Trahamento di lista tin su retonan y den caso di partido AVP esaki no tabata diferente segun lider di e partido, Mike Eman a declara despues di a entrega e lista di candidatonan cu cual AVP lo participa den eleccion di dia 25 di juni proximo.

“E lista di AVP tambe tabatin su retonan caminda e logro mas grandi tabata cu AVP a logra di atrae un cantidad hopi grandi di profesional, economista,  educador, hendenan cu conocemento di relacionnan den Reino, profesor, personanan cu capacidad riba tereno di finansa, tereno social y loke sigur tambe ta hopi importante, t’e tereno di labor y tereno di comercio.

Pues un lista balansa, cu profesionalnan, kendenan por bay atende cu rescate di pais Aruba, pesey nos a yama e lista aki e team di rescate, e partido cu tin e tarea grandi pa tur e situacion complica cu Aruba ta bibando n’e momentonan aki di pobresa, miseria, perdida di poder di compra, hopi inseguridad y incertidumbre.

Nos por a mira hopi depresion den depresion den e pais aki, Aruba ta anhela un perspectiva nobo, Aruba kier mira portanan cuminsa habri atrobe pa un desaroyo sano den e pais aki.

Aruba a sufri ultimo cuater aña na hopi medida, na falta di interes p’esnan di menos recurso den e pais, falta di vision pa por a prospera economia di e pais, un Gobierno di conflicto continuo cu tur gremio na Aruba.

Den enseñansa esaki a resalta, pero den economia el a resalta cu no tabatin ningun tipo di dialogo caminda no a sinta na mes cu esnan cu ta biba e dolornan di tur dia, sea cu t’e trahadornan cu perdida di nan poder di compra, miles di desempleado of comercio cu a perde grandemente durante di ultimo añanan, medidanan cu Gobierno a introduce, pero tambe despues cu a bin Covid riba dje, hayando Aruba na un momento hopi vulnerabel.

No tabatin preparacion, no tabatin un economia creciente cu tabata  den recesion y esey ta haci cu e team di rescate cuAVP a forma di tur e profesionalnan cu nos tin riba lista, caminda si mira  riba e lista caminda por mira e experencia cu tin, candidatonan cu tabata Minister, kendenan sa kico ta goberna, Parlamentarionan cu experiencia, kendenana  dirigi hopi comisionnan di Parlamento, pero na mes momento por mira tambe hopi cara nobo.

Por mira caranan cu a crece den politica manera Gerlien Croes, kende a crece grandemente cu bon aceptacion den pueblo, canando cumi pa entrega lista, cu mensahe pa nos hobennan cu si nos pone nos mente y curason na algo, traha cu dedicacion, nos ta cuminsa un caminda y nos lo crece y crece, manera Gerlien awe candidato number cuater riba lista di AVP, e partido mas grandi di Aruba.

Por mira un profesor drs. Rycon do Santos de Nacimento, un persona cu ta conoci den Reino como un di e mihor specialistanan den e relacion den Reino n’e momentonan aki, caminda antes nos tabatin Mito Croes y awe nos tin Rycon do Santos de Nacimento.

Tin tambe e personahe importante riba tereno di salubridad cu AVP a atrae den persona di dr. Selene Kock, un profesora den medicina kende a biba Covid, kende a mira pashentnan sufri pa falta di vacuna, falta di informacion na tempo, caminda nan por a keda sin drenta hospital si no tabata pa falta di un maneho hopi mas coherente riba e tereno di Covid.

Awe AVP tin den persona di e specialista di pulmon cu mas a para na cama di hendenan malo, kende a yuda hopi hende y kende tin e vision tambe pa nos bay recupera salubridad publico na Aruba.

Por a mira con pueblo a sufri cu e maneho di salubridad, con Gobierno a dicidi di corta den servicio di dokternan, con Gobierno a kita salario di dokternan y con Gobierno a kita remedi, ta mas cu claro cu Aruba tin mester di hendenan su sa di salubridad publico y partido AVP a pone e hendenan aki riba su lista pa proximo eleccion,� lider di partido Mike Eman a declara.

Corporate Governance no mester ta simplemente un palabra. E mester ta sinonimo na den practica aplicacion di bon gobernacion, un control debido y cu un kader di consecuencia bon y pre-defini. E ultimo aki lamentablemente den practica ainda no ta un realidad. Sigur despues di a lesa e raport di RDA y tur loke nos sa caba cu a pasa den entre otro Utilities y proyectonan di Bo Bario, según drs. Shailiny Tromp-Lee, Parlamentario di MEP .

Un bon maneho mester percura pa regla e relacion entre esun of esnan cu ta maneha, e comisariado y mas cu claro cu e aandeelhouders/doñonan. Pa stipula un norma di kico basicamente y minimalmente mester ta regla y cabalmente mester keda cumpli cu ne a keda crea loke nos ta yama asina bunita e Corporate Governance Code.

Un codigo cu mester contribui na crea sabiduria den maneho y mas cu tur cos mester forma e compas moral den loke ta trata maneho di un organisacion, negoshi of un pais.

Den transcurso di tempo e codigo aki tambe a sigui desaroya, a keda ahusta y amplia. Awendia ora nos ta papia di bon gobernacion ta referi hopi biaha na decencia, responsabilidad, integridad y sostenibilidad.

Corporate Governance Code no ta sin mas a keda crea. E ta di sumo importancia p’e keda aplica pa nos por a preveni mal maneho, enrikecemento personal, malgastamento di placa di pueblo, abuso di poder y asina Shailiny Tromp-Lee por sigui menciona.

Mas cu tur cos cu aplicacion di e codigo nos mester subraya cu no ta tolera comportacion inapropia y indiferente.

Cu e raport di RDA nos di MEP ta constata cu den practica no obstante e exsistencia di un Corporate Governance Code of maneho basa riba e pilarnan di bon gobernacion, trasparencia etc.. E codigo, den e caso aki di un compania estatal por keda experiencia manera un retorica sin compromiso of un habladera socialmente deseabel. Pesey mes Shailiny Tromp-Lee ta di opinion y ta vocifera cu nos no ta logra cu solamente accion concreto pa haci mal maneho visibel y elimina esaki, pero mester bin sancion y consecuencia drastico pa ora ta kibra e codigo.

E raport di RDA a keda entrega na Ministerio Publico y nan a anuncia cu nan a inicia cu un ‘oriënterend onderzoek’. Como representante di pueblo Shailiny Tromp-Lee ta spera enberdad cu nan investigacionnan lo conduci na caso(nan) penal pa responsabilisa esnan cu a ehecuta, tolera y deha di controla tur e actonan cu ta keda menciona den e raport.

Ta trata di gastonan sin aprobacion di Raad van Commissarissen, consultant cu autoridad di firma, gastonan no hustifica y mal administra, compania di floresteria cu ta duna servicio di security, compania di mercadeo cu ta fungi manera un uitzendbureau, sumanan cuantioso ta keda paga pa mercadeo sin tin un contract y basa riba palabracionnan verbal, no ta controla factura, cantidad di ora y ni calidad di trabou, computer y iPad cu ta keda haci limpi pa sconde informacion y asina nos por sigui menciona.

Adicionalmente desde un principio algun trahador di RDA no a coopera cu e investigacion y p’e motibo aki mes Shailiny Tromp-Lee a haci e pregunta kico, internamente, mes lo haci cu e personanan aki. Minister President a informa Parlamento cu tin 3 otro raport riba cual decision ta bay keda tuma pa loke ta trata e trahadornan aki riba menciona.

Cada biaha nos ta keda asombra di kico tur a tuma lugar bou di Gabinete Mike Eman I y II. Prueba tras di prueba di mal gobernacion, corupcion y falta di integridad. Dia 25 di juni benidero pueblo mester realisa cu MEP t’e partido cu a demostra seriedad, integridad y a goberna na un manera responsabel. Pueblo mester vota consciente y vota pa stabilidad, experiencia y conocemento. No ta momento pa experimenta ni pa aventura.

Dialuna 10 di mei 2021, Gobernador Alfonso Boekhoudt, a ricibi señor Allan Greenberg, Consul-General di Estados Unidos, pa un audiencia na Cas Ceremonial di Gobernador.

Despues di un audiencia anterior na augustus 2019, esaki tabata e di dos biaha cu Gobernador Boekhoudt y señor Greenberg a hiba combersacion cu otro. Durante di e bishita a toca e tema di e situacion rond di Covid y a papia tocante temanan cu ta di interes mutuo pa tanto Estados Unidos como Aruba.

(Potret: © Kabinet Gouverneur Aruba)

Diahuebs anochi patruya di Playa a duna chauffeur di un nissan sentra cora señal pa para debi cu esaki por poco a dal den e auto policial. A sigui su tras drenta Kamerlingh Onnestraat pa Ponton y a bin bek Solito y asina patras di Imelda Kleuterschool a blokia e auto y detene e chauffeur. […]

The post Polisnan a persigui auto cu por poco a dal den nan y a detene e chauffeur appeared first on Bon Bini Masnoticia.

Diahuebs atardi pasa di 6’or atardi patruya di Santa Cruz a dirigi pa un cas na Rooi Bosal unda un persona riba brommer a accidenta y ta herida. Patrulla na su yegada a constata cu e persona riba e brommer a dal contra di un cura di cas dal y ranca un meter di awa […]

The post Hoben a keda herida despues di a ranca meter di awa y dal den cura di cas appeared first on Bon Bini Masnoticia.

4 dia para de solo pidiendo hende pa sostenenan cu firma pa asina participa na eleccion 2021. HTC diahuebs atardi a logra di cera 587 firma y e hoben lider di e partido  Gilbert Webb a yama tur hende danki.

The post HTC a logra 587 firma appeared first on Bon Bini Masnoticia.

Premier Evelyn Wever-Croes diaranson a reuni cu Crisis Team y cu Censo. Desde februari Crisis Team a acerca Censo pa pidi Censo pa na momento di organisa eleccion 2021, e tempo ey premira pa september 2021, pa tene cuenta cu e protocolnan relaciona cu Covid. A base di esaki Censo a haci algun recomendacion y […]

The post Door di menos caso COVID no ta uza scanner mas den eleccion appeared first on Bon Bini Masnoticia.

Como parti di e iniciativanan di promocion di inversion di Aruba, Departamento di Asuntonan Economico, Comercio y Industria (DEACI) ta organisa ‘Aruba Investment Summit 2021’. E cumbre importante aki di tres dia, lo tuma luga virtualmente riba dianan 31 di mei, 1 y 2 di juni 2021 y ta inclui oradornan internacional, tambe e miho […]

The post Registra pa Aruba Investment Summit 2021 appeared first on Bon Bini Masnoticia.