VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Ex premier di Corsou ta pidi pueblo yud’e paga 1.8 miyon pa e no bay cera atrobe
Source:  NoticiaCla
dinsdag 03 mei 2022 09:50

WILLEMSTAD – Ex prome minister di Corsou Gerrit Schotte den fin di siman a haci un apelacion publico pa yuda paga su debe miyonario cu e tin. Den un video, e ta splica cu e tin apenas 10 dia mas pa e sera e suma di 1.850.000,= florin, sino e tin cu bay cera atrobe den prison pa 3 aña. Como cu e no a logra cera e cen, e la haci un yamada pa simpatisantenan yuda paga esaki pe. A calcula cu si 100 hende yuda, nan por paga 18 mil y e ta cera e suma. Si 200 persona yuda, y paga 9 mil florin, nan ta cera e suma. Di parti di ministerio publico, a bisa cu ta ofrece areglo di pago, pero e mester ta un suma rasonabel, relaciona cu e suma en cuestion. P.e. Pa un suma di 1 miyon, no por bay paga 1000 florin pa luna pasobra ni den 100 aña lo termina di paga. Y no ta trabou di OM pa sinta cobra hende pa bida largo pa paga e suma. 

APSC a tene otro competencia internacional di tiramento exitoso
Source:  NoticiaCla
maandag 02 mei 2022 18:14

ORANJESTAD – Guatemala, Jamaica y Aruba a resulta e paisnan ganador den categoria standard pa e competencia internacional di tiramento na Aruba conoci como Aruba Open 2022, den fin di siman cu a pasa. Un total di 108 persona a participa na e competencia di tiramento na Aruba. Di e cantidad menciona, mas cu mitar tabata stranhero di entre otro Merca, Guatemala, Costa Rica, Guyana, Jamaica, Suriname, Curacao, Chile, Puerto Rico, y Ecuador. A compronde cu e evento tabta uno sumamente exitoso. Ta notable cu Aruba Practical Shooters Club tin mas di 25 aña ta organisa un competencia tur aña. Loke ta yuda tambe, ta e hecho cu mayoria aeroliña ta bula pa Aruba, y e cooperacion tremendo di douane ta percura cu e competidornan por drenta cu nan arma di competencia mas facil. Esaki como tal sigur ta un incentive. A compronde tambe cu preparacion pa un competencia asina ta dura sigur 5 luna i tur cos ta wordo hasi door di e miembronan. Durante e entrega di premio diadomingo anochi, minister di deporte Endy Croes tambe tabata presente. Pa e resultado completo, click AKI.  

Colombianonan no ta contento cu Avianca ta cumpra Viva Air
Source:  NoticiaCla
maandag 02 mei 2022 18:02

BOGOTA – Na Colombia, e noticia cu Avianca ta tuma accionan di e aeroliña Viva Air, no a cay den bon tera. Asina varios medionan Colombiano ta raporta e fin di siman aki. Viva Air ta un aeroliña di baho costo, y ta pensa cu si Avianca tuma esaki over, esey lo ta pa pasado. Viva Air a haci peticion pa bula pa Aruba for di 2019 manera cu noticiacla a yega di raporta, y confirma pa autoridadnan di Aruba e tempo ey. No ta conoci si awor cu Avianca ta bay tuma esaki over, cu e buelonan ey solicita pa Aruba (for di e.o. Medellin), lo no continua mas. Avianca, despues di KLM, ta e aeroliña mas bieu di mundo. 

Aruba no ta cla pa ricibi biaheronan di islanan ABC y BES cu solamente cedula
Source:  NoticiaCla
maandag 02 mei 2022 17:51

ORANJESTAD – Entrante diadomingo 1 di mei 2022, esta ayera, ciudadanonan di islanan BES y Corsou y St Maarten cu ciudadania Hulandes, por bula entre e islanan ey cu solamente un cedula envez di un pasaporte. Aruba ainda no. Por lo menos, no si bo kier biaha di e destinacionan menciona, rumbo pa Aruba cu bo cedula, pasobra Aruba ainda ta rekeri un pasaporte valido. Minister di Husticia di Aruba Rocco Tjon a confirma esaki dialuna pa Noticiacla.com. Pa awor Aruba lo tin un papel ‘pasivo’ den e proyecto piloto. E mandatario a sigura cu pa 2023 Aruba lo dicidi finalmente si e tambe ta participa activamente.  ROL PASIVO Cu rol pasivo e mandatario kier men cu ta permiti si, pa biaha for di Aruba pa e islanan menciona cu solamente un cedula. Pero drenta e isla (Aruba), ainda no. “ Despues di e pilot project, nos lo tuma un decicion final” e mandatario a sigui bisa.”Nos ta uza e tempo aki pa monitoria e aspectonan di seguridad, paso tin cierto preparacion, cu ta costa placa, lo mester tuma lugar” sr Tjon a sigui bisa. “A base di e resultado di e pilot project nos ta tuma un decicion final”. E mandatario a sigui bisa cu mientras cu na juni awor tin e proximo reunion di husticia entre e islanan, esun na comienso di 2023, Aruba lo tuma su decision final. 

Oficina di Turismo, A.T.A. ta lansa serie di ‘podcast’ “A.T.A. Talks About�
Source:  NoticiaCla
maandag 02 mei 2022 17:47

ORANJESAD - Dialuna dia 9 di mei, 2022, Oficina di Turismo, lo cuminsa cu su serie di ‘podcast’ titula “A.T.A. Talks About”. E proposito di e ‘podcast’ aki den su totalidad ta pa conta di e structura, responsabilidadnan y prioridadnan di A.T.A. como organisacion, como tambe e papel den diferente aspecto di nos turismo. E ‘podcast’ aki lo enfoca tambe riba e diferente trabaonan cu ta tuma luga na A.T.A. y riba e personanan cu ta eherce e trabaonan aki. Informacion general di turismo, di proyectonan importante, como tambe reto y oportunidadnan lo wordo exponi. Esaki pa medio di conversacionnan cu nos ta spera lo agrega balor na siguidornan y lo contribui na conocemento di A.T.A. y di nos turismo, e pilar di nos economia y su importancia den nos bienestar.  E prome episodionan lo ta mas enfoca riba A.T.A. como organisacion y sigur tambe riba e diferente mitonan cu tin den comunidad over di A.T.A. E prome episodio lo ta dialuna dia 9 di mei, 2022 pa 8:00p.m. via e pagina di Facebook di Aruba Tourism Authority y Sopi Mix Studio.

Sospechoso di intento di asesinato di polis a keda deteni
Source:  NoticiaCla
zondag 01 mei 2022 12:41

ORANJESTAD - Un rato pasa DAR 2 ( Recherche Noord) en conexion cu e incidente awe madruga caminda cu un polis a fractura su man y a haya basta sla na su curpa, coleganan di DAR 2 pa 09.55 a detene e sospechoso J. K naci na Aruba y cu ta biba na Papaya. Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo pa bendemento di droga.

Polis a detene 2 persona y confisca hopi droga den un cas na Brazil
Source:  NoticiaCla
zaterdag 30 april 2022 15:49

BRAZIL - En conexion cu un investigacion  andando Project Team Drugspanden a haci entrada hudicial na un cas na Brazil. Aki a detene 2 hende homber di inicialnan: A.C. T. naci na Aruba di 61 aña. G.T. T. naci na Aruba di 53 aña. Durante razzia na e cas na Brazil a confisca un cantidad basta grandi di droga entre otro marihuana, piedra (Base) y cocaina. Project Team Drugspanden ta un team cu a wordo lanta pa entre otro pa investiga bendemento di droga for di un percela y ariba caya.  Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nan ta pidi si bo tin cualkier informacion yama nos tiplijn di Polis cu ta: 11141. Polis ta garantisa cu bo ta keda anonimo pa bendemento di droga.

Yiu di ex minister a recobra su libertad diabierna anochi
Source:  NoticiaCla
vrijdag 29 april 2022 20:46

ORANJESTAD – E di tres sospechoso den caso penal Flamingo, e homber di inicial J.A. Oduber, a keda den libertad diabierna anochi den careda di 7:30pm, despues di tabata encarcela pa casi 3 dia. Su abogado mr Demis Illis a confirma esaki pa noticiacla diabierna anochi. E tabata encarcela riba sospecho di estafa (oplichting), y a keda deteni diamars mainta. Despues di un dia di interogacion e la keda encarcela y despues su detencion a keda prolonga cu 8 dia, cu ta e regla normal. Pero manera cu e portal aki a raporta tambe, esey no kier men necesariamente cu e persona ta keda cera pa tur 8 dia. E yiu di ex minister Otmar Oduber, cu ta e sospechoso principal den e caso aki, ta den libertad pero ta keda un sospechoso por lo pronto. No ta descarta cu lo tin mas detencion na caminda. 

A saca 149 bus electrico foi circulacion na Francia despues cu dos a pega candela
Source:  NoticiaCla
vrijdag 29 april 2022 17:49

PARIS – E compania di transporte publico Frances RATP a saca 149 bus electrico for di circulacion diabierna ora cu un di dos bus a pega candela den apenas algun siman di tempo.  E ultimo incidente a sosode diabierna mainta algo despues di 8’or di mainta den un caya den Paris. Ningun hende a sali herida, pero toch e compania a tuma e decision. “Ta di dos candela den menos cu un luna, di e bus di marca Bolloré, di e serie di Bluebus 5SE, e mensahe a bisa. Como precaucion, a saca e otro busnan for di circulacion, e compania a sigui bisa. E prome candela tabata dia 4 di April ultimo ora cu un otro bus a pega candela cerca di Notre Dame.  Potret cortesia REUTERS

Total di 8 hoben di formacion social a demostra nan famia kico nan a siña den 4 siman intensivo
Source:  NoticiaCla
vrijdag 29 april 2022 17:16

ORANJESTAD - Despues di 4 siman di programa intensivo di Formacion Social, e 8 hobennan a topa bek cu nan famia y duna nan un demostracion di kico tur nan a siña. Sigur un momento cu emocionnan mixto pa e hobennan y mayornan, cu un alegria di por wak otro bek y un orguyo di por demostra e progreso desplega. Loke tawata sorprendente ta e metamorfosis cu e hobennan a pasa den dje den asina poco tempo. Un ehempel palpido ta e momento cu nan mester a cambia di "tenue" den 4 minuut of menos, y e mayornan por a wak cu nan a laga nan cambernan nechi nechi atras den menos di 2.30 minuut. Pañanan nechi nechi dobla. Na ultimo nan a wordo sorpresa cu nan mag bay cas pa e fin di siman aki.

<< < Vorige 1 2 3 4 5 6 7 8 9 Volgende > >>