha hopi aña pa e mesun compania. Nan ta duna e miho di nan pa algun tempo y despues ta fada y ta busca un otro “challenge” den nan carera. Wendell Bennett a busca e mesun “challenge” aki den e mesun compania, MetaCorp, durante no menos di 50 aña largo. Manera e mes ta bisa 50 aña ta nifica hopi sacrificio, trabao duro, lealtad y perseverancia. Pa Bennett ta manera ayera, el a conta. CABA SCOL, BUSCA TRABOU Y HAYA TRABOU E ta corda cu tempo el a caba scol, e tabata buscando trabao. El a solicita na refineria, pero no a tum’e. El a solicita pa polis dos biaha, pero pa un of otro motibo e no a logra. Wendell a haya trabao na Wescar cu a wanta net un dia pasobra a mand’e traha como pion riba waf na Playa. Mientras cu e tabata traha na waf, el a mira e trucknan cora di De Veer y forklift y el a bisa su mes cu esey ta loke e kier sigui haci. E mesun dia ey, parti atardi, el a puntra e trahadonan, unda por haya un trabao cu nan ta haci. E trahadonan a bis’e p’e bay na De Veer Theater ariba y puntra pa Eduardo de Veer. Bennett ta corda con el a subi ariba y a drenta y den menos di 15 minuut despues di e entrevista, a bis’e cu e por a cuminsa traha su siguiente dia. E mes a keda sorprendi di e resultado. Wendell a kita fo’i Wescar y a cuminsa traha 50 aña pasa cu De Veer Transport. A CUMINSA TRAHA BOU PALO Wendell a cuminsa cu 20 aña di edad como mechanic helper, literalmente bao palo. No tabatin garashi bunita manera aworaki. Asina nan tabata bay aki aya y ora tin mester di un hende riba forklift, Wendell tabata bay yuda riba waf. Tempo cu el a cumpli 21 aña, el a saca su rijbewijs. El a prepara p’e. Despues di a saca su rijbewijs, el a cuminsa practica riba e trucknan. Un dia De Veer a gar’e ta reverse un truck carga den un luga preta. E siguiente siman, De Veer a mand’e LAGO pa traha den refineria. DI ARUBA PA BONEIRO PA VENEZUELA Despues di cuater luna trahando eynan, trabao a habri na Boneiro y el a bay. Despues De Veer a cumpra un compania na Corsou yama ATO, unda cu a mand’e traha eynan. Despues De Veer a haya contract di G.E. pa manda container Punto Fijo, via Puerto Cabello pa Valencia y Caracas. Wendell tabata un di e chauffeurnan ey. Lastimamente el a haya un accidente grave, unda cu el a kibra rudia y djente cu e no por a sigui mas. E persona cu tabata haci e trabao di checker e tempo ey, a fayece. A purba di cultiva otro empleado pa haci e trabao ey pero no tabata logra manera debe ser. A acerca Wendell despues di dos luna drumi na cas, despues cu el a sali fo’i hospital y a pidie si e ta dispuesto pa bay traha como supervisor checker/dispatcher, cual el a tuma e reto. SIGUI STUDIA PA CARGA MAS RESPONSABILIDAD Despues cu el a mira cu su direccion ta cambiando, el a bay bek scol anochi y a cuminsa tuma curso. El a cuminsa prepara su mes pa loke tabata na caminda. Wendell a subi di supervisor pa manager, pa Operations Manager y asina e compania a cuminsa crece y e hunto cu ne, te cu e Managing Director, Rudolph Richardson, a haya problema di salud y Wendell a bira director interino raportando na De Veer/MetaCorp. Tur aña ta pone fiesta bispo di Pasco y a invita fo’i su famia. De Veer a anuncia cu desde prome di januari Wendell lo a bira e Managing Director di ATCO y asina el a bira e Managing Director di ATCO te dia cu el a prepara pa baha cu pensioen. UN DI E UNICO GERENTENAN CU A MANEHA PRACTICAMENTE TUR COMPANIA DI METACORP Sinembargo, na aña 2010 un biaha mas a bati na su porta cu un otro reto p’e…e biaha aki na Brouwerij Nacional Balashi. A bel Wendell riba un diabierna y a inform’e cu desde dialuna e mester tuma maneho di e compania over. Di un industria di heavy equipment y mecanico, a bay pa produci cerbes y refresco. Wendell a comenta cu e mester a percura pa esunnan cu ta traha e productonan aki, e guia nan y percura pa e trabou ta haci. Ora cu el a kere cu ta pa algun luna, a tuma cinco aña y tres luna prome cu a haya un otro persona pa reemplas’e.  Despues di esey, a haya problema na New York Laundry y a pidi Wendell p’e bay eynan te ora cu haya un hende. Esey a dura dos aña. Wendell a splica cu despues di New York Laundry, el a bay Ecogas y Ecotech tambe pa algun tempo. De facto, e echo cu por a mand’e traha na tur e companianan aki, ta pasobra cu e ta un di e poconan cu conoce e cultura di MetaCorp y di Eduardo de Veer den su plant’i man. E ta un di e poconan cu a studia na e Universidad di MetaCorp den cual integridad, respeta e trahado y bay tras di tur oportunidad di negoshi, ta resalta. PASANDO SU CONOCEMENTO PA E HOBENNAN Desde december Wendell ta duna un man y p’e ultimo 6 pa 8 aña, e ta inspira e trahadonan nobo en particular. E ta purba di motiva e trahadonan y purba di haci nan un miho trahado di locual cu nan a cuminsa cu ne. Esey ta practicamente loke cu Wendell ta haciendo pa MetaCorp den tur compania. E ta disfruta loke e ta haci p’e compania. E no tin un responsabilidad di director mas, pero e responsabilidad a bira mas grandi pasobra e ta un reto pa haci e hobennan awe un bon trahado. WENDELL TABATEY DURANTE MITA DI EXISTENCIA DI METACORP  Eduardo de Veer, presidente di e Hunta di Supervision di MetaCorp, tambe tabata presente durante di e evento dedica na Wendell Bennett. El a recorda varios aspecto di e trayectorio largo di Wendell, entre otro na momento cu el a solicita 50 aña pasa, te awo. “E carera di Wendell ta impresionante. E ta conoci paden y pafo di MetaCorp. E ta un di e icononan di e compania, representa pa su balor y principionan”, asina e doño di e compania netamente Arubiano cu mas di shen aña di existencia, a conta na Balashi Beer Garden. Segun Eduardo de Veer, cu semper Wendell tabatey unda cu ta expande e compania. Y te ainda esey t'e caso. Wendell ta cay para riba su pianan y sa e cultura y ta yuda prepara e hendenan pa yuda planta y cosecha riba cultura di e compania aki. “E ta un persona cu ta hopi honesto, trahado duro y por confia riba dje cu si entreg'e un proyecto, cu e ta hinca e bala ey den gol. Esey ta Wendell.” Eduardo de Veer a termina bisando cu e por gaba cu den e compania MetaCorp y su subsidiario, tin un solo Wendell Bennett. E tabata un factor importante den henter e carera di MetaCorp. Mita di e 100 añanan cu MetaCorp ta existi, mita di nan Wendell tabat’ey 'al pie del cañon", leading the troops! Ta bon pa menciona acera cu, despues di Eduardo de Veer, cu tin algun aña mas di servicio, ta bin Bienvenido Alberto na Tropical Bottling Company y su tras mesora Wendell Bennett ta e trahado cu mas aña continuo di servicio. Semper e ta cla pa bay cu pensioen, pero ki ora presenta un reto den compania, e prome persona cu ta pensa riba dje pa atende y soluciona e reto, ta Wendell. YIU ORGUYOSO DI SU TATA Yiu homber mayo di Wendell, Rene Bennnett, tambe a hiba palabra na honor di su tata cu a cumpli 50 aña trahando pa MetaCorp. Ta cinco decada, mita siglo di trabao duro, sodo y lagrima. Pero mas importante, lealtad no solamente fo'i su tata, pero for di e prestigioso compania MetaCorp. Su tata stima loke e ta haci y ta dispuesto pa comparti su conocemento pa esun cu kier scucha. Rene Bennett a sigura cu su tata Wendell a hunga un rol hopi importante den carera di hopi empleado di MetaCorp y esey ta bisto.        

Ronella Croes: Ta momento pa re-diseña y haci nos turismo mas duradero
Source:  NoticiaCla
woensdag 28 september 2022 09:11

ORANJESTAD – Diamars mundo henter a para keto y observa Dia Mundial di Turismo. E tema mundial di e aña aki ta “Rethinking Tourism”. Pero, pa nos analisa nos situacion y traha riba concepto y ideanan nobo con pa sigui innova y desaroya turismo sostenibel pa nos pais, ta necesario pa reconoce di unda nos ta bin. “Y ta precisamente pa e motibo aki nos ta para aki tambe. Pa honra un di e icononan mas importante den nos turismo, Juancho Irausquin”, asina Ronella Croes, CEO di Aruba Tourism Authority a cuminsa su discurso na ocacion di celebracion di Dia Mundial di Turismo. Gobierno di Aruba a organisa un evento special na e estatua di defunto Juancho Irausquin, dilanti Postkantoor na Playa. Di e forma aki a pone luz riba un di e personahe visionario cu a para na cuna di nos crecemento turistico. “Un persona cu su vision, pa traha un hotel grandi pa Aruba, ora cu turismo ainda no tabata mucho conoci y ningun hende tabata dispuesto pa core e risico ey. El a visualisa locual nos ta biba awe, pero esaki el a haci mas di 60 aña pasa”, di acuerdo cu Ronella Croes. Aruba Tourism Authority ta orguyoso cu for di aña 2016 caba a traha Monumento Ike Cohen riba Plaza Turismo na Linear Park, honrando e icono aki tambe. Ey tin diesseis nomber graba riba un plachi. Un monumento pa cual ta evaluando posibel adicion di otro icononan di Aruba su turismo. “Ta cu e vision aki, awe nos ta cla pa sigui re-diseña e direccion cu nos kier hiba nos turismo, pa hacie mas duradero y mas solido. Siendo e unico pilar economico di nos isla, turismo mester keda central den curason di tur hende. Pasobra sea directamente of indirectamente, nos tur ta depende di turismo. Y nos a bib’e dos aña pasa, ora cu e pandemia a yega nos isla y a impacta henter nos economia. Tabata un momento cu Aruba completo a realisa con hopi nos ta depende di turismo. Aruba tabata un di e paisnan cu a haya e sla mas duro, economicamente. Pero, nos ta demostra awo tambe cu nos ta un di e paisnan cu a bounce-back mas lihe, compara cu hopi otro den nos region. Nos a, un biaha mas, practica e abilidad di por re-diseña nos mes y demostra resiliencia durante di Covid-19”, Ronella Croes a bisa den su discurso. “Awe, laga nos pone atencion riba tur cu den pasado a kere den nos pais, a inverti, a bin cu ideanan creativo cu a hiba nos pais na un di e destinacionnan turistico preferi den Caribe, mescos cu nos a haci durante di e pandemia. Un pandemia cu a cambia hopi cos y cu ta exigi di nos cu awor mas cu nunca mester sigui adopta e creatividad cu nos a mira na hopi ocasion, semper y cuando uzando e mesun fundeshi cu e icononan aki a laga atras pa nos”, asina Ronella Croes a termina bisando.

CBS ta buscando encuestador part-time pa e Encuesta di Mucha y Hoben 2022!
Source:  NoticiaCla
woensdag 28 september 2022 09:10

ORANJESTAD - Cuminsando diabierna 14 di oktober, Oficina Central di Estadistica (CBS) ta organiza un encuesta tocante mucha y hoben “Child & Youth Survey 2022”. E proposito di e encuesta aki ta pa haya un mihor bista di diferente tema di importancia pa mucha y hoben.  E encuesta ta toca temanan manera por ehempel actividadnan di mucha y hoben den nan tempo liber (deporte, arte, trabou boluntario), participacion na scol, participacion riba mercado laboral, bista riba nan futuro, relacion cu mayornan, uso di celular, medionan social y gaming y posibel problema relata na esakinan, humamento/vaping, uso di alcohol y droga y salud mental. E temanan aki ta sumamente importante pa CBS por suministra informacion relevante, valioso y di calidad halto.  Pa e encuesta aki ta uno exitoso, CBS ta buscando personanan cu lo desea di fungi como encuestador part-time. Mirando cu e encuesta ta dirigi riba mucha y hoben, e entrevistanan mester wordo haci primordialmente durante oranan di atardi y anochi esta entre 4’or di atardi y 8’or di anochi. Pa fungi como un encuestador, mester: -           por traha cu un Tablet -           por lesa, scirbi y papia Papiamento, Ingles, Hulandes y Spaño -           tin por lo menos 25 aña di edad -           tin experiencia con pa traha y trata cu mucha y hoben -           tin por lo menos un diploma di MAVO -           ta un residente di Aruba (persoonsnummer) -           tin un rijbewijs valido y un medio di transporte propio -           ta compromete su mes pa asisti na 1 training obligatorio -           ta disponible part-time durante e periodo di 14 di oktober te cu 25 di november -           ta disponibel pa traha den siman atardi/anochi y den weekend. Tur persona cu ta cumpli cu e rekisitonan menciona por solicita pa ta un encuestador, tanten cu nan ta disponibel durante e periodo menciona. Pa solicita of pa mas informacion por jama libremente na telefoon: 524-7417 of por manda un e-mail na ykelly@cbs.aw. Lo haya un formulario digital pa yena via e-mail.

Minister a inaugural e Cruise Tourism Symposium riba dia di Turismo
Source:  NoticiaCla
woensdag 28 september 2022 09:08

ORANJESTAD – Diamars dia 27 di September a celebra World Tourism Day y na mesun momento tambe a celebra Cruise Tourism Industry, cual ta un parti importante den e industria di turismo. Minister di Turismo y Salud Publico, Sr. Dangui Oduber, a inaugura e “Cruise Tourism Symposium” diamars atardi na Marriott Ballroom.  Durante e symposium aki tabata tin diferente presentacion cu a tuma lugar cu un grupo diverso di expertonan di Aruba pero tambe internacional. Tin diferente invitado a bin for di Europa pa asisti e “Aruba meets Europe conference” y na mesun momento tabata presente pa e symposium di crucero.  E strategia pa cu e industria aki ta pa pais Aruba haña mas entrada por medio di e turista crucero cu ta inverti ora cu nan baha na Aruba. Den e vision di turismo crucero tambe tin e 4 puntonan cardinal cu lo enfoka riba dje den e siguiente añanan. Esakinan ta turismo sostenibel, desaroyo di isla Aruba, innovacion y un isla cu ta rico den data pa por evalua y sigui hasi plan y proyecto nan pa eleva e calidad di producto Aruba y locual nos ta ofrece. Tambe mester menciona cu den 2023 tin diferente liña di curucero cu lo cuminsa yega na e port di Aruba, entre otro Silversea y Seabourn, Virgin Cruises, Ritz Carlton Yacht Collection y tambe Explora Journeys. Tur esakinan ta parti di e plan strategico pa diversifcia turismo crucero y crea mas entrada pa pais Aruba.     

Gobierno a dedica dia di turismo internacional na dos lider pionero den turismo
Source:  NoticiaCla
woensdag 28 september 2022 09:06

ORANJESTAD - Diamars 27 di september en conexion cu “Dia Mundial di Turismo” a tuma luga un ceremonia y ponemento di krans na Plaza Juancho Yrausquin pa relexiona riba e esfuerso di cada trahado den henter e industria turistico, for di esnan cu ta traha den sector hotelero, pa esnan cu ta traha na aeropuerto y taxistanan. Pero tambe a honra y dedica e dia na dos lider pionero den turismo, señor Juan Enrique Irausquin y señor Ike Cohen. Prome Minister Evelyn Wever-Croes den su discurso na e ocacion, a conta e storia di ambos persona enfatisando e esfuerso cu cada un a haci pa nos industria turistico. 

AAA: Buelonan for di Florida pa Aruba ta cancela debi na horcan Ian
Source:  NoticiaCla
woensdag 28 september 2022 09:00

ORANJESTAD/MIAMI – Buelonan for di estado di Florida (USA) pa Aruba awe a keda cancela. Asina aeropuerto Reina Beatrix ta raporta. E motibo di e cancelacion ta e yegada di e horcan destructivo Ian (mesun cu a pasa Aruba como un depression tropical un siman pasa). Ta trata di un buelo di Orlando cu Southwest Airlines buelo 1443 ( y su regreso SW 1641) y e buelo di Miami di American Airlines AA 1028 y e regreso AA 152. E horcan awe mainta tabata preparando pa subi tera na e parti west di e estado, casi como categoria 5. Aunke cu e ta subi tera na e parti west, debi na su grandura, e ta cubri casi full e estado, incluyendo Orlando y Miami, pa cual a tuma tur precaucion. Ta premira cu pa diahuebs y diabierna tambe e buelonan di Florida pa Aruba lo por keda cancela.  ARUBIANONAN NA FLORIDA NoticiaCla a confirma cu tin (tin mas si) un grupo di rubiano na Florida (Orlando) pa un casamento cu tin cu tuma lugar e siman aki y tabata programa pa diahuebs. Esaki sinembargo a keda posponi pa diasabra awor. Ademas a prohibi nan (tur hende) pa sali for di nan cas awe debi na e efecto di e horcan. Asina tin mas rubiano cu ta na Florida awor cu lo sinti e efecto di e horcan. 

Minister Endy Croes: Proyecto “veilige barios� ta un realidad
Source:  Masnoticia
woensdag 28 september 2022 08:00

Durante Feria Social informativo organisa pa Ministerio di Asuntonan Social y Husticia, Gobierno di Aruba a firma acuerdo cu CEDE Aruba den cuadro di e proyecto “Veilige Barios”, unda cu a compromete pa e proximo cinco añanan lo aloca fondonan pa e proyecto. E proyecto di “Veilige Bariosâ€� tin como meta pa mehora nos centronan […]

The post Minister Endy Croes: Proyecto “veilige barios� ta un realidad appeared first on Masnoticia.com.


Tornado a pasa riba un airport na Florida destrui basta avioneta
Source:  Masnoticia
woensdag 28 september 2022 00:02

Internacional: Diamars anochi laat medianan Mericano a informa mientras cu e horcan Ian ta yegando Florida, un tornado a dal basta duro na zuid Florida na e North Perry Airport  causando basta daño na avionetanan. Despues di e pasada di un tornado mientras cu tempo ta cera caba basta avioneta a keda destrui a haya […]

The post Tornado a pasa riba un airport na Florida destrui basta avioneta appeared first on Masnoticia.com.


<< < Vorige 1 2 3 4 5 6 7 8 9 Volgende > >>