VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Aruba a registra 257 caso positivo di Covid19 e siman aki
Source:  NoticiaCla
vrijdag 29 april 2022 16:28

ORANJESTAD - Segun resumen semanal di awe diabierna, 29 di April,  267 persona a recupera den e siman aki y un total di 257 caso nobo di COVID-19 a keda registra.  E cantidad di casonan activo di COVID-19 pa awe ta 118 y cantidad di fayecidonan relaciona cu COVID-19 ta 212. Datos ta ilustra casonan nobo di COVID-19 cu un averahe semanal di 37 caso positivo pa dia y un averahe di 'Positivity rate' semanal di 44% pa dia.  Actualmente na Aruba tin 4 persona interna cu of debi na COVID-19 di cual den ICU tin 1 persona y riba piso general tin 3. Na Colombia tin actualmente 2 persona den ICU y 1 riba piso general.

Aruba Bank:No tabatin intento pa horta placa di ATM na Paradera
Source:  NoticiaCla
vrijdag 29 april 2022 16:06

ORANJESTAD – Aruba Bank diabierna atardi a aclaria cu loke mester tabata un posibel, intento pa horta placa di un ATM di e instituto na Paradera, no tabata e caso. “Awe mainta nos a tuma nota cu a publica informacion di un posibel intento pa horta placa na un ATM di Aruba Bank na Paradera” e banco ta cuminsa bisa. “ E incidente a wordo investiga y a determina cu no ta trata di intento di ladronicia” e banco a sigura pa medio di un comunicado. “Nos ta spera cu e informacion adhunto ta trece claridad ariba e publicacion.” e banco ta finalisa bisando. 

Recherche a detene muher Colombiano pa soborno
Source:  NoticiaCla
vrijdag 29 april 2022 14:56

ORANJESTAD - Enconexion cu caso di andando di soborno ( Tuma placa pa regla permiso ) di cual ya den prome siman di april a detene un hende homber di inicialnan R.K. naci na Curacao, ayera recherche Oranjestad a detene den mesun caso e muhe di inicialnan N. B.D. naci na Colombia di 51 aña di edad. Recherche Oranjestad ta pidi si tin persona cu a duna un di e sospechosonan aki placa pa supuestamente regla un permiso di estadia of pa permiso di trabou pa nan por pasa libremente na oficina di recherche Oranjestad ( DAR1) na Wayaca y entrega keho.  Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nan ta garantisa cu bo ta keda anonimo. NOTA: E imagen ta uno generico. 

Entrante dialuna menornan di 21 aña no por cumpra cigaria mas na Aruba
Source:  NoticiaCla
vrijdag 29 april 2022 11:14

ORANJESTAD – Manera ya caba ta conoci, Aruba lo bay conoce e implementacion di “Landsverordening Beperking Tabaksproducten (AB 2016 no.41)”, e implementacion di e ley ta drenta na vigor dialuna 2 di mei 2022. E ley aki ta un ley cu a keda aproba unanimamente den Parlamento di Aruba di 26 di october 2021. E ley aki ta bay prohibi tur menornan di 21 aña pa cumpra, uza of pa traha den areanan cu ta bende productonan di tabaco. Den cuadro di e plan nacional di prevencion Ministerio di Salud Publico conhuntamente cu Departamento di Salud Publico ta dedica na mehora e calidad bida, servicio y salud di Aruba su comunidad. E ley cu ta limita e uzo di poductonan di tabaco ta un di e aspectonan importante den Aruba su plan nacional di prevencion den salud. E ley ta importante, mirando cu uzo di sigaria ta dañino no solamente pa persona cu ta huma cual ta 13% di e populacion di Aruba riba 20 aña, pero tambe pa es(nan) cu ta den cercania. Articulo 3: Doño di trabou ta responsabel pa proteha su empleadonan for di huma di sigaria den edificio of espacionan di trabou. Den e articulo aki ta stipula cu tur doño di trabou lo mester adapta nan lugar di trabou na un manera cu nan empleadonan no ta bin den contacto directo cu e humanan di productonan di tabaco durante nan 8 ora di labor. Den otro palabra e area di huma no por ta e area caminda e empleadonan ta traha.  Tambe si acaso tin un area designa pa huma esaki mester tin un bon ventilacion.  E articulo aki tambe lo bay wordo controla pa Dienst Warenkeuring en Higiëne (DWH) y lo bay tin un multa pa incumplimento di ley aki. E articulo 3 ta pa proteha e trahadornan di e huma di productonan di tabaco na pia di trabou. Den e articulo 3 lo tin algun excepcion, esaki ta pa por ehempel ora ta trata di salon (lounge) di ciga y/of hookah (waterpijp). Tin restaurantnan tambe cu tin e tipo di salonnan aki den nan. E tipo di establicimentonan aki lo mester pidi un excepcion (ontheffing) na Minister di Salud Publico. Despues di analisa e caso y segun consehonan e mandatario ta dicidi si e caso en particular ta haya e ontheffing si of no. Ministerio di Salud Publico ta pidi empresarionan pa tene bon cuenta cu articulo 3 cu ta un articulo cu tey den e ley di tabaco pa proteha e clase trahador su salud na pia di trabou. Si tin algun pregunta y pa mas informacion yama of pasa libremente na Departamento di Salud Publico (DVG).

Na Corsou, servisio di ‘ground handling’ Hato lo por keda paralisa
Source:  NoticiaCla
vrijdag 29 april 2022 10:34

WILLEMSTAD - Den e fin di siman ku ta drenta aki komunidat, i partikularmente esnan ku ta biaha lo por haña nan mes konfrontá ku un situashon fèrfelu, esei pa motibu ku nan ta kore e riesgo ku nan ekipahenan lo no ser atendé. Tin chèns ku empleadonan di “ground handling”, den e kaso aki dje kompania Swissport Cargo, lo bai den akshon. Esei EXTRA por a komprondé for di un kòmbersashon ku e presidente di UGTK/Cadmu, sr. Wendell Muelen. Segun sr. Muelen, e situashon lo por bira unu ferfelu bèrdat pa motibu ku ta e grupo aki ta atendé ku maleta i algun otro servisio di karga, kual lo por keda paralisá, ku tur e konsekuensianan ku esei por trese kuné. Segun sr. Muelen, tin algun tempu kaba, for di yanüari por sierto, ku e sindikato ta negoshando un kontrato kolektivo pa su miembronan di Swissport, pero gerensia di e kompania no ke kita for di nan posishon. Un dje puntonan prinsipal ku ta negoshando ta salarionan. Tin un kantidat grandi for di e grupo di 70 empleado ku tin basta aña trahando, ku un entrada ku no ta surpasá fl. 1.700.- pa luna, pues e salarionan ta hopi abou i e ta kere ku lo por duna algu mas. Ta solamente trahadónan ku tin hopi aña di servisio tin salarionan ku ta surpasá dos mil florin pa luna. Tin pago abou, siendo ku e trahadónan mester ta disponibel for di 5or di mainta te 10or djanochi pa atendé ku kargo di avionnan ku yega. Nan ta traha asina duru ku nan boka di traha a bira nan kas, pasobra nan ta pasa mas aki ku na nan kas mes. Aworakí partidonan ta na mesa ketu bai i no por sali afó. Sindikato a pidi 7% di oumento, i asta a mustra disponibilidat pa baha na 6%. Pero gerensia ta para riba 3% i no ke kita for di e posishon ei. Nan ke un oumento konforme subida di kosto di bida, pero e realidat ta ku finalmente e salarionan ei ta hopi abou. Si bai duna un oumento di akuerdo ku nan proposishon, e trahadó lo bai kas ku un oumento di apénas fl. 50.-, i na momentu ku kita belasting for di dje e lo keda para mes kaminda òf te asta bai atras. Segun sr. Muelen, komo sifuera no ta basta esnan den tòp di gerensia ta bai fo’i Kòrsou, poniendo ku tin di negoshá ku hende na distansia te na Trinidad. Pero nan ta para riba nan punto pa motibu ku ni airopuerto ni haf ta kai bou di Areglonan Laboral. Nan lo por tin un rason pero komo sindikato e ta konsiderá ku partidonan ta den un negosiashon, i e lo keda para riba e punto di oumento salarial. NOTA: Texto ta scirbi den Papiamento fonetico di Corsou. 

KLM a anula decenas di buelo debi na multitude di hende na Schiphol
Source:  NoticiaCla
vrijdag 29 april 2022 10:31

SCHIPHOL – E aeroliña hulandes KLM a cancela decenas di buelo debi na e multitude di hende na Schiphol. Te na e momento aki no ta conoci si e unico buelo pa Aruba awe, cu ta poni pa yega atardi, tambe ta cancela. Te awor e ta poni riba e itinerario di yegada di aeropuerto. Un vocero di e aeroliña a bisa cu e buelonan a wordo kita como prevencion riba e lista, pa alivia e presion di trabou. E aeroliña ta evalua sim ester anula mas buelo.    Diahuebs Schiphol a avisa aeroliñanan pa cancela buelo deb na e anticipacion di multitud di hende. Ta evaluando con pa cambia buelo pa un otro ora pa reparti e peso.  

Comportacion di cacho no tin nada di haber cu e rasa, segun estudio
Source:  NoticiaCla
vrijdag 29 april 2022 10:26

AMSTERDAM – E rasa di un cacho casi no tin influencia riba e comportacion di e bestia. E rasa no ta determina p.e. si e bestia ta ‘bon mucha’ of ta agresivo, segun conclusion di investigadornan mericano ta raporta den e revista Science. Scientificonan di e.o. Universidad di Harvard y Massachusetts, a investiga e DNA di 2155 cacho y a tene un encuesta entre 18.385 doño di mascota. Den average, apenas 9% di e comportacion ta deriva di e rasa di e cacho, segun conclusion di e investigadornan. Esaki ta cuadra cu mas otro estudio.   Rasa di cacho ta fisicamente hopi cla pa distingui. Un cacho di rasa Danes, ta grandi y un chihuahua, ta chikico. Hopi biaha ta kere cu e rasa tambe por determina e comportacion di e cacho. Esaki no ta asina, segun e estudio. “Ta hopi posibel cu bo por tin un cacho cu no ta cuadra cu e idea cu e hende tin di e rasa ey”.     

Quota Aruba a reparti suma grandi entre 13 fundacion, organisacion y instancia
Source:  NoticiaCla
vrijdag 29 april 2022 08:00

ORANJESTAD - Dia 26 di April ultimo Quota International of Aruba a tene su anochi di Donacion. Durante e evento aki Quota a reparti un suma total di Afl. 35,000.= entre 13 fundacion, organisacion y otro instancia aki na Aruba.  E anochi di Donacion tawata posibel danki na e esfuerso di e comision di Donacion di Quota, bao guia di  e Presidente di e comision, sra. Alexia Semeleer. E comision a analisa y investiga tur peticion y asina a yega na e 13 institucionnan cu a ricibi un donacion. Durante e periodo di Covid, no tawata posibel pa Quota organisa nan evento di custumber pa recauda fondo, pero apesar di esaki a logra hasi un bunita donacion danki na e contribucion personal di miembronan di Quota. E evento tawata un exito rotundo y a tuma luga na e bunita localidad, Cas di Brenchie. Durante e anochi aki e diferente instancianan a haya e oportunidad pa elabora ariba e trabao cu nan ta haci pa e comunidad di Aruba y a indica di ki forma lo hasi uzo di e donacion ricibi. Quota International of Aruba ta un organisacion boluntario di ehecutivonan femenino cu ta yuda instancianan cu ta traha cu personanan cu limitacion di oido y habla, hende muhe y muchanan den situacionan di abuso y esnan mas vulnerabel den nos comunidad. Alavez, Quota International of Aruba, ta pidi comunidad henter pa keda pendiente pa e promoción pa e evento di fund raising cu pronto lo bay tin mas informacion ariba esaki. Di es manera ey Quota International of Aruba por crea fondo pa duna bek na organizacionnan den nos comunidad cu tin mester sosten

Telefon pa hubentud: Nos ta akinan pa nos yiunan
Source:  NoticiaCla
vrijdag 29 april 2022 07:58

ORANJESTAD – E grupo di Telefon pa Hubentud a raporta cu for di 29 di maart te cu 26 di april ultimo 6 tata a participa na e proyecto Best Dad Ever. Best Dad Ever a ta un proyecto caminda durante 10 sesion tatanan ta traha ariba nan habilidadnan pa ta un mihor tata di locual cu nan ta caba. Best Dad Ever ta stimula e participacion di hende homber den educacion di nan yiunan.  ESTUDIO Estudio haci na Aruba na 2012 a mustra cu e relacion entre tata y yiu na Aruba lo ta zwak. Esaki a pone cu Fundacion Telefon pa Hubentud Aruba a laga haci un estudio mas profundo pa asina aki haya un mihor bista di kiko tatanan ta pensa di nan rol den educacion di nan yiunan. Un di e resultadonan di e estudio ta cu tatanan kier ta mas involucra cu educacion di nan yiunan. Esaki a pone cu Fundacion Telefon pa Hubentud Aruba a studia diferente ‘best practices’ na Hulanda, Canada, Merka y Latino-America y despues a desaroya Best Dad Ever.   BEST DAD EVER Hunto cu Tienda di Educacion a cuminsa duna Best Dad Ever na e prome 7 tatanan na 2018, y despues un grupo di 11 tata y un grupo di 10 tata den 2019. E aña aki Fundacion Telefon pa Hubentud Aruba y Tienda di Educacion a ser aserka pa Centro Hoben y Famia pa asina aki ofrece un grupo di 6 tata Best Dad Ever. Dia 29 di maart a cuminsa cu e grupo di 6 tata y a termina ariba diamars 26 di april.  Durante 10 sesion a trata diferente tema. Temanan cu ta parti di e sesionan ta por ehempel: Impacto di un tata, Embaraso, Nacemento, Planea famia, Duna cuido, Necesidad y derecho di mucha, Violencia, Genero y Division di cuido. Otro partnernan cu tambe tawatatin un rol durante algun di e sesionan ta Famia Planea, psicologo Johnny Boekhoudt y partera Stephanie Daal. E 6 tatanan cu a participa a termina cu un certificado como mustra di nan participacion na Best Dad Ever y a fortalece nan abilidadnan y a añadi abilidadnan nobo pa asina por ta un mihor tata ainda.             Pa mas informacion tocante Best Dad Ever por tuma contacto cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: telhubentud@gmail.com of telefon 5886138/ 5884011.  

Detencion di yiu di ex minister, prolonga cu 8 dia mas pa caso Flamingo
Source:  NoticiaCla
donderdag 28 april 2022 17:20

ORANJESTAD – Detencion di e sospechoso J.A. Oduber den caso di Flamingo, a keda prolonga cu 8 dia mas awe. Tabata diamars cu Oduber a keda deteni mainta y despues di un dia di interogacion, a wordo poni ‘in verzekering’, cu ta nifica cu ta encarcela e persona pa 2 dia. Un huez comisario por dicidi sinembargo si ta suspende e encarcelacion mas prome. Mescos ta conta pa e 8 dianan aki. Oduber ta wordo sospecha di e cargo di estafa. E ta e di 3 persona den e caso aki cu ta deteni y ta yiu di e sospechoso principal, ex minister Otmar Oduber. 

<< < Vorige 1 2 3 4 5 6 7 8 9 Volgende > >>