Diasabra atardi a drenta informe di cu un persona despues di varios dia sin wak su bisiña pa algun dia a dicidi di purba wak via bentana y a hay’e drumi riba su cama y no ta reacciona na Pos Chikito Complex 4B, mesora a dirigi tanto polis, ambulans como tambe bombero na e sitio. Na yegada di polis ya ambulans tabata na e sitio y bomberonan a caba di yega. Via e bentana un bombero a logra pasa paden y a habri e portanan di patras y padilanti pa asina ambulans y polis por a drenta. E personal di ambulans a nota dibiaha cu e persona no ta halando rosea y a pidi presencia di dokter pa bin constata morto. TA trata aki Dickson Maurin Juan Manuela naci 8 di december 1962. E ta un persona masha social aunke hopi ta esnan a tente for di chikito caba na school pa su gordura y hasta na grandi pero esaki no a strobe di ta un person masha amical y servicial den su tempo liber e tabata dedica na train muchanan baseball y na trabao na hotelnan e tabata un persona social y atento. Na famianan di e fayecido ta bay nos mas sincero palabranan di condolencia.

Diasabra atardi a sosode un accidente na e rotonde airport pero un di e partidonanan a core bay, e otro partido a core bay su tras y a localise na Primavera pero despues e auto a bolbe huy. Mas despues di un rato a bin haya e auto aki scondi banda di un mufflershop cu tire cu un kap. E otro partido a y tambe e roadservice a keda en espera di polis pa bin atende e accidente aki pero e chauffeur mes a bandona e sitio lagando e auto atras. Ora polis a yega mesora a solicita un takelwagen y a confisca e vehiculo aki pa mas investigacion te ora e doño aparece pa reclama su auto y e asumi su responsabilidad.

Lotto cambiando bida ta presenta e resultadonan di Wega di Number y subi website di Lotto riba www.lottoaruba.com. Si bo kier e resultadonan den bo Celular SMS e palabra Sorteo On pa 1100. Catochi 6553 9403 9348 Big 4 1967 1OFF 4598 Zodiac 5198 Aries

The post Resultado di sorteo di number merdia 6 Juni 2020 appeared first on Bon Bini Masnoticia.

ORANJESTAD (AAN): Informacion for di Cayman Islands ta indica cu nan casonan eynan a caba di aumenta cu 4 pashent mas, y asina e cifra total di e islanan a yega na 160, segun e informe nobo di e Oficial Principal di Medicina, Dr. John Lee.

   Den un declaracion, el a bisa cu 3 di e casonan nobo ta contagionan local, y ta asintomatico.

   Nan a wordo haya via di screening, y ya caba ta haciendo contact tracing riba nan.

   E di cuatro caso positivo ta un contacto via di un persona conoci caba di ta positivo.  E caso aki a wordo presenta tambe como asintomatico.

   Cayman Islands a haci un total di 745 test di Covid-19 den ultimo 24 ora, segun e declaracion di Dr. Lee ta indica.  E ultimo testnan aki a pone cu e total di test na Cayman Islands a yega na 13.254.

   Di e 160 caonan aki, 85 ya caba a recupera, 74 so ta activo, y uno a muri.

   Diamars tambe tabatin un caso nobo, cu ta un mucha di 9 aña di edad cu no ta mustra ningun sintoma, y e no mester a wordo hospitaliza tampoco.

   E mucha aki ta un di e siete muchanan cu a test positivo pa Coronavirus desde cu e crisis aki a cuminza na Cayman Islands.  Tres di e siete muchanan aki a mustra sintoma di Covid-19.

   Na Cayman Islands ainda scolnan no a habri bek, y e contagio di mucha ta algo cu ainda tin Gobierno wanta cu e decision aki.  Siendo cu ta hopi hende den comunidad ta supliando Prome Ministro Alden McLaughlin pa e habri scol bek.

 

ORANJESTAD (AAN)- Dia 2 di mei, 1990, Alvin a cuminsa traha na e tempo ey scol tecnico Dr. Martin Luther King na San Nicolas como administrador financiero.

   Despues na aña 1997 el a bay over na scol EPB cu despues di algun aña Alvin a sigui den leerlingadministratie y onderwijs ondersteunend personeel.

    Te cu awe Alvin ta haci e trabou di promer auxilio(EMT) na colega y alumnonan na momento cu tin mester. Manera e mes ta bisa: “Mi ta hasiendo mi trabou cu plaser y lo sigui asina tambe”.

   Dia 4 di juni, algun colega a sorprende Alvin den e docentenkamer na EPB cu un brindis chikito.

   Director di scol, meneer Mathilda a elogia e bon trabou desplega pa Alvin durante e 30 añanan na e institucion. Semper Alvin a eherce su trabou cu hopi amor y dedicacion.

   Staf, personal y alumnonan kier a yama un danki na meneer Alvin Oduber y  desea su persona tur clase di exito den su trabou!!!

Relashona cu e caso di diabierna cu a horta e arma reglamentario di un colega.
Te aworaki 5 detencion y a confisca un arma semi automatico paresido na un UZI, un silenciador, 3 peña y munishon. Polis no kier revela tur informacion ainda pero tin cosnan serio den e asunto aki y nan no ta descarta mas detencion.

Diasabra merdia a drenta informe di un accidente na e cruzada Ecuadorstraat/Prof. Lorentzstraat, mesora a dirigi un patruya na e sitio. Na yegada di e patruya a bin compronde cu un di e vehiculonan tin 2 diferente number. E pick-up recien cumpra pero ainda no a regla su documentonan.