VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

SOGA a ricibi ayera 26 miyon florin pa proyecto di hospital sigui
Source:  AWEMainta
woensdag 12 mei 2021 01:48

Gabinete Wever Croes of mihor bisa Gobierno di MEP, ta masha sensibel den e dianan aki den campaña electoral ya cu ta tratando na nada negativo bin den publicidad y ta core drecha cualkier asunto cu bin dilanti y cu no ta sirbi interes di e partido den campaña.

Den edicion di diamars AWEMainta a publica e caso di e proyecto di Dr. Horacio E. Oduber Hospital caminda e contratista, OHL a manda tur trahador cas, y a para tur trabao tambe di e sub-contratistanan, ya cu nan no a wordo paga dor di SOGA, mientras cu di su parti SOGA no por a paga e contratista ya cu Gobierno no a duna aprobacion pa traspasa placa p’e institucion aki cu ta encarga cu supervision di e proyecto di renobacion y expansion.

Ayera den curso di dia AWEMainta a wordo poni na altura cu Gobierno di MEP a manda e suma di 26 miyon pa SOGA p’asina por sigui cu e proyecto, cu lo ta otro situacion di conflicto  y di mal maneho cu a ser hiba pa Gabinete Wever Croes. Gobierno no tin mucho interes pa finalisa e proyecto di HOH, pasobra ta un proyecto di AVP.

Apesar di e obra financiero cu sin duda ta un alivio grandi p’e trahadornan di e contratista OHL y p’e propio hospital mes, ta lanta e pregunta ta ki tipo di maneho esaki ta, caminda practicamente tur cos mester ta regla y tin cu cana sin problema algun.

Sinembargo no ta prome biaha cu tipo di cosnan asina ta pasa cu Gobierno di MEP aki cu ta bolbe duna indicacion cu pueblo di Aruba tin un Gobierno cu no tin vision y no tin plan di maneho cu ta sirbi interes general di e pais.

Ta bin acerca cu ayera a anuncia un biaha mas cu prijs di gasolin ta bay subi, anto pa colmo bou di e Gobierno cu a priminti y a duna siguransa na pueblo na 2017, cu e lo percura pa pueblo haya gasolin mas barata pa cumpra loke tabata un di e tantisimo engañonan di e Gobierno aki.

Ta mesun Gobierno aki na 2017 a anuncia cu lo haci un investigacion grandi pa actonan coruptivo den e proyecto di hospital, pero te dia di awe nada a bin afo ya cu Gobierno en realidad no tin nada di haber cu ehecucion di e proyecto ya cu esaki ta cay totalmente bou encarga di SOGA, pero si e Gobierno aki a demostra cu den casi cuater aña, e no por a logra na concretisa e proyecto aki. E placa traspasa ayera ta duna seguridad pa trabounan sigui te cu fin di 2021 y despues lo mira kico mas falta y sin tin mester di mas placa pa finalisa cu e proyecto.


Ministerio Publico ta actuando manera un grupo di militar den un dictadura
Source:  AWEMainta
woensdag 12 mei 2021 01:47

Un criminal, asesino of atracador, ta figuranan cu mas Ministerio Publico ta protega for di comunidad, ya cu durante transporte di e hendenan aki, nan ta wordo proteha y aleha for di bista di principalmente prensa, mientras cu otro hendenan cu wordo deteni, si por wordo expone manera ta haya ta bon.

Dialuna mainta a detene un oficial halto den servicio di Aeropuerto, caminda a bay na pia di su trabou, den un lugar cu ta colma di hende y eynan ta cana sali cu e señora aki, geboei den bista di tur hende, pone subi den e vehiculo di transporte di hendenan deteni, mescos cu ta trata di un delincuente sin escrupulo.

Algun ora despues ta bin sali na cla cu detencion di e señora aki riba ordo di Ministerio Publico, no tin nada di haber cu algo cu lo a comete den su funcion na Aeropuerto pero como ciudadano comun e coriente.

Ayera mainta, Ministerio Publico a emiti su declaracion cu ta bisa: E sospecho contra sra. ta complicidad na ladronicia y estafa. El  a wordo deteni n’e manera cu el a wordo deteni dor cu e tabata (segun rutina) red flagged na frontera y Grenspolitie a actua automaticamente y detene.

El a wordo laga bay relativamente liher, pasobra el a duna tur claridad durante verhoor y no a mira motibo pa tene mas largo. Investigacion no ta cla ainda, pero e ta alvast liber pendiente e investigacion.

Segun Ministerio Publico, e caso aki no tin di haber cu su trabao na Aeropuerto, unda e ta ocupa puesto di Recurso Humano.

AWEMainta den pasado caba a yega di cuestiona con Polisnan ta detene ciudadanonan cu wordo haya den violacion di e ley di toque de queda, ta hinca e hendenan aki den boei, ta expone nan detencion den cantidad di medio di comunicacion, mientras cu ta trata di hendenan cu no ta violento y kendenan no a comete un crimen atros.

Tambe den pasado AWEMainta a cuestiona y critica e forma con Polis ta detene un chofer cu su nivel di consumo di alcohol ta halto ora cu el a wordo para pa un control di trafico y nan tambe ta wordo poni den boei y trata manera un criminal grandi, pa despues di algun ora nan wordo laga den libertad.

Hopi di nan a sufri consecuencianan grandi na prome lugar p’e eror cu nan a comete di core auto c’un nivel halto di alcohol den nan sistema ya cu ora cu nan doño di trabou mira  nan potret den medionan di comunicacion, nan ta wordo kita for di trabou  ‘op staande voet.’

Tin ciudadano cu a sufri consecuencia di e eror aki pa resto di nan bida, caminda henter nan bida ta cambia y hopi di nan ta dicidi di hala for di bida publico ya cu e forma con nan a wordo expone manera un criminal durante di nan detencion, tabata devastador.

E señora deteni na Aeropuerto ta un persona di edad halto, kende ta duna e impresion cu nunca el a spera di haya su mes trata den e forma aki, apesar cu e ta wordo sospecha pa un delito si esaki ta berdad, cu por wordo considera menor.

Ministerio Publico den hopi caso asina, ta solicita e ciudadano pa pasa na Warda di Polis caminda nan ta ser ricibi pa oficialnan di Recherche, kendenan ta trahando riba un of otro keho pero ultimo tempo  Ministerio Publico, ta actuando manera gruponan militar den un varios dictadura cu ta conoci rond mundo, hibando hendenan mescos cu nan ta un criminal grandi.

Te na ora cu Ministerio Publico no tin suficiente prueba contundente c’un ciudadano lo a comete un of otro delito, nan no tin derecho di mishi cu credibilidad di un ciudadano di e forma aki, ya cu si nan envolvimento den un of otro caso no wordo proba, e hendenan aki ta wordo perhudica malamente dor di e sistema dictatorial aki.

Kisas en berdad e señora deteni na Aeropuerto lo por a haci su mes culpabel pa un of otro delito den su bida priva y no na su trabou, pero simplemente e persona no ta mustra di ta un persona cu mester ta den boei of cu e lo por duna autoridadnan dolor di cabes ora cu nan solicita na su persona, p’e bin aden pa duna declaracion durante di un investigacion. Como e tabata na punto di biaha, a dicidi di detene.

Aruba tin un comunidad chikito, caminda practicamente tur hende conoce otro y un acto asina, na su lugar of no, ta crea daño ireparabel na un of otro persona y tin ora sin cu esaki tabata necesario.


AZV ta informa cu ta mantene den practica e Lista Positivo cu tabata valido dia 31 di januari 2021
Source:  AWEMainta
woensdag 12 mei 2021 01:46

Manera ya tabata conoci, entrante 1 di april 2021 a bay na vigor e cambio di ley den e Lista Positivo, esta e lista di remedi cu ta wordo cubri via AZV. Esaki den cuadro di e instruccion di Gobierno di Aruba y Hulanda pa AZV cumpli cu e reduccion di gastonan den sector di cuido.

Entre tanto a tuma accion pa prepara esaki y anticipando riba e cambio di ley pa bay bek n’e situacion anterior, ta mantene e Lista Positivo manera cu esaki tabata dia 31 di januari 2021.

Kico e ta nifica pa e asegurado?

Esaki ta nifica cu entrante 1 di mei bo persona no ta wordo confronta mas cu e informacion cu lo mester paga pa remedi por ehempel pa motibo cu esaki a bira un categoria di ‘Cuido Propio’ of “OTC� (Over The Counter). Tur remedi lo bo ricibi manera custumber, conforme e Lista Positivo di 31 di januari 2021.

Kico e ta nifica p’e dunador di cuido?

Den practica e ta nifica cu ta mantene e Lista Positivo manera e tabata conoci riba 31 di januari 2021.


Ministerio Publico ta insisti pa forma parti di maniobranan politico
Source:  AWEMainta
woensdag 12 mei 2021 01:45

Cu gran sorpresa Ministerio Publico a anuncia diabierna siman pasa, cu el a ricibi copia di e raport di “Forensic Services Caribbean, cual raport a wordo traha riba peticion di Conseho di Comisario di Refineria di Aruba NV, relaciona cu maneho financiero hiba pa gerencia di e compania.

E ta un sorpresa ya cu ta lanta e pregunta di con Ministerio Publico, cu ta ricibi cantidad di raport, ta anuncia cu el a ricibi esaki, pero den otro casonan e no ta ni menciona of  duna publicidad n’esaki y como tal e ta mustra di ta otro indicacion dor di Ministerio Publico, di kier forma parti di maniobranan politico.

Ta bon pa mustra aki, cu Ministerio Publico no ta papia cu e Conseho di Comisario actual di RDA, a entrega un keho oficial cerca e institucion aki y e mesun raport a wordo entrega na Parlamento, pero ningun caminda ta papiando di lo inicia c’un peticion oficial pa investiga e caso aki.

Ki mishi Ministerio Publico ta anuncia cu e lo studia e raport y lo bay dicidi despues si ta trata di hechonan castigabel y kende lo wordo marca como sospechoso den e caso aki, pero en realidad esey no ta trabou di Ministerio Publico, pero ta bin resulta cu Ministerio Publico ta bira mucha manda di e Conseho di Comisario di RDA, ya cu ta e conseho aki t’esun cu ta supervise e maneho di gerencia di RDA y ta nan tin cu determina si e ex Director a hiba un maneho contra reglanan existente y e ora Conseho di Comisario tin cu entrega un keho oficial na Ministerio Publico.

Awor Ministerio Publico ta actuando net “andersom� ya cu ta nan ta bay studia e raport pa despues mira kendenan lo bay over na detene den future, mientras cu e actual Gobierno di MEP, ta sigui trata di usa e raport aki como asunto politico pa campaña.

Ta mas cu claro cu hopi hende ta kere cu Ministerio Publico ta maniobrando pa algun aña caba den e arena politico, ta actuando den un forma asina bisto dunando e impresion cu nan ta sirbiendo un of otro interes politico y ta algo cu simplemente no ta su lugar y ta algo di condena severamente.

Na mes momento e declaracion di Ministerio Publico aki cu e lo bay studia e raport forensico di RDA, ta confirma cu e Conseho di Comisario di e compania aki ta incapacita pa haci nan trabou mientras cu ayera mainta fraccion di MEP a caba di confirma cu henter e raport aki ta un tipo di circo politico orkestra pa un Gobierno di MEP.


Parlamentario y Presidente di Partido MEP, Hendrik Tevreden, A pidi pueblo pa vota cu e reto nos dilanti na mente
Source:  AWEMainta
woensdag 12 mei 2021 01:43

“Den e eleccion aki mester pensa riba e realidad nobo cu Covid a forsa nos di crea

 y tin e curashi di dicidi cua partido lo por trece nos na destino cu nos merece,â€� segun Hendrik Tevreden.

Cada eleccion ta duna pueblo e oportunidad di scoge e destino cu e merece, dor di vota p’e partido cu lo mester traha den nan bienestar pa e siguiente 4 añanan. Dia 25 di juni 2021 Aruba lo haya e chens di scoge e Gobierno cu lo por carga e responsibildad enorme di pone Aruba bek riba caminda di resiliencia, progreso y stabilidad cu e pandemia di Covid-19 a interumpi.

Ta un hecho cu como pais, Gabinete Wever- Croes a pone nos isla riba e bon rumbo pa sali for di un deficit enorme cu nos tabata aden y crea stabilidad. A baha costo di bida ahustando nos canasta basico, a baha prijs di coriente y a bin cu un presupuesto ideal pa balansa nos finansanan. Pero inesperadamente Covid-19 a dal mundo completo y nos mester a confronta e realidad di un caida drastico den entrada for di sector turistico.

Esey, y hopi otro factornan, a trece cune e necesidad pa re-dirigi fondonan financiero interno pa duna sosten social-financiero na nos pueblo y puntra Hulanda pa sosten financiero pa completa nos esfuersonan.

A cambio di reformanan structural na Aruba, e Gabinete Hulandes a acorda cu Aruba, cu Hulanda lo ofrece respaldo de liquides, es decir ayudo financiero. Y lo inverti den varios area di desaroyo na Aruba. 

Fuera di esey, tambe lo duna apoyo continuo di liquides na Aruba pa cubri e escasez cu a surgi como resultado de e crisis di Corona. Cu e meta aki a establece un organismo di reforma y desaroyo yama COHO- Caribisch Hervormings- en Ontwikkelingsorgaan. COHO lo desaroya e reformanan hunto cu e Ministerionan di Aruba y lo consulta cu tur partnernan relevante y necesario. 

“Como Presidente di e partido cu pueblo a duna e mandato na 2017 pa goberna Aruba formando un coalicion, mi ta sintimi obliga di percura pa pueblo scoge a base di informacion corecto, transparente y relevante pa cu futuro di nos pais. Y ta pesey mi kier hunga un rol grandi den percura pa pueblo no vota sin sa kico COHO- nos acuerdo cu Hulanda- kier men y kiko e reto nos dilanti realmente lo ta.â€� 

Tevreden ta indica cu riba 25 di juni benidero, Aruba mester vota pa un Gobierno cu no ta bin cu promesanan bashi, pero cu ya caba ta cla pa ehecuta un programa cu por wordo realisa teniendo cuenta cu aspectonan den e landspakket. Un Gobierno cu ta cla pa sigui enfoca riba trece Aruba bek riba e caminda di stabilidad y progreso pa tur.

“Ta net den un eleccion, partidonan ta bin cu promesanan grandi pa pueblo. Pueblo ta kere nan y despues ta keda desiluciona. Si pueblo no sa kico ta posibel pa nan futuro, nan lo scoge a base di un promesa bashi.�

Mirando nos situacion actual, e pueblo votador merece promesanan concreto y ful transparencia riba kico berdaderamente ta warda nos. E partido cu Aruba mester y merece lo ta un cu lo por sigui maneha e relacion cu Hulanda di tal forma cu COHO hamas y nunca lo asumi e podernan di Parlamento, e Gobierno y e organonan gubernamental di Aruba. Fuera di esey, Aruba tin mester y ta merece un Gobierno cu por sigui cu e mesun velocidad y eficacia di Gabinete Wever-Croes pa baha e efectonan di e pandemia riba nos economia y pone nos hendenan bek na trabao y nos pais bek riba e caminda di stabilidad den tur sentido.

“Mi no por ni kier dicta pa ken pueblo mester vota, pero mi kier pueblo puntra su mes: Partido MEP a demostra cu nan tin e curashi y e abilidad di saka nos for di e efectonan negativo di Covid. Esaki ta refleha e condicionnan cu nos a bin cu ne ora cu nos a negocia cu Hulanda. Esaki t’e tempo pa cambia rumbo of sigui riba e caminda corecto cu MEP a crea caba?�

Tevreden ta amplia cu den e eleccion aki mester pensa riba e realidad nobo cu Covid a forsa nos di crea. Nos mester tin e curashi di dicidi cua partido lo por trece nos na destino cu nos merece.


Website di Codigo di Proteccion ta online y accesibel pa tur profesional
Source:  AWEMainta
woensdag 12 mei 2021 01:42

Dia 1 di april di e aña aki e Decreto Nacional di Codigo di Proteccion a drenta na vigor. Dialuna 10 di mei 2021 Minister Glenbert Croes conhuntamente cu e team dinamico di Codigo di Proteccion, bou liderasgo di coordinador nacional di implementacion di Codigo di Proteccion, Sue-Ann Ras, a lansa e website di Codigo di Proteccion, cu lo fungi como un herment principal pa tur nos profesionalnan den veld.

Codigo di Proteccion ta un di e proyectonan cardinal y un di e logronan grandi di Sociaal Crisis Plan.

Kico ta e Ley di Codigo di Proteccion?

E Ley di Codigo di Proteccion ta un plan di 5 paso, unda ta describi con un profesional mester anda cu e señalnan di (sospecho di) abuso di mucha.

E motibo pa introduci Ley di Codigo di Proteccion

E casonan di abuso di mucha na Aruba ta preocupante. Y no por descarta cu e Tratadonan Internacional como tambe nos leynan local, e.o. netamente e Tratado Internacional di Derecho di Mucha (art. 19) ta obliga nos como pais pa tuma tur medida necesario y adecuado, huridico y gubernamental pa protega nos muchanan contra tur forma di e.o. violencia fisico y mental.

Banda di esey tin e raport di UNICEF for di 2012, cu a indica bon cla cu nos pais ainda no ta cumpli cu e tema di proteccion di nos muchanan contra tur forma di abuso. Un raport cu a keda scondi y neglisha! E suceso lamentabel y tragico di abuso di mucha na 2017.

Kico Ley di Codigo di Protecciion ta encera

E articulonan relevante di Buki 1 BWA ta articulo 243, cual ta na vigor desde 1 di juni 2019. Articulo 243 ta indica e.o. kico ta compronde bou di abuso di mucha y cu mester apunta un instancia cu lo fungi como e AMK of e ‘Advies-, en Meldpunt voor Kindermishandeling’. Bureau Sostenemi ta apunta como e Advies en Meldpunt Kindermishandeling (AMK) pa Aruba.

Articulo 243 d ta ofrece un base di delegacion (delegatiegrondslag) pa elaboracion di e reglanan di Codigo den un Decreto Nacional (Lbham), cual a drenta na vigor desde 1 april 2021.

E regulacion di e pasonan di Codigo ta encera tambe cu mas grupo di profesional cu ta traha cu mucha, ta obliga pa sigui e pasonan di Codigo di Proteccion, ora nan tin preocupacion, señal of sospecho di abuso di mucha.

COLABORACION AUGEO Y UNICEF

Dos partner importante den henter e proceso di desaroya e website tabata Augeo Foundation y UNICEF NL. Ambos partner a brinda nan sosten y ayudo tecnico, pa Aruba por tin un website relevante y atractivo den contenido pa e profesionalnan na Aruba. Ambos partner di Hulanda ta sumamente orguyoso cu e desaroyo y lansamento di e website. Manera Augeo Foundation a indica den su video, e nomber Codigo di Proteccion ta un excelente escogencia, paso e ta referi na brinda proteccion y seguridad na nos muchanan.

E website di Codigo di Proteccion ta specialmente dedica na tur nos profesionalnan den 4 sector: Social, Enseñansa, Husticia y Salubridad Publico. Nan por haya mayoria informacion tocante Codigo di Proteccion y henter su implementacion y desaroyo.

E website tin diferente tab cu por klik riba dje, p’asina bo keda informa y hasta tin e seccion di haci test di Codigo di Proteccion, como tambe e preguntanan frecuente y nan contestanan. Por bishita nos website www.codigodiproteccion.com


Na april ocupacion di hotel tabata 36% menos cu na 2019
Source:  AWEMainta
woensdag 12 mei 2021 01:41

Aruba Hotel & Tourism Association (AHATA)  ta acumula e cifranan di ocupacion y prijs di hotelnan tur luna, y  CEO di AHATA Tisa LaSorte, ta raporta cu grado di ocupacion na April 2021 a crece compara cu Maart pa yega 52.7%. 

APRIL 2021:

Ocupacion: E grado di ocupacion tabata 52.7%; un crecemento di 45% compara cu maart y un reduccion di 36.2% compara cu april 2019. Na april 2020 Aruba su frontera tabata sera. 

ADR: E balor averahe di cada kamber bendi tabata $246.96, cual ta 14% menos cu na 2019.

RevPAR: E entrada averahe pa tur kamber disponibel tabata $130.08, representando un reduccion di 45% compara cu 2019.

PROYECCION:

Ta proyecta mas mehoracion den luna di mei cu un ocupacion averahe di 58%. Expectativa pa ful aña 2021 su ocupacion ta  keda 55%, cual ta 35% menos cu ocupacion di 2019.

TIMESHARE:

Ocupacion na propiedadnan Timeshare tabata 74% na april y proyeccion pa mei ta 74%.


Ami no lo produci material personal nobo pa campaña 2021
Source:  AWEMainta
woensdag 12 mei 2021 01:40

“Durante e programa Conecta cu Nos – Bachi un Banda – di fraccion di MEP cu a pasa riba Facebook dia 25 di maart 2021 mi a informa di mi decision di no produci material personal nobo p’e campaña aki. Un decision cu ami tabatin cla tuma asina cu e keda anuncia cu lo disolve Parlamento y lo yama eleccion mas tempran. Un decision cu mi ta haya logico y cu tabata hopi facil pa tumaâ€�, asina Shailiny Tromp-Lee a anuncia.

Pakico mi no lo tin material nobo?

“Mediante e comunicado aki mi kier splica e motibo di mi decision, pasobra mi ta keda acerca pa material dor di votadornan. Aruba ta den un pandemia cu a pone hopi famia den un situacion hopi delicado y fastioso. Hopi mama y tata di famia a perde trabou of parti di nan entrada.

No ta pasa un dia cu nos como politiconan y pueblo mes ta comenta di e situacion cu nos ta aden. Cifranan sigur ta demostra esaki caminda ainda tin casi 4000 persona ta ricibi FASE, alrededor di 20.000 hende ta ricibi subsidio di salario y más cu 25.000 hende ta depende di bon of pakete di cuminda.

Pues na mi opinion awor no t’e momento pa hinca placa den cosnan inecesario y sin ningun balor pa nos pueblo. Mi ta prefera di sigui ta solidario y sigui yuda esnan den necesidad unda cu mi por. Algo cu mi a bin ta haci prome y durante di pandemia� Shailiny Tromp-Lee a reitera.

Ban reuza y recicla

“Pesey mes mi ta carga e campaña di nos partido pa reuza y recicla. Partido lo bay produci algun material no costoso cu candidatonan por duna esnan cu ta desea y ta keda na cada candidato pa dicidi pa nan mes encuanto material personal.

Mi ta convenci cu hopi hende tin den nan cashi, algo di MEP warda, y si esey no t’e caso, chens ta grandi cu lo tin algo geel y cora pa por mustra color y sosten (si asina ta desea). Ban uza nos creatividad. Na final… GEEL y CORA e mester ta!

Hunto nos ta avansa y trahando hunto nos ta logra mas�.


Departamento di Aduana a tene ceremonia pa honra su empleadonan cu nan promocion y cambio di insignia
Source:  AWEMainta
woensdag 12 mei 2021 01:39

Diabierna 7 di mei ultimo, Departamento di Aduana a host un ceremonia pa su empleadonan cu a ricibi nan promocion. Un total di 8 empleado consistiendo di 5 colega Douanero y 3 colega administrativo a ricibi nan decreto gubernamental  y cambio di insignia p’e siguiente rango den nan carera. Particularmente, tres persona a ricibi nan promocion y cambio di insignia p’e rango di Hoofdkommies-Verificateur der Invoerrechten en Accijnzen.

Un persona a ricibi su promocion y cambio di insignia pa rango di Hoofdkommies der Invoerrechten en Accijnzen 1ste klasse A. Un persona a ricibi su promocion y cambio di insignia p’e rango di Kommies der Invoerrechten en Accijnzen 1ste Klasse. A promove 3 trahador cu rango administrativo pa nan siguiente rango.

Gerencia y Staf di Departamento di Aduana ta felicita tur colega cu nan promocion y ta desea tur hopi exito den nan carera y cu Dios duna nan sabiduria y perseverancia pa sigui brinda bon servicio na comunidad di Aruba.


Sali dilanti s.u.v. sin duna preferencia a laga chauffeur herida den un accidente na Tanki Leendert
Source:  Awe24
woensdag 12 mei 2021 00:02

Diamars anochi a drenta informe di un accidente cu hende herida na Tanki Leendert. Mesora a dirigi tanto polis como ambulans na e sitio. Na yegada di e patruya a bin compronde cu un pick-up maneha pa homber edad lo a sali for di Matadera, subi caminda net dilanti un SUV maneha pa dama cu tabata bin for Tanki Leendert direccion Tanki Flip y a accidenta. Na yegada di e ambulans nan a atende cu e victima y a transporte pa hospital.


<< < Vorige 1 2 3 4 5 6 7 8 9 Volgende > >>