VicksWeb upgrade Location upload ads trending
VicksWeb Aruba

Welkom bij VicksWeb™

Flag Counter

© VicksWeb Inc.

Over | Privacy | Hulp | Voorwaarden | Feedback | Beveiliging | Diensten

Atrobe auto a cay fo’i brug na Spaans Lagoen
Source:  NoticiaCla
maandag 27 januari 2020 02:19

ORANJESTAD - Awe dialuna madruga un poco prome cu 1or central di polis a wordo notifica di un accidente cu a tuma lugar probablemente un poco prome cu e brug di green corridor conoci como brug Gobernador Fredis Refunjol es. Ta trata di un nissan march color biña bayendo direccion abao cu pa un of otro motibo a cay for di e brug. Polis a yega na e sitio, tambe ambulance y materialwagen di brandweer. A pidi tambe pa polis di trafico y polis technico pa asina haci un investigacion pa por deduci kiko exactamente por a pasa . Den corto tempo a logra saca e ocupante masculino for di e auto . E la ricibi basta sla na su pianan. Despues a bay over pa saca e otro ocupante femenino cu tin basta sla na cabez y curpa. Tur dos a wordo transporta cu maximo urgencia pa hospital. Slachtofferhulp a wordo poni na altura .

Departamento di Salud Publico ta siguiendo di cerca e desaroyonan rond di e casonan di Novel Corona Virus (n-CoV) na China
Source:  Cool FM 98.9 Aruba
woensdag 22 januari 2020 08:08

Oranjestad, Aruba – 21 di januari 2020: Dia 31 di December World Health Organisation (WHO) a wordo notifica aserca di casonan di pulmonia cu tawata aumentando na Wuhan China, di cual e causante a wordo identifica como un Novel Corona Virus. E prome caso identifica a wordo epidemiologicamente relata na un seafood market den Wuhan China.

 

Señalnan comun di e infeccion ta sintomanan di e sistema respiratorio, keintura, tosamento, rosea cortico y dificultad pa hala rosea. Den casonan mas severo e infeccion por ocaciona pulmonia, sintomanan di e sistema respiratorio grave, problema di rion y asta morto. Casonan cu historia di biahe pa Wuhan a wordo señala den otro areanan di China, manera Beijing y Guangdong. Thailandia, Japon y South Korea tambe a raporta casonan. Informacion te na e momontonan aki ta indica un total di 205 caso señala pa laboratorio di 2019 n-CoV y 3 caso registra di morto.

 

Debi na e celebracion di Aña Nobo Chines cu dentro di poco ta bay wordo celebra, lo bay tin aumento den biahamento pa China, for di China y den China mes, unda e posibilidad pa aumento den casonan di transmicion ta grandi, pero te cu ainda WHO no a presenta ningun restriccion di biahe pa China.

 

Departamento di Salud Publico di Aruba ta bezig ta monitor desaroyonan internacional di cerca relaciona cu e Novel Corona Virus. Basa riba kico e Comitee Internacional di Emergencia dicidi, si ta declara e Novel Corona Virus un emergencia pa salud publico of un precupacion internacional, DVG di Aruba lo aumenta su vigilancia pa sintomanan respiratorio especialmente pa biaheronan prosedente di paisnan unda casonan a wordo raporta. Departamento di Salud Publico tin un plan pa contene infeccion causa pa un virus respiratorio y esaki lo wordo activa unabes cu señala un posibel caso di Novel Corona Virus na Aruba.

 

Como Departamento di Salud Publico nos lo keda informa comunidad debidamente riba e desaroyonan rond di e topico aki.


Dia di boluntario
Source:  Cool FM 98.9 Aruba
donderdag 19 december 2019 18:00

Danki na un grupo di boluntario, Biblioteca Nacional Aruba por brinda servicio na hospital. Dia 5 di december tabata ‘Dia di Boluntario’ rond mundo. A organisa un brunch special pa gradici y mustra aprecio na e grupo di  boluntario special aki.

Boluntarionan ta: sra. Adelaida Ponson, sra. Conny Peek, sra. Rosalie Celaire, sra. Sophie Semeleer, sra. Emma Croes, sra. Emparatriz Perdomo, sra. Marianne de Klerk, sra. Frida Figaroa, sra. Ingrid Paulina y sra. Yolanda Wolters.

Nan ta pasa tur siman diamars cerca e pashentnan y ta ofrece nan revista pa lesa y e corant “Diario”, cu ta un donacion di Matutino Diario. Biblioteca Nacional Aruba ta gradici tur cu, di un manera of otro, ta yuda duna e servicio aki na 2019.

Biblioteca ta spera cu por conta riba e apoyo di su grupo fiel di boluntario na 2020. Felis dianan di Pasco y un Prospero Aña Nobo pa nos comunidad, ta e deseo di e boluntarionan.


10 tips tocante alimentacion durante dianan di fiesta
Source:  Cool FM 98.9 Aruba
donderdag 19 december 2019 12:30

ORANJESTAD, Aruba –19 december 2019: E temporada di Pasco y fin di aña ta un ocasion pa reuni cu famia y amigonan. E celebracionnan semper ta bay acompaña cu cuminda y snacks. Cuminda di e temporada aki ta specialmente traha pa nos come hopi di dje of pa nos come mas biaha di dje durante dia. Asina nos ta facilmente yega na, of surpasa e cantidad cu nos mag di come y esaki tin como consecuencia cu nos ta subi di peso y por causa malestar di stoma.

Nos ta come facilmente 3 biaha mas cu lo normal y esey ta traduci na aproximadamente 6000 kcal pa dia! Imagina cu den combinacion di falta di actividad fisico nos por subi 1kg cada 2 pa 3 dia durante e temporada aki. No solamente e cuminda den exceso ta e ‘problema’ tambe e cantidad aumenta di sucu y vet den e cuminda y bebida ta menos saludabel.

Kinan ta sigui un par di tip con pa deal cu e dianan di fiesta y asina sigui/yuda cu un estilo di bida saludabel:

  1. Ta importante pa mantene un alimentacion balansa durante henter e aña, pa cualkier festividad. Percura pa come suficiente fruta cu berdura hunto cu tur e otro cuminda pa asina no falta vitamina, mineral y fibra cu ta esencial pa nos salud.
  2. Mantene oranan fiho di tempo di cuminda. No salta un cuminda pero intercambia esaki cu un snack saludabel (fruta, yoghurt abou den vet of crackers integral) prome cu un cuminda grandi di fiesta.
  3. Tene na cuenta e porcionnan di cuminda. Por ehempel ora di come estilo buffet ta duna oportunidad pa controla e cantidad di e cuminda y porcion di alimento. Yena mita tayo cu salada y berdura, un kwart cu e carni of pisca y e otro cuart cu aros, batata of pasta.
  4. Scoge of cushina e alimentonan cu un forma di preparacion mas saludabel ora di come afor. Algun forma ta horna, a la plancha (den un panchi cu tiki azeta so), herbi, gesteamed, etc. Pa salada pone e dressing na banda y scoge uno di un base ‘clear’ enbes di un di crema (esaki ta conta pa sopi tambe).
  5. Reduci e cantidad di bebidanan cu sucu (of alcohol). Bebe 1 of 2 refresco of juice y e durante e resto di dia bebe suficiente awa.
  6. Come slow y kauw bon. Segun investigacion ora nos come consciente nos ta sinti yen mas lihe y nos ta come menos. Sin laga afo cu nos ta disfruta mas di e cuminda y nos curpa ta probecha miho di e nutrientenan
  7. No stop cu e actividad fisico. Movecion ta sumamente importante pa nos salud y ta yuda controla e peso
  8. Stop di come ora bo ta sinti yen. No come forsa pero pidi pa hiba e cuminda cas pa come un otro dia of comparti cu un otro hende. Tambe por nenga cuminda of snack dunando un compliment: “e ta mustra hopi dushi pero mi ta hopi yen�.
  9. Prepara cuminda y snacks na cas den un forma mas saludabel. Enbes di usa hopi mayonaise usa of combina esaki cu yoghurt pa preparacion di salada. Usa forma di cushina manera horna, a la plancha (den un panchi cu tiki azeta so), herbi, gesteamed, etc.
  10. Come y disfruta di e cuminda festivo pero controla e frecuencia y cantidad.

No mester sinti ‘guilty’ despues di a come un cuminda festivo pero si ta importante pa actua cu moderacion!


Servicio di GKMB a ricibi mashin di fumigacion nobo
Source:  Cool FM 98.9 Aruba
donderdag 19 december 2019 10:18

ORANJESTAD, Aruba –18 december 2019: Gele Koorts en Muskieten Bestrijding a ricibi ayera dos mashin nobo pa combati sangura. Esaki ta un inversion di mas of menos 45 mil florin cu Minister di Salubridad Publico a haci pa por sigui combati y preveni malesanan transmiti door di sangura.

E mashinnan ta di marca Igeba cu ta produci na Alemania y a wordo entrega door di nan agencia na Aruba cu ta DAL pestcontrol. Ta trata aki di dos aparato di cual e prome mashin ta un ULV (Ultra Low Volume) aerosol generator. E meshina aki ta uza volumen halto di aire na un presion abou pa transforma pesticida likido den drupelsnan cu por wordo distribui den e admosfera. E di dos mashin ta un Thermal fogger cual por produci gran cantidad di huma di pesticida cu ta wordo uza pa fumigacion.

Ambos aparato lo wordo usa ora tin hopi molester di sangura den bario nan of ora tin alerta di outbreak di malesanan transmiti door di sangura manera por ehempel Dengue, Zika y Chikungunya. Ambos mashin por wordo usa tambe pa combati e sangura preto cu ta sangura di mangel, comun den e area di savaneta y Pos chiquito.

Cu yegada di e dos mashinnan aki e personal di GKMB ta hopi contento pasobra nan por sigui eherce nan trabou, solamente awo den tempo mas cortico y nan ta bon equipa y prepara pa cualkier eventaulidad riba e tereno di combati sangura.


E dia tan spera a yega, The Casino at The Ritz-Carlton, Aruba lo saca e feliz ganado di su campaña Deal or Wheel diasabra awo: E GANADO LO POR SCOGE E FERRARI 488 SPIDER OF $250,000 CASH!
Source:  Cool FM 98.9 Aruba
vrijdag 13 december 2019 08:37

Palm Beach, Aruba | E grandioso dia a yega! Diasabra awo, dia 14 di December, The Casino at The Ritz-Carlton, Aruba lo bay saca e feliz ganador di su campaña ‘Deal or Wheel’ unda cu lo tin e opcion pa ‘DEAL OR WHEEL’: E feliz ganador lo por bay cu e FERRARI 488 SPIDER of $250,000 CASH!

 

Na Januari 2019 The Casino at The Ritz-Carlton, Aruba a marca historia ora nan a lansa e tremendo campaña unda nan ta rifa un Ferrari 488 Spider. Na October 2019 The Casino at The Ritz-Carlton, Aruba a anuncia cu lo tin e extra opcion pa scohe e Ferrari 488 Spider of $250,000 cash. E magnitud di e campaña aki ta algo historico den Caribe, unda cu un casino ta duna su bishitantenan e oportunidad pa gana e auto unico aki of e opcion di e suma di $250,000 cash.

 

Tur e bishitantenan di The Casino at The Ritz-Carlton, Aruba por participa ainda te cu diasabra December 14 te cu 8.00 pm. Pa participa ta hopi facil: mester ta miembro of mester bira miembro di e VIP Club. Pa cada 80 punto acumula riba slot machines of $40 den theoretical win na weganan di mesa lo bo ricibi un ticket di rifa. Pa 9.00 pm exacto lo saca e 5 finalistanan for di e ‘raffle pool’ pa asina completa e total di 20 finalista cu lo competi den e gran final.

 

E feliz ganador di e tremendo Ferrari 488 Spider of $250,000 cash lo wordo selecta pa 12or di anochi na The Casino at The Ritz-Carlton, Aruba.

 

E grandioso evento lo cuminsa pa 8.00 pm cu entretenimiento en bibo di e banda Buleria cu sigur lo pone un tremendo ambiente. Tambe lo tin un menu special pa e bishitantenan local na e Divi Lounge unda lo por scohe un bebida y snacks pa un suma hopi atractivo.

 

E bishitantenan di The Casino at The Ritz-Carlton, Aruba ta super entusiasma pa sa si nan lo ta e feliz ganador di e auto luhoso y unico aki of di e $250,000 cash. The Casino at The Ritz-Carlton, Aruba ta hopi contento cu e reaccionnan positivo y ya ta preparando un tremendo campaña pa aña 2020. The Casino at The Ritz-Carlton, Aruba ta conoci pa brinda servicio di alta calidad y ta garantisa un experiencia unico. Tambe The Casino at The Ritz-Carlton, Aruba ta ofrece un di e miho Tier Program riba e isla unda nan clientenan fiel por goza di beneficionan exclusivo.

 

Pa mas informacion tocante con pa participa ainda pa gana e Ferrari 488 Spider of $250,000 cash, por bishita The Casino at The Ritz-Carlton, Aruba su VIP Desk of por yama na 527-2276/ 527-2277 y nan lo asisti cu tur detayenan di con pa participa y GANA.


MiMami hunto cu Subway ta presenta: TOY DRIVE diasabra awor!
Source:  Cool FM 98.9 Aruba
woensdag 11 december 2019 08:28

ORANJESTAD – Diasabra awor 14 di December pueblo henter ta invita pa e oportunidad unico pa sinti kiko ta pa duna algo cu abo no tin mester mas na un mucha cu si tin mester.

 

Subway den nomber di MiMami ta desea pa extende un invitacion cordial na henter pueblo di Aruba pa e “Toy Drive� cual lo tuma lugar Diasabra awor entre 10’or di mainta y 6’or di atardi na Cas di Cultura. E iniciativa aki ta entre otro pa concientiza nos comunidad di e importancia di duna, especialmente na esnan di menos recurso, justamente durante un periodo asina importante y bunita manera December.

 

Subway ta hasi un yamada pa e causa noble aki; ban uni y di e forma aki yuda colecta mas coi hunga cu ta possibel pa asina nos por duna un mucha cu no lo a haya nada pa pasco un regalito y hasi su curazon contento.

 

Con bo por yuda? Na cas nos tur tin coi hunga cu nos muchanan no ta haci uso mas di dje. Collecta esaki nan hunto cu bo yiunan y laga nan tambe forma parti di e proceso aki pa asina nan sinja e importancia di duna y balora.  Alabes e lo ta un momento agradabel entre major y yiu. Hunto e ora tambe por bin drop e articulonan diasabra awor na Cas di Cultura entre 10:00am y 6:00PM. Lo bai tin un kerstboom chiquito unda cu e mucha por scirbi un deseo pa e mucha cu lo ricibi un regaldo.

 

Hunto cu bo ayudo Subway den nomber di MiMami kier trece e Christmas Spirit den mas hogar posibel na Aruba door di haci un mucha contento cu un regaldo pa pasco.

“Kindness is a gift. Everyone can afford to give�


Catalogo di Pintura di Indjan riba Baranca ta bay Scol
Source:  Cool FM 98.9 Aruba
donderdag 21 november 2019 11:33

Fundacion 1403 ta organisa un campaña pa tur scol na Aruba por haya un catalogo di pintura di Indjan riba baranca pa nan biblioteca. Na nomber di cada persona cu cumpra un catalogo den e periodo cuminsando diasabra dia 23 di november te cu diasabra dia 30 di november, Fundacion 1403 lo regala un buki na un scol.

E campaña ta inicia cu un ‘pop-up’ di Fundacion 1403 na Baz-Rrr den Centro di Oranjestad diasabra dia 23 di november cuminsando pa 11 or. Cada persona cu cumpra un buki lo haya un sticker cu lo plak den un otro buki cu Fundacion 1403 lo entrega na un scol na nan nomber. Esaki ta un Evento di Partnership Comunitario (‘Community Partnership Event’) den contexto di e Metanan di Desaroyo Sostenibel (‘Sustainable Development Goals’), cual Baz-Rrr ta promove activamente. Coautor di e catalogo, Harold Kelly, kende ta arkeologo di Museo Arqueologico Nacional Aruba y Francisco Croes, e persona na kende e buki ta dedica, lo t’ey pa comparti nan experiencia di traha e catalogo aki y firma buki. E evento na Baz-Rrr lo dura te 5 or.

Cu cada compra di e catalogo, den e periodo di 23 pa 30 di november, na Plaza Bookshop, na DeWit & VanDorp na Dakota, na Bruna bookstore y na Museo Arqueologico Nacional Aruba, lo haya un sticker pa pone nomber. Na final di e campaña, Fundacion 1403 lo entrega tur scol un buki pa nan biblioteca y lo publica tur detaye riba su pagina di Facebook.

Si tin compania cu ta desea di cumpra mas copia di e buki, nan por tuma contacto cu Fundacion 1403 via nan e pagina di Facebook @fundacion1403, email: fundacion.1403@yahoo.com of bishita e ‘pop-up’ na Baz-Rrr.

E catalogo di pintura di Indjan di Aruba ta un proyecto colaborativo entre Fundacion 1403 y Museo Arqueologico Nacional Aruba cu sosten di Prins Bernhard Cultuurfonds Dutch Caribbean, UNOCA, VNO, Gomez & Coffie, FCCA y Grant Thornton. Desde cu a presenta e buki na juli ultimo el a haya masha hopi elogio y ta disponible den librerianan y na Museo Arqueologico Nacional Aruba pa 90 Florin.


Sunnery James & Ryan Marciano at TABULA RASA 2020
Source:  Cool FM 98.9 Aruba
dinsdag 19 november 2019 11:51

November 18th, 2019 – WILLEMSTAD, CURAÇAO – Those who went last year are still glowing from the magic of the Tabula Rasa Festival. The journey to the festival site, the laid back vibe, the enchanting decor and the world-class artists are still fresh in their minds.

 

This year, Sterck Events – also known for organizing The Flying Dutch Curacao – promise to build an entire village again at Fuik Valley in the Santa Barbara Beach & Resort. The headliner – Sunnery James & Ryan Marciano – promised to return to the island during their performance at The Flying Dutch Curacao in 2017. They kept their promise and are now returning to the first official New Year Festival “Tabula Rasa 2020�.

 

With the sexy hits of Sunnery James & Ryan Marciano, the hottest beats of Freddy Moreira, the popular urban beats by Dopebwoy and the festival masters Lucas & Steve visitors from The Netherlands, USA, Aruba, Bonaire, St Maarten, Surinam and Curaçao will celebrate and dance into the new year at Tabula Rasa.

 

We are very proud to announce these great artists for the second edition of this festival. We will create an enchanting atmosphere again on January 3rd to ensure the perfect start of 2020.� Says Herman Harms of Sterck Events.

 

Besides top-notch music entertainment, Tabula Rasa offers an enchanting decor and an exquisite food court area on the grounds of Fuik Valley. The transportation to and from the festival will be well arranged again this year.

 

Are you ready for the ultimate New Year’s celebration? Get your early birds tickets now through www.tabularasacuracao.com or at the regular local ticket sales locations. Early birds ticket offer is limited.


Actualisacion: Maneho “Stony Coral Tissue Loss Disease (SCTLD)� pa Caribe Hulandes (enfermedad di perdida di coral di piedra pa Caribe Hulandes)
Source:  Cool FM 98.9 Aruba
dinsdag 19 november 2019 08:45

For di 2014, un enfermedad nobo di coral ta extende via di e rif nan den Caribe. E enfermedad aki ta  miho conoci como: “Stony Coral Tissue Loss Diseaseâ€� (SCTLD) – enfermedad di perdida di coral di piedra. E enfermedad aki ta parse di ta extende lihe y ta sumamente mortal pa e coral nan cu ta keda somete na dje. Na augustus  MPA/Connect a organisa un encuentro caminda expert nan a reuni pa discuti tur loke nan a siña di e manera cu Florida a maneha  e enfermedat  aki. Tambe a elabora riba e miho practica nan pa identifica y trata coral nan infecta pa futuro. E resultado nan a keda resumi den DCNA su carta di “Stony Coral Tissue Loss Disease Managementâ€� pa Caribe Hulandes. Durante di e encuentro anual ku a tuma luga siman pasa di “Gulf and Caribbean Fisheries Institute (GCFI)â€� na Republica Dominicana (Santo Domingo), director di Dutch Caribbean Nature Alliance, Tadzio Bervoets, a presenta esfuerso nan haci pa desaroya capacidad a traves di Caribe.

 

 

E enfermedad

Un enfermedad nobo bou di coral a ser identifica pa prome bes den 2014 na altura di costa di Florida. For di e momento ey  el a extende rond den Caribe incluyendo Mexico, Jamaica, St. Maarten, St. Eustatius, Republica Dominicana y U.S. Virgin Islands (AGGRA, 2019).  E enfermedad ta miho  conoci como SCTLD, cu apodo “skittle-D�. Te cu awe e enfermedad STCLD a ser identifica solamente cerca coral nan di piedra y ta causa perdida di material considerabel cerca e coral afecta. E enfermedad aki ta extende rapidamente y por tin efektonan devastador pa e rif den caso cu no trate inmediatamente (Florida DEP, 2019).

Dr. Andy Bruckner, coordinador di investigacion na Florida Keys “National Marine Sanctuary� a declara cu “Stony Coral Tissue Loss Disease ta afecta  algun di e coral nan di crecemento menos rapido alabes coral nan mas bieu y formado di rif, incluyendo e icono coral celebral, coral di strea y coral di pilar.�

 

Sintoma

Na momento cu un coral contrae SCTLD e ta cuminsa cu cicatriz visibel cual nan ta extende rondo di e rand di e coral afecta. Aki e material di e coral por los parcialmente of completamente, lagando e structura di e coral manera un skelet sunu, tipicamente tapa cu alga dentro di un siman (Florida DEP, 2018). E enfermedad aki a keda documenta den mas cu 20 diferente sorto di coral, incluyendo cinco sorto riba di e lista di especie abou di menasa di “extinction� “Endangered Species Act� (Florida DEP, 2019).  Den prome instante e ta parce di ta afecta e sorto di coral altamente vulnerabel prome. E enfermedad ta extende rapidamente cu un mortalidad di especie infecta cu ta varia entre 1 siman pa 2 luna di tempo (AGGRA, 2019). Tipicamente, un luna despues cu e enfermedad keda raporta den e sorto di coral altamente  vulnerabel, e ta cuminsa infecta e sorto di coral cu ta menos vulnerabel. Bou di e especie nan aki, colonia nan mas chikito a ser identifica di a muri den curso di luna y colonia nan mas grandi ta anfitrion di e malesa pa años sin sufri mortalidad completo.

 

Transmision

Awor tin e imprecion cu e enfermedad SCTLD ta ser transmiti pa medio di contact directo y  circulacion di awa (Reef Resilience, 2019). Pa minimalisa su crecemento, professional nan  awor ta recomenda precaucion extremo pa sambuyado nan den area di coral infecta. Alavez  ta urgi sambuyado nan pa desinfecta nan equipo completamente entre diferente area di buseo pa asina evita sigui plama e enfermedad (Florida DEP, 2019).   Tambe, ta curasha pa inmediatamente meld na outoridad competente den caso di sospecho di infeccion di coral pa accion inmediato por tuma luga (Florida DEP 2019).

 

Intercambio di conocemento

            Riba prome di augustus di e aña aki, un grupo di 22 experto di 17 pais a reuni na Key West Florida, pa intercambia conocemento y discuti  con miho maneha erupcion di SCTLD (GCFI, 2019).  Participante nan por a traha directamente ku experto nan di renombre di SCTLD di Florida, alabes siña con pa adecuadamente identifica e enfermedad y maneha coral nan infecta di forma eficaz. Florida a conoce resultado nan positivo tratando coral infecta cu un variedad di regimen antibiotico, sinembargo, esaki ainda ta den fase di test y e cuadro regulatorio encuanto uzo di tratamento nan similar ta varia di pais pa pais (Reef Resilience, 2019).

Durante di e encuentro di 2019 “Gulf and Caribbean Fisheries Institute� (GCFI) siman pasa, director di

DCNA Tadzio Bervoets a presenta varios esfuerso haci  den region pa crea capacidad pa medio di MPA Connect/ GCFI network, dunando gerente nan di recurso maritimo e metodo nan necesario pa actua contra di e enfermedad.  Bervoets tambe a presenta e asina yamá “the Stony Coral Tissue Loss Disease

Management Letter� pa  Caribe Hulandes. Esaki ta provee gerente nan di recurso maritimo den Caribe Hulandes e informacion necesario pa prepara pa, monitoria y actua ariba e enfermedad.

 

Protegiendo futuro 

Ku condicion nan ambiental mas severo, aumentando asina e stress ariba e coral nan, e especienan aki lo continua di ta mas sensibel pa contrae enfermedad den futuro.  E enfermedad SCTLD ta particularmente preocupante ya ku esaki ta parce di ta di un duracion largo, di embergadura amplio, altamente contagioso pa un gran mayoria di especie ku crecemento menos rapido y responsabel pa construccion di rif. Ademas di esaki e enfermedad a demonstra mortalidad di un colonia completo una bes cu e coral ta infecta (Martinelli, 2019).  Aumento di consenshi publico y practica nan di buseo apropia lo ta crucial pa maneha e enfermedad aki. Investigado nan ta continua test metodo nan di intervencion pa minimalisa cifra di mortalidad y preveni aumento di infeccion. Mientras cu no tin suficiente conocemento  di e enfermedad aki, ta crucial pa sambuyado nan y investigado nan sigui e progreso cu  cautela. Si bo ta kere di a mira un coral infecta, por fabor meld e fecha, ubicacion di GPS  y si ta posibel saca un potret pa bo outoridad di Marine Park.

 

Carta di maneho di DCNA’s Stony Coral Tissue Loss Disease pa Karibe Hulandes por “download� via : https://www.dcnanature.org/wp-content/uploads/2019/11/SCTLDReport-Online.pdf

 


<< < Vorige 1 2 3 4 5 6 7 8 9 10 Volgende > >>