VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

“Bale la pena� videoclip a wordo lansa!
Source:  Cool FM 98.9 Aruba
vrijdag 29 januari 2021 11:21

Tremendo videoclip ta wordo lansa conhuntamente cu Talentonan nobo manera Heidi Hansen y Rashid Wanga. Despues di traha riba e melodia di “No ta bale la pena� na Maart 23, 2020 Jeon a wordo inspira pa duna e oportunidad na dos talento pa canta hunto cun’e riba su cancion “Bale la pena�. E la comparti den su rednan social pa participa, talentonan lo mester publica un video nan mes cantando riba su melodia cu nan propio letra traha riba dje.  Jeon a keda soprendi di mira e reaccion di tanto talento di nos islanan Aruba, Boneiro y Corsou cu ainda no ta reconoci riba nos industria musical.

                                      

“Tabata hopi dificil pa scoge mirando tanto talento cu tinâ€�. – Jeon

 

Despues cu Jeon a anuncia cu e ganadornan final cu por sierto e la priminti cu lo bai riba su Album “Biggy Boy Forever�.   Un capitulo nobo a cuminsa pa ambos talento. Heidi y Rashid, despues di finalisa nan grabacion den studio. Nan a graba nan parti di videoclip pa cual esaki tambe tabata un experiencia unico pa nan. Esaki simplemente ta e comienso pa nan y ambos a expresa den na rednan social con agradecido nan ta pa por tin e oportunidad aki cua a yuda nan expande nan mes pa sigui crese.

 

“Awe mi por ta orguyoso dimi mes i sumamente agradesido na e eksperensia paso mi a krese komo persona tambeâ�¤â€�- Heidi

 

“Pues kiko por strobabu di ta e miho vershon di bo mes? Seconde nan ta kana… Believe in yourself!â€� – Rashid

 

E produccion aki di “Bale la pena� a wordo realisa na Patio 15 (Aruba) por medio di Reclight Production y na Corsou por medio di Ryan QD Navarro Bv. Jeon a expresa den su rednan social cu su gratitud na tur talento cu a participa pa comparti nan letra y talento. Na Heidi y Rashid, na henter e team cu a realisa e videoclip. Violinista Angela Flores, Patio 15 pa e bunita espacio. Tur su fansnan y tur esnan cu ta kere den dje y su proyectonan.

 

Jeon ta trahando riba hopi mas produccionan cual cu pronto un y tur lo descubri.

Por sigui Jeon den su rednan social.

https://www.facebook.com/arvanimuzic

Tik Tok: @Jeon_Arvani

IG: Jeon_Arvani

Youtube: JeonVevo

 

(Link di Videoclip: https://youtu.be/EFVQXsfiJA8 )

The post “Bale la pena� videoclip a wordo lansa! first appeared on Cool FM 98.9 Aruba.

RESIDENTE Y NO RESIDENTE CU TA BIAHA PA/FOR DI ARUBA: TUR GASTO DI TEST DI COVID TA PA CADA INDIVIDUO
Source:  Cool FM 98.9 Aruba
woensdag 27 januari 2021 08:43

ORANJESTAD – Cu e pandemia global di Covid-19 e situacion presente ta cambia frecuente, no solamente na Aruba pero tambe den e diferente mercadonan unda Aruba ta wordo representa.

 

Manera ta conoci, Aruba a bolbe habri su fronteranan poco poco y cu esey e medidanan pa cu nos bishitantenan a wordo ahusta- segun ta necesario y segun e protocolnan local y internacional ta exigi. Door di e desaroyo y cambionan continuo aki na Aruba pero tambe den nos diferente mercadonan, ta importante pa e informacion corecto wordo comunica na nos bishitantenan. A tuma nota di transmision di informacion INCORECTO bou di nos comunidad, unda cu ta indica cu e seguro di US$ 30.- obligatorio pa bishitantenan ta inclui e test na salida, cu ta un rekisito nobo institui pa gobiernonan Mericano y Hulandes.

 

Bishitantenan cu NO ta residente di Aruba ta paga un solo suma di US$ 30.- pa e asina yama Aruba Visitors Insurance cual ta cubri eventual gastonan pa nan estadia, transporte y test si acaso cu e bishitante wordo contagia cu e virus durante su estadia na Aruba. Ademas nan mester haci un test di Covid-19, 72 ora maximo prome cu nan yega Aruba of nan por opta pa haci e test na e test-center na nos airport na ora di nan yegada. Desde januari 2021 – e gobierno di Merca y tambe di Hulanda ta exigi pa esnan cu biaha pa nan pais haci un test di Covid-19 prome cu nan bolbe. E gastonan aki ta core pa cada individuo: e biahero pa Merca/Hulanda mes mester paga pa esaki y NO ta wordo cubri door di e ‘Aruba Visitors Insurance’.

 

Biaheronan residencia na Aruba cu ta bolbe di exterior mester paga pa nan test (aproba door di DVG) sea for di e destinacion cu nan ta bolbe pa Aruba maximo 3 dia prome cu nan yega pa Aruba of nan por opta pa haci e test na e test-center na nos aeropuerto mes. Tambe e mester haci su test pa bishita cierto pais y pa por drenta. En todo caso e gastonan di e test ta core pa e residente, pa kende e Aruba Visitors Insurance no ta valido.

 

Un di e retonan durante di e pandemia global aki ta uno di comunicacion, pues tin hopi informacion cu ta cambia cada rato. P’esey Aruba Tourism Authority ta haci un apelacion na nos comunidad pa bishita su website www.aruba.com pa asina keda informa cu e ultimo desaroyonan pa cu e exigencianan pa biahe pa Aruba pa cu nos bishitantenan. Asina por duna informacion corecto na nos bishitanenan of esnan cu ta desea pa bishita nos destinacion. Pa residentenan por acudi na www.arubacovid19.org.

 

E bishitantenan cu –apesar di e retonan cu biahamento actualmente ta trece cu n’e- toch ta scoge Aruba pa su estadia, ta merece pa e por wordo bon informa door di nos comunidad pa asina haci su biahe y estadia uno placentero. Bo sosten den mantene bo mes bon informa, den obtene informacion for di fuente factibel y den transmiti informacion corecto ta sumamente importante durante e crisis actual.

The post RESIDENTE Y NO RESIDENTE CU TA BIAHA PA/FOR DI ARUBA: TUR GASTO DI TEST DI COVID TA PA CADA INDIVIDUO first appeared on Cool FM 98.9 Aruba.

Inscripcion pa e estudio pa maestro di Enseñansa Primario ta cera 12 di februari 2021
Source:  Cool FM 98.9 Aruba
vrijdag 15 januari 2021 16:38

Bo kier aporta na e formacion di nos muchanan? Bo ta un persona cu por carga responsabilidad y traha independientemente of den ekipo? Bo ta curioso y creativo? Si e contestanan ta si, e ora e estudio pa maestro di Enseñansa Primario, cu IPA ta ofrece, ta e estudio ideal pa bo. E estudio pa maestro di Enseñansa Primario ta forma maestro cu ta cualifica pa duna les na mucha di scol preparatorio y/ of scol basico: un maestro cu ta funciona competentemente den klas, na scol y den un ambiente social.

Tin dos ruta pa por yega na haci e estudio di maestro di Enseñansa Primario, pa medio di:
1. diploma di sea havo, vwo of mbo nivel 4 (Si bo ta den examenklas di havo, vwo of mbo nivel 4 tambe bo lo tin cu inscribi di awo);
2. 21+ Toets. Inscripcion pa e 21+Toets a cera caba for di 12 di november 2020, dus no ta posibel mas pa inscribi pa 21+ Toets pa aña academico 2021-2022.

Bo tin diploma di sea havo, vwo of mbo nivel 4 of ta den examenklas y bo ta sinti bo yama pa haci e estudio aki y ta desea di inscribi? Bishita e website www.ipaaruba.com, bay na aanmelden y scoge pa beroepstest. Riba e pagina aki lo bo haya informacion general di beroepstest. Tambe instruccion pa loke ta trata procedura di inscripcion cu lo tuma luga online. Tuma tempo pa lesa e informacion pasobra esaki ta sumamente importante pa por facilita e proceso di inscripcion y preparacion pa haci beroepstest. E ultimo dia pa inscribi pa e estudio pa maestro di Enseñansa Primario ta 12 di februari 2021. Despues di e fecha aki no por inscribi mas pa aña academico 2021-2022. Tene na cuenta cu solamente studiante den examenklas of graduado di havo, vwo of mbo nivel 4 por inscribi pa e estudio pa maestro di Enseñansa Primario.

Pa mas informacion tambe por bishita nos website www.ipaaruba.com y si ainda bo tin cualkier pregunta, por tuma contacto cu Studenten Services na 5243100.

The post Inscripcion pa e estudio pa maestro di Enseñansa Primario ta cera 12 di februari 2021 first appeared on Cool FM 98.9 Aruba.

ART EXHIBIT- Soca Art- Raise your voice!
Source:  Cool FM 98.9 Aruba
vrijdag 15 januari 2021 11:27

Diasabra awor 16 di januari 2021, Cas di Cultura ta habri e exposicion di arte visual, “Soca Art – Raise your voice!â€�. Pa e ocasion special aki e artista Sharina Gumbs lo mustra su obranan di arte. E anochi lo cuminsa for di 7’or te cu 9’or di anochi y publico tambe por admira e exposicion aki te 4 di maart 2021. E exposicion aki  ta forma parti di un programa piloto experimental di exposicionan di Arte Visual na Cas di Cultura. Asina Cas di Cultura  ta contribui na e desaroyo di e infrastructura di Arte na Aruba.

Diasabra anochi 7or publico en general ta invita pa bin aprecia y forma parti di un evento unico. E artista, Sharina Gumbs lo ta presenta pa asina un y tur por mira y experencia nan obra, pero tambe pa por combersa cu ne.

Danki sigur tambe na Prins Bernard Cultuurfonds Caribisch Gebied cu ta subisidia parti di e programa aki durante e pandemia di Covid-.

Entrada pa e anochi aki ta completamente gratis y ta cumpli cu tur protocol di DVG. Ta pidi un y tur cu lo atende e evento aki pa bini cu tapaboca.

Pueblo di Aruba ta keda cordialmente invita pa bin disfruta di e exposicion “Soca Art- Raise your voice!�.

The post ART EXHIBIT- Soca Art- Raise your voice! first appeared on Cool FM 98.9 Aruba.

JEON ta lansa prome tema Internacional di aña 2021
Source:  Cool FM 98.9 Aruba
dinsdag 12 januari 2021 14:25

Despues di algun luna cu produccion a tuma lugar. Videoclip “Surfing� finalmente lo wordo lansa!

ORANJESTAD: Artista Cantante Carlos Arroyo cu ta firma bou di Record Label “Rimas� por cierto Record Label cu Bad Bunny  ta cay bou di dje, a colabora conhuntamente cu JEON den studio na Miami pa cu e cancion cu ta premira di ta un exito internacional “Surfing�.

Asina cu e produccion den studio a wordo finalisa, 17 di October 2020 Carlos Arroyo a bin di bishita na Aruba pa asina forma parti hunto cu JEON den e produccion grandi cu a tuma lugar na nos bunita lama, presenta cu colornan vibrante y alabez cu un ritmo musical moderno!

“Surfing� e tema aki su ritmo a wordo composita por medio di “Jhon Paul El Increibel� y JEON a realisa e parti di produccion.

JEON ta trahando riba diferente projectonan internacional

E videoclip aki seguramente lo hala su atencion cu su melodia ritmico, su colornan artistico y e combinacion dinamico cu e combo vocal aki so por realisa! “Surfing� a ricibi un apoyo inmenso caminda e equipo dinamico cu a realisa e produccion a keda sumamente agradecido y ta duna danki pa tur e sosten cu a ricibi di parti Cuerpo Policial Aruba, Elite Productions & Entertainment, Gianni’s Group Aruba, Anson Heavy equipment & Transport, Jason Fun, Issabeach Foodtruck, X Seasons Tent, Blue Highway, Hi Winds, Kooyman, Tropical Bottling Company, Magic Mango y Gigliola Designs.

15 di januari 2021 videoclip “Surfing� lo ta disponibel riba tur plataforma pa asina mundo henter por disfruta!

The post JEON ta lansa prome tema Internacional di aña 2021 first appeared on Cool FM 98.9 Aruba.

Cocolishi, coral y santo blanco cu ta patrimonio di Aruba nota permiti turistanan bandona Aruba cu nan
Source:  Cool FM 98.9 Aruba
vrijdag 08 januari 2021 08:43

ORANJESTAD, Aruba –08 januari 2021: Conforme tratado international di CITES, landsbesluit local Natuurbescherming Inheemse Flora & Fauna y e Zandverordening ta prohibi pa saca y exporta cocolishi, coral y/of santo blanco for di Aruba.

Ta resalta cu e ultimo lunanan douane ta interceptando basta turistan cu ta bayendo back nan pais, cu cocolishi, santo blanco y coral cu a saca for di nos naturalesa.

 

E cantidad abnormal di cocolishi, coral y santo blanco confisca ta mustra den direccion cu ta hende local mes ta ofrece y/of bendenan cu turista. Esaki ta contra ley y  tin como consecuencia un multa.

 

E accion aki ta duna un mal ehempel na turistanan cu ta pensa cu si un hende local mes por piki y bende e materialnan aki, nan tambe por bay piki nan mes, provocando un acto contra ley sin sa. Na airopuerto ta confisca e material y e turistanan ta haya nan mes confronta cu un multa pisa.

 

E sorpresa no agradabel aki ta duna Aruba un mal nomber den exterior. Specialmente awo den un temporada dificil unda cu ta net ora mas nos mester tuma responsabilidad pa mustra nos miho banda pa e turistanan. Esey ta inclui nos responsabildad pa respeta nos leynan y nos responsabilidad pa preserva y conserva nos recursonan natural.

 

Nos naturalesa ta pa disfruta y pa ofrece nos turistanan, nos mes y nos futuro generacion e placer di su beyesa unico. Algo pa ta orguyoso di dje y traha na conserve.

The post Cocolishi, coral y santo blanco cu ta patrimonio di Aruba nota permiti turistanan bandona Aruba cu nan first appeared on Cool FM 98.9 Aruba.

Aña ta bolter cu lansamento di Biggy Boy Forever Album sigui pa un Concierto Virtual
Source:  Cool FM 98.9 Aruba
donderdag 31 december 2020 11:36

JEON ta sopresa su fanaticonan anunciando cu pa clausura aña 2020 e ta lansa su Album tan spera “Biggy Boy FOREVER� 1 di Januari 2021 pa 12:00AM. Despues di hopi preparacion y dedicacion JEON ta inmensamente emociona pa lansa su Album Biggy Boy Forever! BBF Album ta encera un total di 22 cancion cu un colaboracion masivo entre 19 Artistanan Local y Internacional.

 

JEON a expresa den su rednan social cu e proyecto aki berdaderamente tabata uno hopi grandi cu e la traha cu hopi amor y cu e tin’e hopi cerca di su curason. Pa hopi tempo caba JEON tabata kier a lansa e BBF Album, pero den transcurso di aña e la dicidi di agrega mas cancion caminda e Album a bira uno extenso y mas grandi di locual cu tabata programa.

 

Cada cancion a wordo personalisa y traha cu e toke clasico cu nos tur conoce di Biggy Boy. E Album aki ta dedica na tur e fanaticonan romantico cu pa añas a pidi pa JEON trese un coleccion musical a la Biggy Boy.

  “E Album aki no por tabata real sin tur esnan cu ta kere den miâ€�. – JEON

 

Den celebracion habriendo aña nobo Jeon ta anuncia un otro sopresa.

Despues di tiro 2:00am pa 6:00am

JEON lo presenta “Stay Home Concert� part II

Asina aki un y tur por goza JEON su hitnan di mas grandi conhuntamente cu su cancionan bieuw y di mas nobo di Biggy Boy Forever Album.

JEON ta invita un y tur pa mira e concierto virtual por medio di su pagina di facebook: https://www.facebook.com/Arvanimuzic

Y por pre-save Biggy Boy Forever Album na e siguiente link: https://ffm.to/biggyboyforever

 

JEON tambe a expresa via su rednan social cu e ta inmensamente agradecido pa tur esnan cu por a haci e Album aki un realidad, cada dedicacion no ta sin wordo reconoci. Pa tur e apoyo di su Fanaticonan, su Famia, Team, Media, Miembronan di Prensa y pa tur esnan cu semper a apoye y kere den dje.

The post Aña ta bolter cu lansamento di Biggy Boy Forever Album sigui pa un Concierto Virtual first appeared on Cool FM 98.9 Aruba.

Hallo, COVID, bo t’ey?
Source:  Cool FM 98.9 Aruba
donderdag 17 december 2020 13:37

Sigur cu si, e dianan di fiesta ta acercando y COVID-19 t’ey man’e un clabo! Abo kier pasa bo dianan di fiesta malo of den cuarentena? No toch. P’esey mes corda sigui cuida bo curpa y esun di bo sernan keri y celebra na un manera safe. Aunke nos tin gana di celebra e dianan di fiesta ‘all out’ cu nos famia y amigonan, corda cu COVID-19 t’ey, e no a bay y e lo compaña nos ainda pa un tempo. Pa e motibo aki ta importante pa nos sigui practica e reglanan di higiena, distanciamento social, evita aglomeracion di hende y haci uzo di tapa boca, manera nos ta bin ta haciendo e ultimo 9 lunanan.

Den e poster adhunto por wak e puntonan cu mester keda tene cuenta cu nan durante dianan di fiesta, Pasco y Aña Nobo.

 

Bo tabata sa cu ora di nister un gota por yega te na 6 meter di distancia y te na 2 meter ora di tosa? Hasta ora un persona papia e ta saca gota chikito di scupi y esaki por yega te na 1 meter di distancia. Pa e motibo aki ta recomenda pa bisti bo tapa boca na momento cu tin mas cu 1 persona den un establecimento of ora cu no por mantene e 1.5 meter di distancia.

 

Si bo ta infecta cu COVID-19, hasta sin cu bo sa, e virus por wordo transporta den un di e gota via aire pa un otro persona. Si un di e gota aki cay riba un obheto of superficie y un persona mishi cu ne y pasa man na su wowo, nanishi of boca, e tambe por keda infecta cu e virus.

Virus di COVID-19 por sobrevivi 24 – 72 ora riba un obheto dependiendo di e superficie. Desinfecta e obhetonan cu bo ta uza cu frecuencia. Esaki ta conta tambe pa e regalonan di fin di aña cu bo kier comparti. Y corda ora di nister of tosa pa haci’e den bo elleboog y evita di mishi cu bo wowo, nanishi of boca.

Ainda COVID-19 t’ey mane un clabo! Nos no sa pa cuanto tempo mas, pero gusta of no nos mester keda mantene nos mes na regla di DVG cu pasenshi y disciplina. Sigur cu nos por!

The post Hallo, COVID, bo t’ey? first appeared on Cool FM 98.9 Aruba.

Mia Novi� says:
Source:  VicksWeb's Profile
zondag 29 november 2020 17:01

Dobar ve�er

Abstene di tabaco y alcohol y Boost bo Defensa!
Source:  Cool FM 98.9 Aruba
donderdag 26 november 2020 12:15

Na comienso di november Minister di Turismo, Salud Publico y Deporte, Departamento di Salud Publico y Plataforma Promocion di Salud a cuminsa cu e campaña “Boost bo defensa�. E meta di e campaña aki ta pa informa nos communidad con pa mantene curpa y mente saludabel den tempo di COVID-19.  E siman aki Departamento di Salud conhuntamente cu FADA ta enfoca riba e topico di uso di tabaco y alcohol y ki efecto e tin riba nos sistema inmunologico.

Mayoria persona ta consciente cu humamento y e uzo di alcohol ta custumbernan cu no ta saludabel, pero hopi no ta para keto na e daño cu esakinan ta causa. Tin asina hopi enfermedad cu ta ser causa door di humamento y cualkier cantidad of tipo di tabaco ta malo pa bo salud. Banda di huma, e uzo di alcohol tambe por trece problema medico grave. Alcohol no solamente ta afecta bo salud fisico pero e por afecta bo salud mental tambe y por haci bo dependiente di dje.

 

Tabaco

Di e 4000 kimico componente di tabaco, alrededor di 400 ta kimico toxico. E nicotina en particular ta loke ta sumamente adictivo. E teer ta consisti di miles di kimico, mayoria bes e teer ta bay na e slijmvlies di un persona. Por ehempel den nos “luchtpijp�. E trilhaartjes den nos “luchtpijp� tin e tarea di proteha y tene sushi afo. E teer ta haci e trilhaartjes nan menos fuerte y asina e sushi ta pasa di nos boca bay den nos “luchtpijp� directamente na nos pulmon. Esaki ta haci nos pulmon debil y e ta haci’e mas vulnerabel pa infeccion of malesa.

Monoxido di carbon ta wordo produci ora cu tabaco no ta kima suficiente. Esaki ta afecta e rosea di un persona hopi lihe. E Monoxido di carbon ta yega facil na e globula cora di un persona cual ta stroba e transporte di oxigeno den bo curpa.

Cualkier cantidad of tipo di tabaco ta malo pa bo salud, ademas di ta un factor di riesgo di cancer di pulmon, humamento por ta dañino pa tur organo den bo curpa provocando leukemia y cancer di riñon, pancreas, blaas, garganta y boca. Humamento por subi bo presion y colesterol.

 

Alcohol

Aunke cu e informacion con alcohol ta afecta COVID-19 en particular ta hopi limita te ainda, tin informacion suficiente cu consumo di alcohol por stroba e curpa di recupera di malesanan respiratorio. Alcohol ta afecta e pulmon y tripa y ta stroba e bon funcionamento di nos sistema inmunologico.

Consumo di alcohol ta conecta cu mas di 60 condicion medico y di salud mental cu por haci e persona mas vulnerabel pa haya complicacion di COVID-19.  Manera menciona akiriba e daño di alcohol ta bay mas leu cu e higra. E uzo di alcohol tin consecuencia a corto plaso, manera intoxicacion , mareamento, sacamento y vision wazig. E por tin consecuencia a largo plaso tambe, e por causa presion halto, diabetes, cancer y de   presion. Sin lubida cu si bo dicidi di maneha auto bou di influencia e por tin consecuencia grave.

Tin grupo di persona cu no mester bebe alcohol en absoluto. Esaki ta inclui hoben menor di 25 aña, hende muhe na estado, persona cu condicion di salud cu ta tuma medicamento pa motibo cu e por interactua cu e uzo di alcohol, persona cu ta rehabilitando di alcoholismo y persona cu ta batayando cu un problema di salud mental.

Sea conciente y no malgasta den droga, alcohol of humamento. Inverti den bo famia y den bo salud. Come saludabel, pasa tempo di calidad cu bo famia y haci ehercicio. Tur esaki ta mehora bo sistema di defensa.

Un curason contento, un famia contento, un pais contento.

Con abo ta boost bo defensa?

Pa mas informacion di e campaña ‘Boost bo defensa’ bishita e Facebook page di Departamento di Salud Publico Aruba.

The post Abstene di tabaco y alcohol y Boost bo Defensa! first appeared on Cool FM 98.9 Aruba.

<< < Vorige 1 2 3 4 5 6 7 8 9 Volgende > >>