VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Forbes Magazine mustrando cu Aruba ta den top 10 destinacion pa biaha
Source:  Diario Online
zondag 25 april 2021 19:54

Si tur hende vacuna lo por hiba economia padilanti

ORANESTAD (AAN): No obstante e pandemia, poco poco e industria di turismo pa nos isla ta bayendo den un miho rumbo.  Desde e momento cu Aruba a bolbe habri su frontera pa turismo internacional na juli 2020 a bin ta enfoca riba recuperacion di nos industria, na un manera gradual pero man den man cu desaroyo di maneho di contagio di e virus.

   Esaki ta canando den bon caminda y e hecho aki ta grandemente mara na e vacuna. Diferente investigacion ta ilustra con mayoria di hende ta indica cu nan lo biaha ora nan ta vacuna.

   Segun un estudio recien conduci y publica door di e conocido revista di negoshinan prominente Forbes na Merca ta indica cu dos tercera parti di Mericanonan encuesta ta indica cu nan lo sinti nan mes comfortable pa biaha unabes cu nan ta ful vacuna. Ademas, di e top 10 destinacionnan pa biaha, Aruba ta number 3.

   Tambe biaheronan y socionan den turismo ta tene consideracion cu e grado di vacunacion di e destino cu nan lo bishita.

   Aruba Tourism Authority ta ricibi pregunta referente vacunacion na nos isla y con esaki ta canando. Tambe CDC na Merca, ekivalente na DVG di Aruba, ta monitorea tambe e grado di vacunacion di un pais (hunto cu otro factornan) pa asina yega na e nivel di risico di un biahe na e pais.

   Incluso den e mundo di turismo crucero unda cu por mira cu re-apertura di esaki ta sosodiendo cu pasaheronan y tripulante vacuna. Pues esaki a bira e solucion pa e industria aki por re-inicia.

  Mas di nos comunidad vacuna y mas rapido esaki sosode, mas beneficio e lo tin pa sector turistico, pa comercio, pa nos economia, pa cupo di trabao y seguridad na pia di trabao y pa bienestar di nos comunidad pa asina Aruba en general por hiba un bida mas normal y por elimina e restriccionnan gradualmente.

   E bishitante y nos socionan ta contento. Hendenan kier biaha bin Aruba, pues yuda bo mes, bo famia y yuda Aruba, simplemente door di sigui protocolnan y vacuna.

The post Forbes Magazine mustrando cu Aruba ta den top 10 destinacion pa biaha first appeared on Diario Online.

Un apelacion na tur doño di trabao pa duna nan empleadonan espacio pa bay vacuna
Source:  Diario Online
zaterdag 24 april 2021 14:44

Tisa Lasorte di AHATA:

ORANJESTAD (AAN): Tisa Lasorte, como e representante di AHATA (Aruba Hotel and Tourism Association) a haci un yamado na tur doño di trabao pa no solamente duna nan empleadonan espacio pa por vacuna e weekend aki.

Tambe ta pidi nan pa motiba nan empleadonan pa haya nan vacuna. Ta spera tambe cu tin algun compania cu ta dispuesto di haci promocion y haci otro tipo di motivacion of incentiva pa e personanan den comunidad bay vacuna y asina por tin un porcentahe mas halto di comunicacion den comunidad, a expresa.

Lasorte a agrega tambe cu ta spera cu tur e empleadonan, e dunadornan di trabao y comunidad kier bay vacuna pa proteha nan mes. “Corda cu e meta di mas grandi ta pa nos proteha nos mes”, a bisa.

El a bisa co orguyosamente e tin e certificado di vacunacion pasobra el a ricibi tur dos dosis y e ta spera cu tur hende tin e mesun meta di yega na e momento ey cu nan tin nan certificado tambe.

The post Un apelacion na tur doño di trabao pa duna nan empleadonan espacio pa bay vacuna first appeared on Diario Online.

Chef Matt Boland a retira di Hilton
Source:  Diario Online
zaterdag 24 april 2021 14:42

ORANJESTAD (AAN): Den fin di siman, Hilton Aruba Caribbean Resort a organiza un celebracion, como cu nan Chef Ehecutivo, e conocido Matt Boland ta retirando como cu e tin meta personal.

E ta apoyando su yiu Mikey cu a sigui cu su aspiracion culinario. Matt Boland a haya training extenso den cushinanan clasico Frances na Paris.

Na Aruba bao su guia, e steakhouse ‘Sunset Grille’ a bira un AAA Four Diamond Restaurant.

Dos restaurant na Aruba so tin e premio ey.

Na e actividad aki tambe a despedi di Chief Engineer Ramon Avila Perez, cu awor ta bay biba na Puerto Rico.

Gerente general Vasco V. Baselli a tuma despedida di nan.

The post Chef Matt Boland a retira di Hilton first appeared on Diario Online.

Nigel Matthew: “E trabao cu mi a haya tanto elogio pe no ta mi so a hacie�
Source:  Diario Online
zaterdag 24 april 2021 14:36

Un honor comparti cu e gran team cu a yude:

ORANJESTAD (AAN) – Meneer Nigel Matthew, ex-director di Colegio San Nicolas, cu evidente emocion a hiba palabra, en conexion cu e ceremonia oficial, di cambio di nomber di e scol pa “Colegio Nigel Matthew�.

Matthew a cuminza expresando: “Mi ta haya e cos di mas normal den bida, ora bo scoge un profesion, cu bo lo hacie cu pasion, cu full bo curazon y semper sea abierto pa conseho di otronan. E trabao cu mi a haci, cu mi a haya tanto elogio pe, mi no por a logre mi so; mi no a hacie mi so. Mi a traha semper cu un bon team, y mester bisa cu e honor aki tambe, mi kier comparti cu nan. Tur cu a yuda mi pone un fundeshi pa e scol por a bira realidad�.

Matthew ta kere cu ora un hende ta bezig haciendo su trabao e no ta conciente kico e ta haciendo. Esaki el a expresa door di e perfil cu coleganan a crea di dje. “Pero tanten hacie cu un huicio sano, y cu un bon curazon loke bo haci ta bon. No ta tur ora mi por a tuma e miho decisionnan, pero mi tabata den e posicion cu mester a hacie.

“ Para akinan, tin tanto cos ta pasa riba mi cabes, y personanan cu mi ta bisa ‘caramba’ mi mester ta agradecido cu mi tabata tin nan den mi bida y cu a yuda mi pa mi yega caminda mi ta akinan, y cu mi por aprecia tur cos cu mi por a logra� Nigel Matthew a indica.

Cu voz kibra, Nigel Matthew a expresa:

Un persona cu mester ta aki ta mi casa Jane. Pero manera tur hende bisa ami, e tey! E ta akinan cu nos�. Pues, no solamente e tabata un bon casa y mama di su yiunan, pero el a yude cu hopi cos, y cu e no tey e tin cu acepta. Cordando su señora cu hopi sentimento, Nigel Matthew a conclui su relato.

The post Nigel Matthew: “E trabao cu mi a haya tanto elogio pe no ta mi so a hacie� first appeared on Diario Online.

Studiantenan di Facultad di Hospitalidad y Turismo ta organisa varios evento dirigi na comunidad
Source:  Diario Online
zaterdag 24 april 2021 14:32

ORANJESTAD (AAN): Studiantenan di Universidad di Aruba (UA) facultad di Hospitalidad y Turismo (FHTMS) como parti di nan curso di “Events Management� ta organisando ocho proyecto pa comunidad den luna di april y mei.

Mision di nan facultad ta pa prepara studiantenan cu e conocimiento y abilidad pa eherce e rol di lider den comunidad y pa ta conciudadanonan di caracter den e industria global di hospitalidad y turismo.

E proyecto di servicio comunitario ta un ehercicio cu ta permiti e ocho (8) team nan di cinco (3-4) studiante aplica e conocimiento acumula di e teoria pa planea, organisa, y ehecuta un evento special pa recauda fondo pa un instancia den nos comunidad.

E meta di e proyecto “Community Service Project: Special Fundraising Event� ta pa desaroya e conocimiento y abilidadnan di e studiantenan, pero mas aun motiva y involucra nan pa duna bek na nos comunidad.

Den e auditorium di UA e gruponan a presenta nan idea / concepto na representantenan di Aruba CEDE Aruba, ECO DMS y miembronan di diferente instancianan cu nan lo yuda. Nan presentacion a inclui informacion di e instancia, motibo dikon a scohe esaki, tipo di evento, con lo mercadea e evento, recurso cu mester pa ehecuta (voluntario, cuminda, fondo, y mas). E meta tras di presentacion tawata pa nan ricibi feedback ariba nan evento y pidi sosten pa por ehecuta esaki.

“Cu e projecto aki kier logra pa e studiantenan pone den practica locual cu nan a siña durante e semester. Organisa un evento no ta algo facil, ta rekeri abilidadnan manera flexibilidad, creatividad, originalidad, bista pa detaye, initiativa, maneho di tempo, comunicacion, resolucion di problema y mucho mas. Como meta adicional tin pa purba stimula mas voluntario pa nos comunidad.� Sra. Jo-Anne Croes docente di e curso ta subraya.

E facultad completo ta invita pueblo di Aruba pa bishita e diferente eventonan y sostene nan studiantenan cu ta trahando duro y di curason♡ pa nos comunidad.

April 23:

Impact Café: School Edition at EPI organized for Heart Centered Leadership Foundation – Team Leader Cristian

April 23 & 24:

Snack Box Sale for Donkey Sanctuary – Team Leader Jose

April 27:

Workshop Virtual | Ban Cosecha cu Hof’i Bario Rancho! For Stichting Rancho – Team Leader Elena

Mei 1:

Snack Box Sale for Luna Foundation – Team Leader Elselyn

Mei 7:

Online Raffle for Fundacion Pa Nos Comunidad (FPNC) – Team Leader Jayen

Mei 8:

Online Gaming Event for Telefon pa Hubentud – Team Leader Kiwar

Mei 8 & 9:

Food & Toy Drive for Casa Cuna, Imeldahof & Centro Famia Criansa – Team Leader Michelle

Mei 9:

Online Raffle for Fundacion Respetami – Team Leader Jilianne

Facultad di Hospitalidad y Turismo di Universidad di Aruba ta reconoce e contribucion unico y strategico di e industria di turismo pa e desaroyo di Aruba y Caribe. Pa mas informacion di nan programa por bishita www.ua.aw of via facebook @UA.FHTMS

The post Studiantenan di Facultad di Hospitalidad y Turismo ta organisa varios evento dirigi na comunidad first appeared on Diario Online.

Ex militar Venezolano envolvi den asalto arma na un cas na San Nicolas
Source:  Diario Online
zaterdag 24 april 2021 13:12

Fiscal a baha pisa riba trio exigiendo entre 60 y 66 luna di prison pa e trio

ORANJESTAD (AAN) – Un ex militar Venezolano, R.B.E., kende tabata trahando pa gobierno Maduro ayera a scucha Fiscal exigi 66 luna di prison. Fiscal ta haya R.B.E., e Venezolano W.V.R. y e Colombiano biba na Aruba A.G.J. culpable di a haci un asalto arma na un cas na San Nicolas.      Ayera mainta tur tres sospechoso a presenta den sala di Corte di Husticia.

   Fiscal a acusa W.V.R., R.B.E. y A.G.J. cu riba 9 November 2020 a haci asalto arma riba e dama A.  Tambe Fiscal a acusa R.B.E. di posecion di un revolver riba 28 November 2020.

MENAZA POLIS

   R.B.E. tambe ta wordo acusa di a menaza dos agente di Polis cu morto riba 15 December 2020. E lo a bisa cu lo bin cu 15 granada di man y mata nan un pa un. Un di e agentenan a declara cu ora e tabata cana banda di e celnan na warda di Polis, Santa Cruz, R.B.E. a bisa cu si a yega di mata Polis na Aruba. Despues el a bisa cu e lo bin cu 15 granada di man. R.B.E. den Corte a desmenti di a menaza e agente di Polis y a bisa Hues cu e otro presonan lo a menaza Polis pasobra nan no a haya awa.

MALTRATO

   Fiscal a bisa cu A.G.J. tambe ta wordo acusa cu riba 30 Juni 2020, el a maltrata dos persona, su ex amiga cu su amigo. Ademas A.G.J. ta wordo acusa cu riba 17 Juni 2020 a destrui un auto y a menaza dos persona cu pegamento di candela y morto. Den Corte A.G.J. a admiti di a maltrata hende y destrui auto. El a bisa cu tabata su ex amiga C. y cos a bay for di man.

   Hues a puntra W.V.R. riba e asalto arma y el a admiti.

R.B.E. a desmenti di a haci e asalto. El a bisa cu el a bay busca placa cu hende debe y nan a dun’e un revolver cu no tabatin bala como pago. El a bisa Hues cu Polis a maltrat’e pa declara contra A.G.J. El a bisa cu nan kier a force duna declaracion y firma documento pero el a nenga.

A.G.J. tambe a desmenti. El a bisa Hues cu e no conoce nan y cu nan ta gaña riba nan.

ASALTO ARMA

   Hues a bisa cu e dama A. a bisa cu 6 homber a drenta su cas na San Nicolas, pidi pa placa. Tres di nan tabata arma y tabata papia Spaño. E tabata cu su yiu y nan a bent’e abao, pone paña na su cara y yiu. Nan a bay cu diferente articulo, joyas, boternan di bebida, for di cas.

PERSECUSION DI POLIS

Un bisiña a wak un auto y a corda e plachi di number. El a bisa Polis e plachi number. A base di esaki a haci investigacion y Polis a topa e auto tabata core den direccion contrario. Polis a duna e chofer señal pa para. El a para pero despues a sigui core.

A cuminsa un persecusion, pero na dado momento e auto a para y dos homber a sali core bay na pia. Den e auto a haya placa, mascara preto, algun boter di bebida alcoholico. A resulta cu e auto tabata gehuur y e plachi di number un persona a haci denuncia di ladronicia di plachi number.

DETENCIONNAN A CAY

Polis a interoga e dama Z. cu a huur auto. El a bisa cu e ta sospecha, Bryan, Jeffrey y un tal Maracucho lo a haci e asalto y cu Bryan y Jeffrey a huy bay Colombiano. Despues el a declara cu su ex amigo Bryan cu a huy bay Colombia a bisa cu nan a haci e asalto y con a reparti loke nan a haya.

   A base di investigacion, Polis a detene W.V.R. y el a bisa cu e idea a bin di e Arubiano A.G.J. y cu ta e Arubiano a core e auto. Na un cas na Piedra Plat a reparti loke a horta. Despues di a baha A.G.J. na su cas, Polis a para nan y nan a core bay na pia. W.V.R. a bisa Hues cu ta bou di presion di Polis el a reconoce A.G.J. riba potret. Tambe cu Polis a bis’e pa bisa cu e conoce A.G.J. y cu e ta esun Arubiano envolvi. El a bisa Hues cu e no conoce A.G.J.

EX MILITAR VENEZOLANO

   Despues a detene R.B.E. riba 29 November 2020 y e lo a bisa cu nan ta yam’e Maracucho. El a desmenti esey. El a bisa cu e ta ilegal y cu a yega di wordo saca 2 biaha y a bolbe den boto. R.B.E. a bisa Hues cu e ta un ex militar di Gobierno Venezolano y door di e situacion na Venezuela el a bin Aruba. El a bisa cu ta W.V.R. a yame pa busca nan pero e no tabata sa di nada. Ora cu e tabata cu nan den auto, Polis a para nan y nan a core bay. Hues a mustra cu R.B.E. na Polis a declara cu e tabata envolvi den e asalto arma y cu ta e Arubiano A.G.J. a bin cu e plan. El a mustra unda a busca A.G.J. Ta asina cu R.B.E. desmenti esaki tambe.

   Hues a bisa cu Polis a haya yamada anonimo cu A.G.J. ta envolvi. Dia 4 December 2020 a detene A.G.J. y W.V.R. a reconoce A.G.J. como e Arubiano cu a planea e asalto. A.G.J., den Corte, a desmenti di sa algo di asalto arma. Hues a mustra cu e amiga di A.G.J. a bisa cu A.G.J. a bis’e di e asalto arma y cu Polis a sigui nan. Segun A.G.J. e amiga a duna declaracion falso contra dje pasobra nan relacion a caba.

EXIGENCIA DI FISCAL

  Fiscal a bisa cu e ta haya legalmente proba e asalto arma. El a bisa cu e otro dos Jeffrey y Bryan a huy for di Aruba. E victima tabata den su cas cu un baby. Seis homber a drenta e cas y menaza. Tres di e asaltantenan lo tabata arma. Investigacion a conduci na detencion e tres sospechosonan.

  Fiscal a bisa cu e no ta duna importancia cu awor e sospechosonan ta desmenti siendo cu nan a duna declaracion detaya. Awor nan ta bisa cu nan a wordo forza pa declara contra A.G.J. Fiscal ta kere cu den KIA nan lo a wordo menaza. Ademas tin declaracion di e amiga di e sospechosonan kendenan ta bisa cu e sospechosonan ta envolvi den e asalto arma. Fiscal ta considera W.V.R., R.B.E. y A.G.J. complice di e asalto arma.

   Fiscal ta haya cu R.B.E. ta sinta ta gaña den Corte. Na opinion di Fiscal, no tin prueba legal di e menaza di e agentenan di Polis pasobra ta un agente so ta bisa esey. El a pidi Hues pa declara R.B.E. liber pa esey.

   Fiscal ta haya A.G.J. culpable di menaza, maltrato y destruccion di un auto.

Fiscal a bisa un hende mester sinti su mes sigur den su cas. E asalto arma ta un asunto hopi serio. Hendenan ta keda afecta pa añanan largo y hopi biaha no ta sinti nan mes sigur den nan cas. El a cuestiona e hecho cu ilegalnan ta bin Aruba pa haci asalto arma.

 Fiscal exigi 60 luna di prison pa W.V.R, 63 luna di prison pa A.G.J. y 66 di prison pa R.B.E. Hues awor ta bay studia e caso, teniendo cuenta cu defensa di e abogado y dentro di algun siman lo tin sentencia.

The post Ex militar Venezolano envolvi den asalto arma na un cas na San Nicolas first appeared on Diario Online.

Prome otorgamento predicado Real den e parti Caribense di Reino Hulandes
Source:  Diario Online
zaterdag 24 april 2021 13:10

ORANJESTAD (AAN): Su Mahestad Rey Willem-Alexander a otorga e derecho di hiba e predicado Real (predicaat Koninklijk) na e empresa Arubiano, Aruba Aloe Balm N.V.

Ta prome biaha desde introduccion di e predicado Real door di Rey Willem I na 1815 cu a otorga e predicado na un organisacion den e parti Caribense di Reino Hulandes.

Gobernador di Aruba, Su Excelencia Alfonso Boekhoudt, a haci entrega di e Certificado (Oorkonde) y Disposicion Real (Koninklijke Beschikking) relaciona cu e predicado, na e propietarionan di Aruba Aloe Balm N.V.

E predicado Real ta un condecoracion cu por wordo otorga na asociacion-, fundacion-, instituto- of empresanan grandi. E ta encera cu e organisacion por agrega e predicado Real na su nomber y cu por inclui e Corona Real den su logo.

E ta simbolisa respet, aprecio y confiansa di Su Mahestad pa e organisacion cu ta ricibi’e. E criterionan pa otorgamento di e predicado Real na e islanan Caribense ta igual cu na Hulanda. E organisacion por ehempel mester tin un importancia nacional y e mester existi por lo menos 100 aña.

E entrega oficial di e Certificado (Oorkonde) y di e Decreto Real (Koninklijke Beschikking) a tuma luga den Ballroom di Hilton Aruba Caribbean.

Despues di un discurso di Gobernador di Aruba, a desvela y haci entrega di e Certificado y Decreto na e propietarionan di Aruba Aloe.

Dos director di Aruba Aloe, Remko van der Veldt y Jacobus Veel seguidamente a firma e clausulanan relata na e predicado Real, den cua ta inclui entre otro e obligacionnan encuanto e derecho di por hiba e predicado.

Louis A. Posner (accionista) y Remko van der Veldt a gradici Gobernador di Aruba como representante di Rey Willem-Alexander, pa otorgamento di e derecho pa hiba e predicado Real.

Den nan discurso a elabora tambe riba establecimento di e organisacion, e desaroyonan di Aruba Aloe y unda e empresa ta para awor.

Pa Aruba ta un gran honor cu un empresa di Aruba, como prome di e islanan Caribense den Reino, a ricibi otorgacion pa hiba e predicado Real. Gobernador di Aruba ta felicita Aruba Aloe Balm NV cu e otorgamento special aki.

Potret: © Kabinet Gouverneur Aruba

The post Prome otorgamento predicado Real den e parti Caribense di Reino Hulandes first appeared on Diario Online.

Futuro di Aruba ta mustra prometedor y esaki ta mara na e vacuna
Source:  Diario Online
zaterdag 24 april 2021 13:08

CEO di ATA, Ronella Croes:

*Turistanan kier sa si e hendenan na Aruba tambe ta vacuna

ORANJESTAD (AAN): E CEO di Oficina di Turismo, Ronella Croes, a laga sa di algun di e motibonan pakico ta importante pa mayoria di hende den comunidad ta vacuna.

El a bisa cu e proximo lunanan ta mustra prometedor y e hecho ta cu esaki ta mara na e vacuna.

Si mira di un banda e bishitantenan y nan comportacion y kico e interes ta den e mundo di viaheronan, por mira cu e distribucion di e vacuna den diferente pais cu ta bishita Aruba, sigur ta dunando e personanan e confortabilidad di conduci un viahe y den e caso aki un viahe pa Aruba, a remarca.

Eynan caba ta wak e impacto positivo di e vacuna bao di esnan cu por scoge pa haci un viahe. Esaki ta ilustra den diferente investigacion tambe, Croes a señala.

El a agrega cu di otro banda tin bishitantenan cu si ta puntra mas informacion referente e proceso di vacunacion bao di e populacion di Aruba.

Esaki ta algo cu ta interesa nan y no solamente nan ta mira cu nan ta safe door di vacuna nan mes, pero tambe nan kier cu e hendenan na Aruba tambe ta vacuna.

Ronella Croes a sigui bisa cu esaki no solamente ta bin dilanti di e banda di e bishitantenan pero tambe di parti di e socionan.

The post Futuro di Aruba ta mustra prometedor y esaki ta mara na e vacuna first appeared on Diario Online.

Awe y mañan Arubus ta ofrece transporte pa esnan cu kier vacuna y cu ta biba den e barionan di FCCA
Source:  Diario Online
zaterdag 24 april 2021 13:06

Durante e ‘vacunathon’

ORANJESTAD (AAN): Arubus ta un di e partnernan cu ta dunando sosten pa asina e ‘Vacunathon’ cu ta tuma lugar awe diasabra y mañan diadomingo por ta un exito.

Nan a haya esaki un tremendo proyecto ya cu e deseo ta pa e pandemia aki ta algo cu ta keda tras di lomba mas pronto cu ta posibel, asina Sannin Daou, PR di Arubus a expresa.

Esaki ta e motibo pa cual mesora Arubus mesora tabata cla pa coopera.

El a bisa cu conhuntamente cu FCCA a dicidi di hunto yega na acuerdonan y traha rutanan hunto caminda cu por sirbi un mayoria di hendenan cu ainda no a vacuna durante e weekend aki.

E busnan di Arubus lo ta coriendo awe diasabra y tambe diadomingo.

Si bo ta biba den bario di FCCA y bo ta desea pa tuma e vacuna pero no tin transporte? FCCA lo tin bus disponibel pa bo persona y famia cu ta biba cu bo den cas (18+) bay vacuna.

Fecha: 24 di April of 25 di April 2021

Orario di pick-up: Cuminsando for di 10 am

Lugar: Wijkkantoor di FCCA – Gazebo/ Entrada di proyecto/ Parkeerplaats pa esunnan cu no tin wijkkantoor.

Valido exclusivamente pa e prome vacuna. Corda bin cu tapaboca, caarchi di AZV y percura pa mantene distancia social.

“Nos tin Arubus ta encurasha tur hende pa vacuna, pasobra nos tur kier yega na un normal nobo mas lihe”, Daou a expresa.

Lo colabora cu 20 ora di transporte. Si ainda bo a registra pa haya e servicio di transporte, acudi na e wijkkantoor di bo bario pa haya mas informacion riba e orario cu e busnan lo core awe y mañan, Jesselyne Winklaar di FCCA a indica.

 

The post Awe y mañan Arubus ta ofrece transporte pa esnan cu kier vacuna y cu ta biba den e barionan di FCCA first appeared on Diario Online.

AHATA ta honra ‘Earth Day’ cu un guia ‘Environmental Best Practices’ pa su miembronan
Source:  Diario Online
zaterdag 24 april 2021 13:04

ORANJESTAD (AAN): Pa conmemora ‘Earth Day’ AHATA ta distribui su guia di ‘Environmental Best Practices’ pa nan 123 companianan miembro, cu e meta pa motiva mas compania pa implementa practica di sosteniblidad.

Como un isla chikito den desaroyo, Aruba ta altamente vulnerabel na aumento di nivel di lama a causa di e fenomeno conoci como ‘Global Warming’ of cambio di clima.

AHATA su comision di medio ambiente a compone un guia di miho practica basico pa medio ambiente. E documento ta enfatisa e importancia di integracion di practicanan pa proteccion di nos medio ambiente y pa un comunidad mas sostenibel.

E guia ta ofrece diferente recomendacion basico riba conservacion di electricidad, reduccion di consumo di awa, maneho di desperdicio, participacion di comunidad, y respet pa nos naturalesa. E practica por worde introduci den negoshi di cualkier tamaño.

AHATA su comision di medio ambiente a worde funda door di Aruba su pionero di sosteniblidad, Ewald Biemans, aproximadamente binti aña pasa. E comision ta consisti di boluntario di companianan miembro, sector priva, y fundacionnan. Nan meta ta pa crea interes pa e 4 R-nan: Reduci, Reusa, Recicla y Reutilisa den e sector comercial, gobierno, y publico en general.

Un gradicimiento special ta bay pa Vanessa Rasmussen, presidente di e comison y Bucuti & Tara Beach Resort su Sustainability Manager, Nathaly Stanley pa lidera e produccion di e ‘Environmental Best Practices’.

AHATA tin speranza cu su miembronan ta tuma iniciativa pa bira embahador ambiental den nos comunidad door di implementa practicanan sostenibel y conhuntamente combati e menaza iminente di cambio climatologico.

The post AHATA ta honra ‘Earth Day’ cu un guia ‘Environmental Best Practices’ pa su miembronan first appeared on Diario Online.

<< < Vorige 1 2 3 4 5 6 7 8 9 Volgende > >>