VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Sali dilanti s.u.v. sin duna preferencia a laga chauffeur herida den un accidente na Tanki Leendert
Source:  Awe24
woensdag 12 mei 2021 00:02

Diamars anochi a drenta informe di un accidente cu hende herida na Tanki Leendert. Mesora a dirigi tanto polis como ambulans na e sitio. Na yegada di e patruya a bin compronde cu un pick-up maneha pa homber edad lo a sali for di Matadera, subi caminda net dilanti un SUV maneha pa dama cu tabata bin for Tanki Leendert direccion Tanki Flip y a accidenta. Na yegada di e ambulans nan a atende cu e victima y a transporte pa hospital.


THE HEALTHY WAY, eat healthy and eat smart with “THE HEALTHY WAY� healthy menu! YAMA MESORA!
Source:  Awe24
woensdag 12 mei 2021 00:00

THEHEALTHYWAY@SETARNET.AW
Ora bo yama bestel bisa cu ta riba awe24.com bo a wak e menu!

Make it a Combo: ?Lunch & Soup or Salad & Soup available Now 15,- awg ?


Aruba Lions Club ta lansa un disco compacto pa recauda fondo.
Source:  Awe24
dinsdag 11 mei 2021 23:59

ALC Band a wordo lanta despues cu Aruba Lions Club a organisa algun aña atras un actividad pa nos grandinan den e temporada di maart nos dia nacional, y a bai celebra den casnan di nos grandinan pone ambiente y reparti snacks cu cos di bebe pa tur presente incluyendo tur trahadornan di e casnan aki.
Despues di esaki e banda a sigui practica pa amplia nan repertorio y asina a presenta tambe na algun actividad di otro clubnan di servicio riba nos isla.
Na 2019 e grupo aki a biaha cu algun otro miembronan di ALC pa Orlando caminda tur aña ta tuma lugar un conferencia caminda tur e clubnan den nos zona ta participa cu ta Florida, Bahamas, Aruba, Boneiro y Curacao.
Akinan e peticion a drenta pa ALC Band por presenta e aña aki 2021 atrobe y pa esaki a cuminsa prepara un repertorio y alavez drenta studio pa cuminsa graba un produccion musical.
E problematica di e pandemia a hasi cu e grabacion y preparacion a tuma poko mas tempo cu normal a na februari 2021 a finalisa e projecto aki.
Mientrastanto a keda warda e luna di april pa biaha pa Orlando pa e conferencia aki, pero lamentablemente esaki no por a continua mirando cu e situacion di e pandemia no a duna e oportunidad pa hasi esaki.

Aruba Lions Club Band a warda e momento oportuno jega awor pa asina lansa e CD aki cu 12 tema musical varia cu musica clasico, popular conoci pa mayoria y toca den estilo tipico caribense manera; Potpuri di merengue, Señorita di Pietermaai, Jambalaya, Calypso Medley, Cerezo Rosa / Solamente una vez, Potpuri di tumba, Dugu Dugu, Joe, El Bodeguero, Yellow Bird / Jamaica Farewell, Basha awa bai, Mi esposa.
Hunto cu e produccion aki a logra pa graba un videoclip cu lo sirbi tambe pa promove e disco aki localmente y internacionalmente serka e otro Lions clubnan den exterior.
Esaki por ser mira libremente riba nos pagina di facebook of tambe riba youtube.
E contribucion pa e CD aki ta solamente 25 florin y bo ta ricibi un CD pa alegra bo hogar, bo negoshi of toca den bo auto, pa regalo y alavez ta contribui cu ALC unda cu bo aporte ALC por sigui juda nos comunidad.

E CD aki ta obtenibel serka tur miembro di Aruba Lions Club y por contact nan tambe via e pagina di facebook na Lions Club of Aruba.
Por manda un whatsapp na 7301214 y laga bo nomber y adres y nan por jega pa deliver esaki.
Aruba Lions Club ta aprecia cada un contribucion y ta sigur cu abo lo aprecia e dushi musica.


Informe di un homber maltratando un muher den auto a bin resulta un simple pleito cu discucion.
Source:  Awe24
dinsdag 11 mei 2021 19:47

Diamars atardi a drenta informe di cu lo tin un pareha ta pleitando na Byronstraat, mesora a dirigi un patruya na e sitio. Na yegada di e patruya a bin compronde cu ya nan no tabata pleitando mas y cu e dama no tin golpi riba dje y no kier entrega keho y e homber cual si tabata tin rasca di huña riba su curpa pero tampoco kier entrega keho. Polis a papia cu ambos y a sigui nan patruya.


AZV: Ta mantene den practica e Lista Positivo cu tabata valido riba 31 di januari 2021
Source:  NoticiaCla
dinsdag 11 mei 2021 17:48

ORANJESTAD - Manera ya tabata conoci, entrante 1 di april 2021 a bay na vigor e cambio di ley den e Lista Positivo, esta e lista di remedi cu ta wordo cubri via AZV. Esaki den cuadro di e instruccion di gobierno di Aruba y Hulanda pa AZV cumpli cu e reduccion di gastonan den sector di cuido. Entre tanto a tuma accion pa prepara esaki y anticipando riba e cambio di ley pa bay bek na e situacion anterior, ta mantene e Lista Positivo manera cu esaki tabata riba 31 di januari 2021.  KICO E TA NIFICA PA E ASEGURADO? Esaki ta nifica cu entrante 1 di mei bo persona no ta wordo confronta mas cu e informacion cu lo mester paga pa remedi por ehempel pa motibo cu esaki a bira un categoria di ‘Cuido Propio’ of “OTC” (Over The Counter). Tur remedi lo bo ricibi manera custumber, conforme e Lista Positivo di 31 di januari 2021.  KICO E TA NIFICA PA E DUNADO DI CUIDO? Den practica e ta nifica cu ta mantene e Lista Positivo manera e tabata conoci riba 31 di januari 2021

Fredric Every como sospechoso lo pasa anochi den cel y riba cama di beton!
Source:  Awe24
dinsdag 11 mei 2021 17:19

Diamars atardi Landsrecherche a informa e sospechoso Fredric Every cu entrante awe e lo drumi riba cama di beton den cel na warda di polis como sospechoso di lo ta envolvi den e caso Avestrus. Un rato despues e oficialnan di transporte di C.E.A. (Cuerpo Especial Arubano) a yega na oficina di Landsrecherche pa asina nan hib’e cu escolta especial pa warda di polis unda e lo bay pasa su siguiente anochinan. Mescos cu e otro sospechosonan anterior te cu nan a ser hiba na K.I.A.


Partido ACCION21 ta e di 3 partido cu a logra firmanan necesario
Source:  NoticiaCla
dinsdag 11 mei 2021 16:33

ORANJESTAD – Partido ACCION21 ta e di tres partido politico cu a logra obtene e cantidad rekeri di 587 firma pa nan por participa oficialmente na e eleccion Parlamentario di 25 di juni proximo. Pa 4’or y 25, e lider di e partido Miguel Mansur a confirma cu nan a logra e cantidad y awor ta sigui pa campaña. Ta keda partidonan Curpa, HTC, Pueblo Prome, PPA, y UPP. Mas prome partido RAIZ tambe a logra nan cantidad diamars mainta. 

Departamento di Aduana a tene ceremonia pa honra su empleadonan cu nan promocion y cambio di insignia
Source:  Awe24
dinsdag 11 mei 2021 13:39

ORANJESTAD – Diabierna 7 di mei Departamento di Aduana a host un ceremonia pa su empleadonan cu a ricibi nanpromocion. Un total di 8 empleado consistiendo di 5 colegaduanero y 3 colega administrativo a ricibi nan decreto gubernamental y cambio di insignia pa e siguiente rango den nan carera. Particularmente,• Tres persona a ricibi nan promocion y cambio di insignia pa e rango di Hoofdkommies-verificateur der Invoerrechten en Accijnzen.• Un persona a ricibi su promocion y cambio di insignia pa e rango di Hoofdkommies der Invoerrechten en Accijnzen1ste klasse A• Un persona a ricibi su promocion y cambio di insignia pae rango di Kommies der Invoerrechten en Accijnzen 1ste Klasse.• A promove 3 trahado cu rango administrativo pa nansiguiente rango.

Gerencia y Staf di Departamento di Aduana ta felicita tur colega cu nan promocion y ta desea tur hopi exito den nancarera y cu Dios duna nan sabiduria y perseverancia pa siguibrinda bon servicio na comunidad di Aruba.


Den Companashi un candela a expande den un mondi yen trailer y causa hopi danjo na esakinan
Source:  Awe24
dinsdag 11 mei 2021 12:34

Diamars mainta a drenta informe di un candela na Companashi. Mesora a dirigi bomberonan na e sitio. Na yegada di e bomberonan nan a combati e candela. Bisiñanan tambe a purba di combati e candela cu slang.


Abuela cu nieta riba scooter a bay desvia pa cacho riba caminda y cay y resulta herida na Nuñe
Source:  Awe24
dinsdag 11 mei 2021 07:48

Diamars mainta a drenta informe di un accidente cu hende herida na Nuñe. Mesora a dirigi un patruya na e sitio. Na yegada di e patruya a bin compronde cu un abuela cu nieta riba scooter a bay desvia pa cacho riba caminda y cay y resulta herida. Na yegada di e patruya nan a atende cu e victimanan y a transporta nan pa hospital.


<< < Vorige 1 2 3 4 5 6 7 8 9 Volgende > >>